KABANATA 26

Pagod na pagod ang pakiramdam niya dahil sa kabilaang meetings niya nang araw na iyon. Pagkatapos nga ng kasal nila ay dumiretso na siya sa unang meeting niya. Alas tres na ng hapon natapos ang panghuli niyang meeting.

Suot-suot pa rin niya ang damit na isinuot niya sa kasal nila kanina nang dumiretso siya ng opisina.

Kadalasan ay naglalagi pa siya sa opisina hanggang gabi kapag natapos siya sa client meeting niya. Gusto niya kasing ma-review ang lahat ng nai-take note ng secretary niya hangga't fresh pa sa utak niya.

Ngunit hindi na siya bumalik pa ng opisina pagkatapos ng last meeting niya. Alam niya kasing nasa bahay na niya si Yazmin.

Tumawag siya kanina saglit kay Nana Klaudia para mangumusta lalo pa't unang araw ng "asawa" niya sa bahay niya. Actually, pangalawa na kung ikokonsidera niya ang gabing dinala niya ito roon at nangyari nga ang mainit na tagpong iyon sa kanila.

Pagkababa ng kotse nang makauwi na ng bahay ay agad na tiningnan niya ang oras. Alas kwatro pa lang ng hap