KABANATA 27

Nagising siya alas sais ng umaga dahil nakasanayan na niya. Agad na bumaba siya ng kusina pagkatapos maghilamos at magmumog.

Hindi siya sanay na naghihintay lang na tawagin para kumain. Gusto niyang tumulong din sa mga gawaing bahay.

Nagtanong agad siya sa katulong na nasa kusina kung ano ang lulutuin para makatulong.

"Naku, Ma'am Yazmin, nakapagluto na po ako. Kakain na po ba kayo para ipaghanda ko kayo sa mesa? Si Sir Sean kasi, eh, maagang umalis at kadalasan ay kape lang talaga ang iniinom niya kada umaga."

"Gano'n ba? Ay, sige. Huwag ka nang mag-abala ako na ang kukuha ng makakain ko. Kumain na rin ba kayo?"

"Sabay-sabay po kaming kumakain at mamaya pang alas siyete kami kumakaing lahat. Umupo na lang po kayo do'n sa dining area po at ilalabas ko na ang almusal. May gusto po ba kayong ipaluto?"

Ngumiti siya rito.

"Salamat pero okay na sa akin kung ano mang nailuto mo na."

Papatapos na siyang kumain nang dumating si Nana Klaudia na may dala-dalang bayong at nasa likod naman nito s