KABANATA 29

Hindi muna siya umuwi ng bahay pagkatapos. Dumiretso siya ng mall para bumili ng mga damit na maisusuot sa opisina.

May tatlong pares lang kasi siya at nakakahiya naman kung iyon lang ang salitang isusuot niya. Okay lang siguro no'ng nasa kanila siya nagtatrabaho pero nasa isang malaking kompanya na siya ngayon konektado, sa kompanya pa ni Sean.

Tipid na tipid naman siya habang namimili dahil baka maubos na ang pera niya, eh, magsisimula pa lang siya ng trabaho sa Lunes.

Namimili pa rin siya nang biglang tumunog ang phone. Nang silipin niya ang phone ay nakita niyang si Sean ang tumatawag. Hindi niya sana papansinin iyon pero panay lang ang ring ng phone niya kaya't sinagot niya na lang din.

"Where are you?" Bossy pa ang tunog ng boses nito.

Sinisipat niya ang damit na naka-hanger gamit ang isang kamay habang nakikipag-usap dito.

"Nasa mall."

"Why? May mga kailangan ka bang bilhin na wala sa bahay? Nagpa-grocery na ako kay Nana Klaudia. Nagpasali pa ako ng napkin and panty liners-"

Ka