Chapter 2

Ngumiti si Killian habang nakatingin sa ibinigay sa kaniya ng kanyang assistant. Iyon ang files na nakuha nito sa babaeng pumasok sa kanyang silid noong nakaraang linggo pa.

“Althea Singson.” sambit niya sa pangalan nito at sa pagbanggit pa lang niya sa pangalan nito ay muli na namang bumalik sa kaniya ang mga nangyari noong gabing iyon. Isang ngiti ang sumilay sa kanyang mga labi.

Sa tagal ng panahon na nawalan siya ng interes sa mga babae ay ngayon lang ulit siya nagkaroon muli ng interes at mukhang magkakaroon pa siya ng problema dahil ayon sa papeles na binigay sa kaniya ng kanyang assistant ay kasal ito.

Napahilot siya sa kanyang sentido. Kung may asawa naman pala ito ay bakit nito nagawang pumasok sa isilid ng iba? Hindi lang iyon, napaka wild nito sa kama.

“Gusto niyo bang gumawa ako ng paraan sir para magkita kayo?” tanong nitong muli sa kaniya ngunit umiling lang siya.

“Magsasabi na lang ako sayo.” sabi niya at pagkatapos ay pinaikot ang kanyang swivel chair at tumanaw sa labas ng floor to ceiling window na salamin. Nagbuga siya ng usok. Hindi niya kailangan ng distraction sa ngayon dahil kailangan niyang mag-focus sa ginagawa niya. Kailangan niyang mapabagsak ang taong iyon dahil kung hindi ay hindi siya matatahimik.

~~~~

“What?!” hindi makapaniwalang tanong ng kaibigan niyang hindi niya nakausap ng halos mag-iisang taon na. Nilakasan niya ang kanyang loob para pumunta sa bahay nito at humingi ng tawad.

Tumango siya. “You were right all along. Isa siyang malaking gago!” puno ng galit na sambit niya.

Narinig niya ang pagpapakawala nito ng isang malalim na buntong hininga. “Hindi ko akalain na maloloko ka talaga ng gunggong na iyon in the first place dahil matalino ka naman sana.” sabi nito.

“Kahit na sermonan pa kita ngayon e wala ng mangyayari, tapos na. Kaya kung ako sayo, bakit hindi na lang tayo pumunta sa bar at mag-enjoy?” tanong nito sa kaniya pagkalipas ng ilang sandali.

Sa puntong iyon ay biglang bumalik sa kanyang alaala ang tagpong iyon noong huli siyang magpunta sa bar. Noong gabing pansamantala siyang nakalimot sa sakit na naramdaman niya dahil sa lalaking iyon. Masasabi niyang magaling ito at talaga namang na-satisfied siya, yun nga lang ay talagang namaga ang kifay niya dahil sa matinding ginawa nito sa kaniya.

“Huy! Nakikinig ka ba sa akin? Tara na, isa pa, bonding na rin natin iyon ‘no! Ang tagal nating hindi nagkasamang dalawa. Loka-loka ka kasi!” sabi ng kaibigan niya sa kaniya na ikinapilig ng kanyang ulo tyaka lang siya napangiti. Totoo naman ang sinabi nito na napakatagal na noong huli silang nag-bonding dahil nga simula ng piliin niya ang asawa niya ay nagkalabuan na rin sila ng kaibigan niya.

“Fine, isa pa kailangan ko rin naman talagang libangin ang sarili ko. Hindi ako dapat magmukmok dahil lang sa walang kwentang lalaking iyon!” sagot niya sa kaibigan na ikinangisi nito.

“Yan, yan ang gusto ko. Ganyan nga Althea, ipakita mo sa lalaking iyon na hindi siya kawalan.” nakangising sabi nito.

********

Sa bar, nakailang baso na ng alak ang kaibigan niya. Lasing na ito pero siya ay hindi. Ayaw niyang magpakalasing lalo na at pareho silang babae. Baka mamaya ay kung anong mangyari sa kanila. Gusto niya na makakauwi pa rin sila ng safe.

“Althea… inom ka pa, bakit ba parang hindi ka naman nag-eenjoy?” papikit-pikit ng tanong sa kaniya ng kaibigan niya. Napa buntong hininga lang siya at inalog ang laman ng kanyang baso tyaka ngumiti rito.

“Okay lang ako, tyaka kung magpapakalasing ako. Paano tayo uuwing dalawa?” 

Umirap ito at pagkatapos ay tumayo. “Basta ako, gusto kong mag-enjoy dahil sa wakas ay natauhan na rin ang kaibigan ko!” masayang bulalas nito at pagkatapos ay itinaas nito ang baso tyaka sinaid. “Sasayaw muna ako, ikaw ayaw mo ba?”

Umiling siya. “Dito na lang muna ako.” sabi niya sa kanyang kaibigan.

Sa totoo lang, kaya ayaw niya ring magpakalasing ay dahil kanina niya pa nararamdaman na parang may nakatitig sa kaniya. Kanina niya pa iniiikot ang kanyang mga mata para tingnan kung sino ito ngunit wala siyang makita. Para bang nanunuot ang mga titig nito sa kaloob-looban niya at hindi siya mapakali.

Ewan niya ba pero parang kakaiba ang pakiramdam niya. Isa pa, kanina niya pa gustong ayain ang kaibigan niya na umuwi ngunit enjoy na enjoy naman ito kaya hindi niya magawang yayain ito. Pero baka pagbalik na lang siguro nitong magsayaw ay uuwi na sila talagang hindi na siya komportable pa.

“You’re here alone Miss?” tanong ng isang tinig sa harap niya dahilan para mabalik siya sa kanyang katinuan. Nakita niya ang isang lalaking nakatayo sa harap niya, nakangiti ngunit ang mga mata nito ay punong-puno ng kalaswaan. Alam na niya kaagad kung ano ang hinahanap nito. Naghahanap ito ng babaeng makaka-one night stand nito at sorry na lang ito ngunit hindi siya desperada. Isa pa, kung hindi lang din naman ito ang lalaking nakaniig niya noong mga nakaraang gabi ay hindi na.

Naipilig niya ang kanyang ulo nang muli na namang pumasok sa isip niya ang lalaking iyon. Bakit ba palagi niya na lang itong naiisip? Hindi niya na sigurado pa. Muli niyang ibinalik ang kanyang tingin sa lalaking nasa harap niya. “Sorry, but I am with my friend.” sagot niya at pagkatapos ay ibinaling ang tingin sa dance floor kung saan nagtungo ang kanyang kaibigan ngunit napatayo siya mula sa kanyang kinauupuan ng hindi na niya makita pa ang kaibigan niya sa gitna.

Nasaan na siya? Saan siya nagpunta?

Wala sa sariling naglakad siya para hanapin ito. Lasing na ang kaibigan niya at kung may mangyari man dito ay kasalanan niya. Shit. nawala lang sandali ang tingin niya rito ngunit naglaho na ito. Iniikot niya ang kanyang paningin sa loob ngunit wala talaga ito. Diniretso niya ang makipot na eskinita papunta sa likod dahil baka bigla lang nakaramdam ito na gustong masuka at naghanap ng pwede nitong pagsukahan. 

Nasaan na ba siya?

Habang naglalakad ay patingin tingin siya sa kanyang paligid, hinahanap ang kaibigan niya ngunit isang kamay ang biglang humila sa kaniya dahilan para mamilog ang kanyang mga mata sa gulat. Hindi na rin siya nakasigaw pa dahil mabilis nitong tinakpan ang bibig niya gamit ang malaki nitong kamay at pagkatapos ay isinandal siya sa malamig na pader.