13.

[Yuri]

Hindi naman siya ang gurdian nang matanda pero siya ang narito ngayon sa hospital habang nagbabantay rito. Parating palang kasi ang kaanak nito.

Tumingin siya sa matandang lalaki at dalawang matandang babae na humahangos na dumating. Nang makita nito ang matanda na binabantayan niya ay umiiyak na lumapit ang mga ‘to bakas ang labis na pag aalala sa mga mukha.

“S-Salamat naman at l-ligtas ka, manoy.” Ani ng matandang lalaki habang hawak ang kamay ng matanda. Pagkatapos mag iyakan ay saka lamang siya napansin ng tatlo.

“I-Ineng, salamat sa paglitas sa kapatid namin. Kung hindi dahil sa’yo ay baka nawala na ang kapatid namin.”

“Naku, nagkakamali ho kayo. Si Re— I mean si Dr….” Ano nga ulit ang apelido ni Red? “Si Dr. Red ang nagligtas sa kanya at hindi ako. Iyon po siya, oh.” Aniya sabay nguso sa binata na papalapit sa pwesto nila.

Panay ang pasasalamat ng tatlo kay Red. Napangiti siya— May nagawa din itong tama.

“Kuya, ang tigas nang ulo mo, sinabihan na kitang pumirmi sa bahay.”