Kabanata 06

VANCE'S POV

SUMERYOSO ako nang makapasok na ako sa Audio Visual Room. Napabuga ako ng hangin nang mapansin kong hindi na ako sinundan ni Steven. Nandoon na din si Braxton at Calvin kaya kampante akong umupo sa upuan.

Masayang nakikipag-usap si Calvin kina Kedrick at Dashei sa isang sulok. Mga co-officers niya ang dalawa sa student council. Kasama sila sa pag-uusap para mamagitan.

Si Kedrick ang ipinadalo para maging representative ng student council kasama niya ang secretary na si Dashie para mag- take note ng minutes of the meeting.

Habang si Braxton naman kausap si Karson. Si Karson ay isa din sa mga officers ng fraternity ni Braxton.

Hindi nakaligtas sa mga mata ko ang pagtiim ng panga ni Braxton ng dumating ang ex-girlfriend niyang si Clodeth kasama ang boyfriend nito na si Arlo.

Si Arlo ay isa sa officer ng fraternity ni Steven habang si Clodeth naman ay officer naman ng sorority.

Na-guilty ako. Alam kong iniiwasan ni Braxton na