Kabanata 09

VANCE'S POV

BINIGYAN ako ni Mommy ng malaking halaga para sa panggastos ko sa loob ng isang taon. 

Sabi niya isang taon lang daw ang kaya nilang ibigay ni Daddy sa akin para pagbigyan akong mabuhay sa pamamaraan na gusto ko.

Pagkatapos ng isang taon at hindi pa ako bumabalik sa kanila na isang tunay na lalake, puputulin na nila ang sustento sa akin. 

Kaya tinipid at iningatan ko ang perang 'yon. 

Habang bakasyon ay naisipan kong magtrabaho para kumita ng pera na idadagdag ko sa ipon ko at para sa pangtustos na din sa mga pangangailangan ko sa araw-araw. 

Bukod doon, gusto kong libangin ang sarili ko, gusto kong pagurin ang katawan ko para hindi ako magkaroon ng pagkakataong isipin nang isipin ang mga nangyari. Gusto ko nang kalimutan ang nakaraan at gamutin ang mga sugat sa puso ko.

Umaasa ako na totoo ang sinasabi nilang kayang tanggalin ng paglipas ng panahon ang sakit at hapdi sa puso ko.

Pagkatapos ng is