Kabanata 28

VANCE'S POV

TUMAYO ako at saka pinuntahan si Steven sa kusina. Napangiti ako nang makita kong naghahanda siya ng sandwich para sa akin.

"I'm sorry Vance, medyo matagal," sinenyasan niya akong maupo sa counter table.

Umupo ako sa high chair at naghintay ng ihahain niya. Hindi ko maiwasang titigan siya habang abala siya sa ginagawa niya.

Hindi ko maipaliwanag ang sayang nararamdaman ng ma-realize ko ang sitwasyon namin ngayon. 'Yong mga bagay na pinapangarap ko lang noon ay nangyayari na ngayon.

"Can we eat this first?" Lapag ni Steven sa platong puno ng sandwich. "Mamaya magluluto ako ng heavy meal para sa hapunan."

Tinikman ko 'yon. Hindi ganon kasarap ang sandwich na ginawa niya pero ipinakita kong sarap na sarap ako matuwa siya na nagustuhan ko 'yon.

Kita kong natuwa siya sa naging reaksyon ko. Matapos niyang maghanda ng juice ay sinabayan na niya akong kumain. Tahimik kaming kumain habang nakatitig lang sa isa't isa. Hinayaan namin mag-usap ang mga mata naming maraming gustong ipa