Chapter 3

Napatitig ako kay Alexis. Umiiyak na ito, mukhang napikon na sa mga kuya nito.

"I'm sorry little sis, kasalanan namin ito kung bakit naging ganiyan ka." pabuntong-hiningang sabi ni kuya Aries.

"No, kuya wala kayong kasalanan, ginusto ko ito kaya sana naman ay tanggapin na ninyo na ito na talaga ako." sagot nito sa mga kuya nito bago ito umalis at tumakbo palayo.

Naiwang natitigilan at nagkatitigan na lang ang mga kuya ni Alexis bago sabay-sabay na napabuntong-hininga ang mga ito. Maya-maya ay ako naman ang binalingan ng tingin nila kuya Ashton.

Pare-parehong nakangisi na ang mga ito sa akin.

"Good job, Elijah!" nakangiting sabi sa akin ni kuya Ashton sabay tapik pa sa balikat ko.

Nagtataka namang napatingin ako kay kuya Ashton. Para namang nabasa nito ang nasa isip ko at sinagot ako nito kahit na hindi ko pa naisasatinig ang gusto kong itanong dito.

"Matagal na naming gustong idispatsa iyang girlfriend ni bunso na si Jessica eh, sobrang landi kasi niyan, kung sino-sino na lang ang sinasamahan kapag wala si Alexis, hindi naman namin masulot kay bunso dahil magtatampo 'yon sa amin, mabuti na lang talaga at sakto ang dating mo dito sa gym Elijah! Nailigtas mo ang kapatid namin sa gold digger na babaeng iyon!" Nasisiyahang sabi sa akin ni kuya Ashton.

Natuwa rin ako sa papuri sa akin ni kuya Ashton kaya proud ko siyang sinagot, "Mabuti na lang talaga at napakaguwapo ko kuya at sa maniwala ka man at hindi ay kahit na sinong babae ay kaya kong paibigin." nagmamalaki kong sagot dito na lalong ikinatuwa nito.

"Sigurado ka ba diyan?" natatawa namang sabat ni kuya Aries.

"Naman!" pagmamayabang ko pa.

"Kahit na babaeng may pinakamatigas na puso ay kaya mong palambutin?" tanong ulit ni kuya Ashton.

"Kahit na nga bakla ay kaya kong baliwin." biro ko pa sabay tawa ng malakas na sinabayan din ng mga ito.

"Loko ka talaga Elijah!" nakangising sabi sa akin ni kuya Ariel sabay batok sa akin.

"Aray ko naman kuya! Nasobrahan ka yata sa tuwa." Reklamo ko sa kaniya na lalong ikinangisi lang nito.

"Tara na nga sa resto bar ko, doon na lang tayo at makapang hunting naman ng mga hot babes, isang linggo na kong hindi nakakatikim ng babae eh" aya ni Abel.

"Teka lang.. kuya Ashton, nasaan na pala ang babaeng irereto mo sa akin?" pigil ko sa mga ito nang bigla kong maalala ang nirereto nitong chika babes sa akin.

Bigla ay naging seryoso ang mukha ni kuya Ashton.

"Nako, talo ako sa pustahan kaya hindi ko nagawang babae yung dapat na irereto ko sa'yo, baka sa ibang araw na lang." dahilan nito na may kasamang palatak.

ASHTON POV

Ang balak ko sana kanina ay i-set up sila Alexis at Elijah para sa isang simpleng dinner na kasama kaming magkakapatid pero bago ko pa man makausap at mayaya si Alexis ay nagpang-abot na ang mga ito at sa unang pagkikita pa lang ng mga ito ay hindi na kaagad maganda ang simula kaya naman problemado ako ngayon kung paano ko kakausapin si Alexis para mapalapit ito kay Elijah.

Elijah's POV

"Akala ko pa naman ay makakarami na ako ng babae ngayon." kunwari ay reklamo ko kay kuya Ashton at hindi ko pinansin ang huling sinabi nito.

"Kaya nga doon na lang tayo sa resto bar ko mag hunting ng mga chicks, tiyak na makakarami tayo doon." nakakalokong sabat ni Abel habang inaakbayan ako.

"Sulitin mo na ang mga babae ngayon habang malaya ka pa." makahulugang dagdag pa nito na ikinatawa nilang magkakapatid.

Wala man lang akong kamalay-malay sa pinaplano ng mga ito sa akin.

-- END OF FLASHBACK..

"See? Hindi ka nakasagot." boses ni daddy na nagpabalik sa akin sa kasalukuyan.

"Pero dad, tuwang-tuwa naman sa akin sila kuya Ashton dahil sa ginawa ko, nailayo ko ang kapatid nila sa maling tao." kat'wiran ko kay daddy.

"Pero kahit na, may point is babaero ka pa din! At hindi ka na nagbago kaya itong pagpapakasal lang ninyo ni Alexis ang nakikita naming paraan para magtino kayo pareho." giit ni daddy.

"Pero dad--" maya-maya ay nakaisip ako ng kalokohan para hindi na maituloy ni daddy ang pamimilit niya sa akin na ipakasal ako kay alexis.

Hindi ako magpapatalo sa kaniya dahil future ko ang nakasalalay dito, baka kapag naging asawa ko na si Alexis ay araw-araw lang akong bugbugin no'n eh sayang lang ang kaguwapuhan ko kung ang tomboy lang na iyon ang makikinabang sa akin.

"Sige dad, papayag akong ipakasal ninyo ako sa sigang tomboy na 'yon-- este kay Alexis pala basta't bigyan ninyo ako ng sampung dahilan kung bakit kailangan ko siyang pakasalan!" panghahamon ko kay daddy.

Sa isip ko ay hindi masasagot ni daddy ang tanong ko sa kaniya kaya ngayon pa lang ay nagdidiwang na ako.

"You have 10 minutes para sagutin ang tanong ko dad, your timer starts now." dagdag ko pa sabay ini-angat ko ang relo ko at kunwari ay ino-orasan ko si daddy.

Tila naman naaligaga si daddy at mabilis ako nitong sinagot.

"Teka lang saglit, una ay para magtino ka na sa kalokohan mo, pangalawa ay gano'n din si Alexis, pangatlo ay hindi ka na bumabata, pang-apat ay gusto ko ng magka-apo, panglima-- ah teka--"

Ngising-ngisi ako ng wala ng maisagot si daddy sa akin kaya binilangan ko na siya.

"Malapit ng matapos ang ibinigay ko sa'yong oras daddy, ten, nine, eight--" pero hindi pa natatapos ang pagbibilang ko ay biglang natauhan si daddy. Bigla ay nagsalubong ang mga kilay nitong sinamaan ako ng tingin.

"Niloloko mo ba ako Elijah?!" pagalit na tanong sa akin ni daddy.

"Ako itong nagsasabi sa'yong pakasalan mo si Alexis tapos ay ako ang hinihingian mo ng dahilan kung bakit mo siya kailangang pakasalan, hindi ba't ikaw ang dapat na mag-isip niyon!" galit ng bulyaw nito.

Napangiwi ako, sayang! Akala ko pa naman ay maiisahan ko na si daddy.

"Akala ko lang naman ay makakalusot." mahinang sabi ko na hindi nakaligtas sa pandinig ni daddy.

"Malapit na akong mawalan ng pasensiya sa iyo Elijah! Gusto mo bang ipatapon na lang ulit kita sa America?" Ito naman ang humamon sa akin.

Alam kasi nitong kaya ako nagkumahog na umuwi ng Pinas ay hina-hunting ako ng Amerikanong tatay ng naka-fling ko at gusto nitong pakasalan ko ang anak nito dahil buntis daw ang anak nito at dahil alam kong hindi naman talaga sa akin ang ipinagbubuntis ng anak nito ay mabilis akong nag-impake at humingi ng tulong kay daddy para makauwi ako kaagad sa Pilipinas.

Paano ko ba naman kasi mabubuntis ang babaeng iyon eh hindi ko naman ugaling putukan sa loob ang mga babaeng nakaka-sex ko at palagi akong gumagamit ng condom dahil hindi pa ako handang maging ama.

"Think about it Elijah!" dagdag pa nito.

"Daddy naman.." maktol ko kay daddy.

Parang wala naman itong ibinigay na magandang option sa akin. Dito sa Pinas ay pakakasal ako sa tomboy.

Sa America naman ay aako ako ng batang hindi naman sa akin.

"Dad inisip niyo na ba ang magiging future ko kapag pinakasalan ko si Alexis?" nangongonsensiyang tanong kay daddy. Baka sakaling maawa ito sa akin.

"Of course, hijo! At nakikita ko ang magandang future ninyo ni Alexis." kampante at nakangiti pang sagot nito.

Napabuntong-hininga na lang ako dahil wala na akong maikatwiran kay daddy.