Chapter 4

Samantalang sa mansiyon naman ng mga Montecillo ay nagtipon-tipon ang magkakapatid na sila Ashton-- panganay sa magkakapatid, 35 years old at kilala sa pagiging aloof at business tycoon sa pamilya. Aries-- pangalawa sa magkakapatid, 34 years old at katuwang ni Ashton sa pamamahala sa negosyo ng pamilya at Abel-- pang-apat sa magkakapatid at katulad ni Elijah ay kilala din itong playboy at happy-go-lucky-guy na walang ginawa kun'di ang mangolekta ng mga kababaihan. Silang lahat na mga Montecillo brothers ay pawang mga guwapo at matitikas pero sa edad nilang iyon ay wala pa silang mga asawa.

Naroon sila sa library kasama ang daddy nilang si Luigi-- 58 years old, kahit na may edad na ito ay makikita mo pa din sa itsura nito ang tikas at kaguwapuhan na siyang minana ng mga anak nito.

Naroon sila sa library para pag-usapan kung paano nila sasabihin kay Alexis ang plano nilang ipakasal ito kay Elijah. Wala na ang mommy nila na si Amalia dahil pagkasilang pa lang nito kay Alexis ay binawian na ito ng buhay kaya naman silang magkakapatid ay todo ang pagprotekta sa bunso nilang si Alexis, siniguro nilang kahit wala itong kinagisnang ina ay hindi nito mararamdaman ang mag-isa. Hindi na din nag-asawa pa ang daddy nila dahil katwiran nito ay ang mommy lang daw nila ang nag-iisang babaeng minahal nito at patuloy na mamahalin.

Lahat ng luho at pagmamahal ay ibinigay nila para sa bunso nilang kapatid na si Alexis, tinuring nila itong prinsesa kaya lang habang lumilipas ang panahon at dahil na din sa kasawiang naranasan nito ay unti-unti nitong binago ang sarili at tuluyan ng naging pusong lalaki pero kahit na ganoon ay batid nilang kayang-kaya pang bumalik ng kanilang kapatid sa pagiging tunay na babae, kailangan lang ulit nitong maramdaman ang tunay na pagmamahal mula sa isang lalaki kaya napagdesisyunan nilang magkakapatid na ipakasal ito kay Elijah-- ang kababata nila at anak ni tito Meynard.

Kilalang-kilala na nila si Elijah simula bata pa lang ito, bukas na aklat din sa kanilang pamilya ang buhay at mga pinagdaanan nito. Alam nilang kaya lamang ito naging mapaglaro sa babae ay dahil nasaktan ito ng todo. Kahit naging babaero si Elijah ay batid nilang may paninindigan ito, sa katunayan ay pinanindigan nito na hindi talaga nito nabuntis ang amerikanang naka fling nito, na siya namang totoo at isa pa ay panatag silang magkakapatid kay Elijah kaya naman dito nila naisipang ipagkatiwala si Alexis.

Lingid sa kaalaman ni Elijah ay pinlano ni tito Maynard ang pag-uwi nito sa Pinas, kinontyaba nito ang amerikanang ka-fling ni Elijah para sabihin sa huli na buntis ito kahit na hindi naman totoo. Alam kasi ni tito Maynard na ayaw na ayaw ni Elijah ng hinahawak ito sa leeg ng isang babae at mas lalong hindi pa ito handa na magkaroon ng responsibilidad. Pagkalipas lang ng ilang araw ay inasahan na nila ang pag-uwi sa Pinas ni Elijah at tuwang-tuwa sila dahil nagtagumpay ang plano ni tito Maynard. Ngayon naman ay ang plano nilang kasal nito sa kapatid nila ang dapat na matupad.

Natawagan na nila si Azriel at nasabihan na nila ito tungkol sa plano nilang ipakasal si Alexis kay Elijah, naka set na din ang date ng kasal ng dalawa kahit hindi pa alam ng mga ito ang pinaplano nila. Nangako naman ang huli na uuwi ng Pinas para maka-attend sa kasal ng nag-iisa nitong kapatid na babae. Si Azriel-- pangatlo sa kanilang limang magkakapatid, 32 years old at kasalukuyang nasa Norway at doon nagtatrabaho bilang isang professional doctor. Sa kanilang limang magkakapatid ay ito lamang ang umiba ng linya ng trabaho sa kanila, silang apat ay pawang mga nagtapos ng kursong business administration dahil sa kagustuhan ng daddy nila para mahawakan nilang magkakapatid ang negosyong Real State at Telecommunications ng pamilya Montecillo.

Katulad ni Elijah ay nagpasya din si Azriel na sa ibang bansa na magtapos ng pag-aaral dahil mayroon din itong mapait na nakaraan sa babae pero kahit na ganoon ay hindi ito naging playboy at hindi na muling nagkipagrelasyon sa ibang babae, alam nila ang bagay na iyon dahil updated sila sa buhay ng kapatid nilang si Azriel kahit nasa Norway ito.

Halos sampung taon na din itong namamalagi sa bansang iyon at kahit minsan ay hindi pa ito umuwi o nagbakasyon man lang sa Pilipinas. Bago ito umalis ng Pinas noon ay nagkaroon ito at si Alexis ng matinding pagtatalo na naging dahilan ng pagbabago ng huli-- ng pagiging tomboy nito. At ng dahilan kung bakit hindi man lang nagbabakasyon si Azriel ng Pinas.

"I don't think Alexis will agree sa pagpapakasal lalo na kay Elijah, eh unang pagkikita pa lang nila after how many years, nagka-upakan agad eh!" simulang bungad ni Ariel habang natatawa.

Binalingan nito ang mga kapatid na mga nakatawa na din. Kitang-kita kasi nila kung paano sinapak ng bunso nilang si Alexis ang walang kalaban-laban na si Elijah. Bigla ding naudlot ang plano nilang pagpunta sa club nang mapasulyap noon si Elijah sa salamin ng kotse nito. Naka-ilang mura pa ito habang sinasapo nito ang black eye sa mata nito.

--- Flashback ---

"Damn! I don't think makakasama pa ako sa inyo ngayon kuya Ashton, your sister ruin my handsome face!" Asar na sabi nito kay kuya Ashton habang sinisipat nito ang mukha sa salamin ng kotse nito.

"Wala na akong makukuhang babae nito kapag nakita nila ang black eye ko, I'm ashamed kaya uuwi na lang ako. Kung hindi ninyo lang kapatid si Alexis ay nasapak ko na din iyon eh!" Dagdag pang sabi nito.

"Wish mo lang makaganti ka kay Alexis, baka hindi ka pa nakakalapit sa kapatid namin ay may black eye ka na naman." Natatawa namang sagot ni kuya Ashton at tinapik ito sa balikat kaya ang plano nilang pagpunta sa bar ay nauwi na lang sa mansion nila Elijah, doon na lang nila simahan ang huli para mag-inom. Tuwang-tuwa naman si tito Maynard nang makita silang magkakasama at naki-jamming pa ito sa kanila.

--- End of Flashback ---

"Yea, I agree kuya! Knowing Alexis baka mag histerical iyon kapag nalaman niyang pinagpaplanuhan natin siyang ipakasal sa lalaki, worst is baka tumakas pa iyon!" sabat naman ni Abel na biglang nagseryoso na.

"It's all my fault, kung hindi dahil sa akin ay hindi magiging tomboy si bunso." Wika ng kapapasok lang sa library na si Azriel.

Gulat na gulat ang magkakapatid sa biglaang pagsulpot nito. Ang buong akala kasi nila ay sa mismong araw pa ng kasal ni Alexis magpapakita si Azriel. Kaagad silang nagsitayo sa kanya-kanya nilang inuupuan at sinugod ng yakap ang kapatid na matagal na hindi nagpakita sa kanila.