Chapter 7

Inubos ko ang lahat ng luha ko sa bisig ni kuya Abel, ginawa ko pang paninghot ang damit na suot nito, halos tumulo na kasi ang sipon ko sa sobrang pag-iyak.

"Grr... sis, that's gross. Kapag nakita ni Elijah kung paano ka umiyak ay tiyak na pagtatawanan ka no'n, dinaig mo pa ang bata eh may pagsinga ka pa ng sipon!" Reklamo sa akin ni kuya Abel. Napangiwi pa ito nang mapatingin ito sa t-shirt nitong basang-basa dahil ginawa ko iyong pamunas ng sipon at luha ko.

Kaya naman natigil bigla ang pag-eemote ko at bumalik na naman ang inis na nararamdaman ko lalo na nang bangggitin ni kuya Abel ang ugok na si Elijah. Inis na kumalas ako ng pagkakayakap kay kuya Abel at humalukipkip.

"Look at you, kapag naririnig mo ang pangalan ni Elijah ay bigla ka na lang nagagalit at nagiging lalaki." Natatawa ng sambit sa akin ni kuya Abel. May halo na ding pang-aasar ang tono nito kaya lalo lang akong nainis kay Elijah.

"Eh kasi naman kuya, nakakagigil talaga ang lalaki iyon! Feeling niya ay guwapo siya! Manunulot pa ng jowa ng may jowa!" Asar na sagot ko kay kuya.

Tumawa lang ito ng malakas sa akin at ginulo ang kanina ko pang magulong buhok.

"Kaya hindi talaga kami nagkamali ng pagpili kay Elijah para sa'yo eh." Kumpyansa pang sabi nito.

"Speaking of kasal, kuya ayaw ko magpakasal sa lalaking iyon... please... tulungan mo naman akong tumakas dito." Pangungumbinsi ko kay kuya Abel baka sakaling maawa siya sa akin, wala na kasi akong maisip pang ibang paraan para makatakas sa kasal namin ng lalaking iyon dahil bantay-sarado ako ng mga kuya ko.

"Tss... Tss.. too late, sis, planado na ang kasal ninyo mamayang hapon at mapapahiya ang mga pamilya natin pareho kapag umatras ka sa kasal, isa pa ay ang laki ng ginastos nila tito Maynard sa kasal ninyo, isipin mo na lang si daddy at tito Maynard sis, they aren't getting younger. Baka sabay pang atakihin ang mga iyon kapag hindi natuloy ang kasal ninyo ni Elijah." Mahabang paliwanag ni kuya Abel.

Pero hindi ako susuko baka may ibang paraan pa para hindi magalit sila daddy at tito Maynard kapag umatras ako sa kasal. Susubukan kong i-reverse psychology si kuya Abel baka sakaling umubra.

"Ganito na lang kuya, tulungan mo na lang akong tumakas. Gusto ko lang naman ng time para makapag-isip eh, sabihin mo na lang kila daddy na i-postpone muna ang kasal namin ni Elijah kahit mga one month lang, please.." Paki-usap ko kay kuya, nag mama Mary sign pa ako at pinaamo ang mukha ko para convincing ang drama ko pero umiling lang si kuya at nagsalita;

"It's a no, sis. Ayaw kong maging dahilan ng pagkakaroon ulit ng heart attack ni daddy at baka maupakan pa ako nila kuya Ashton at kuya Aries kapag nagkataon." Mahigpit na tutol nito na may kasama pang pag-iling.

Pero hindi pa din ako tumitigil sa pangungulit ko kay kuya. Alam kong hindi na aatakihin si daddy dahil malakas pa ito at masigla na nga ito noong lumabas ng hospital eh, parang hindi inatake.

Magpapasama na lang ako kay kuya na makalabas ng mansion pagkatapos ay doon ako tatakas.

"Sige na nga, hindi na ako tutol sa kasal pero samahan mo akong lumabas, please... kuya... Gusto kong mag unwind." Pangungumbinsi ko dito.

"At saan ka naman maga-unwind sa ganitong dis oras ng madaling araw, aber?" Taas kilay na tanong ni kuya sa akin.

Oo nga pala at madaling araw pa lang. Walang magagalaan sa ganitong dis oras ng madaling araw.

"Ah... eh... Mag dagat na lang kaya tayo, kuya? Gusto kong pumunta sa Subic eh." Palusot ko.

"C'mon sis, alam kong hindi ka marunong lumangoy at hindi ka mahilig sa dagat, isa pa ay kahit na lumabas tayo ng mansion ay maraming tauhan ni daddy ang bubuntot sa atin, hindi mo ba alam na nasa limampu ang lahat ng mga tauhan ni daddy ang narito ngayon sa mansion?" Tanong ni kuya sa akin.

"What?!" Gulat na balik tanong ko kay kuya. Hindi ako makapaniwalang napakarami palang mga tauhan ni daddy ang nakabantay sa akin, nasa bente lang ang bilang ko kanina eh.

"Yup, sis, kaya matulog ka na at wala ka ng magagawa kung hindi ang hintayin na lang ang kasal mo mamaya." Pagtatapos ni kuya Abel sa usapan at akmang lalabas na ito ng kwarto ko pero napatigil ito at muling pumihit pabalik sa kama ko at tumitig sa akin.

"One more thing, sis, Elijah is a good man; why don't you give him a chance? Malay natin ay--

Pero hindi ko na pinatapos ang iba pang sasabihin ni kuya, never akong mai-inlove sa babaerong iyon! Naah-- never! Tomboy ako!

"I don't care if he's a good man, kuya, pero tomboy ako, hindi kami magiging komportable sa isa't-isa." Tutol ko.

"I know sis, pero sa umpisa lang iyan, please... no but's, pagbigyan mo na lang sila daddy and besides, nakalimutan mo na ba ang napagkasunduan natin nila kuya Ashton kaya ka pakakasal kay Elijah?" Tanong pa ni kuya.

Kaya biglang nanumbalik sa akin ang pag-uusap namin nila kuya Ashton tungkol sa kasal namin ni Elijah.

-- FLASHBACK --

"No, dad! kuya! Hindi ako pakakasal sa Elijah na iyon! I hate him! And please.. alam ninyong lahat na tomboy ako, bakit kailangan ninyo akong ipakasal sa lalaki?!" Galit na sagot ko kay kuya Ashton nang sabihin nito ang plano ng mga itong ipakasal kami ni Elijah. Naroon kaming lahat na magkakapatid sa sala dahil ipinatawag kami ni daddy iyon pala ay para i-discuss lang sa akin ang kalokohang binabalak nila.

"Alexis, sweetie, this is for your own good, isa pa ay you're not getting any younger, ayaw kong pagsisihan mo ang maling desisyon mo sa buhay." Malumanay na sabi ni daddy sa akin. Habang sila kuya Ashton, Aries at Abel ay tahimik lang na nakaupo at nakikinig sa sinasabi ni daddy.

Bahagya akong nasaktan sa sinabi ni daddy, alam kong nasaktan ko siya nang magdesisyon akong baguhin ang sarili ko dahil para sa kaniya ay ako ang nag-iisa niyang prinsesa, pero anong magagawa ko? Nasaktan ako at hindi ko na gustong bumalik pa sa dating ako.

Sa loob ng sampung taon na pagiging tomboy ko, ang buong akala ko ay tanggap na niya ako, iyon pala ay umaasa siya na maging babae pa din ako.

"Dad, para sa inyo ba ay maling desisyon na naging tomboy ako?" Nagdaramdam kong tanong kay daddy.

"Of course not, hija.. hindi iyan ang ibig kong sabihin, please try to understand, hindi ka na pabata--

Pero hindi ko na pinatapos ang iba pang sasabihin ni daddy, inis na sinagot ko siya. Sa buong buhay ko ay hindi ko pa nagagawang sagutin si daddy ng pabalang pero dahil sa sama ng loob ko ay nasagot ko siya.

"I'm only 28, Dad! Bakit sila kuya Ashton, wala pa namang mga girlfriend, bakit hindi muna sila ang hanapan mo ng asawa?!" Naiiyak na putol ko sa sasabihin ni daddy. Nasigawan ko siya.

Pero labis kong pinagsisihan ang pagsagot ko kay daddy dahil napahawak ito sa dibdid nito at napangiwi.

"Daddy!" Sabay-sabay na sambit nila kuya Ashton at dinaluhan ng mga ito si daddy. Pati ako ay nag panic na din at umiiyak na lumapit ako kay daddy.

"I'm sorry, dad." Umiiyak na paghingi ko ng sorry kay daddy pero nakapikit na ito.

"Get the car, Aries!" Tarantang sigaw ni kuya Ashton habang inaalalayan nito si daddy, maging si kuya Abel ay nakaalalay din dito. Nagmamadali namang nanakbo si kuya Aries palabas para ihanda ang kotse.

"I'm sorry, kuya.." umiiyak na sunod ko sa mga ito, hindi ako kinikibo nila kuya hanggang sa sumakay na kami ng kotse at makarating ng hospital.