Chapter Four

Nag-umpisa akong magtrabaho sa Villagracia Tower. Mabuti nalang ay may ni-recruit si Helia na tao para magbantay kay Nanay at Ciana kaya kahit malayo ako ay hindi na ako gaanong nag-aalala sa kanila. Nakalabas na din ang mga ito sa hospital noong nakaraang linggo at sa awa ng Diyos ay bumubuti na ang kalagayan ni Nanay. Patuloy ang pag-contact sakin ni Quira. 

Halos tatlong linggo na akong nagtatrabaho dito at masaya ako na may naging kaibigan ako. Wala namang problema dahil karamihan mabait at mapagpasensya kahit mainitin ang ulo ng mga nangangasiwa sa mga iba't ibang departamento. 

Nadiskubre ko na si Jie pala ang anak ni Manong, hindi ko alam kung coincidence lang iyon o hindi. Madalas itong nakikipagdaldal sa mga empleyado kahit magkaiba ang departamento, hindi ko alam kung anong gagawin ko sa kanya. Tulad ngayon, inimbita kami sa isang malaking pagtitipon para sa kaarawan ng kapatid ni Sir Cairo. 

Actually, kailangan talaga naming umatend dahil mandatory at masquerade ang theme. Kaya nagsuot ako ng rose gold gown, nakalitaw ang kaliwang hita ko dahil may slit ito habang kalahati ng mukha ko ang nakikita sa mask. Habang kay Helia naman ay ivory na low neck na nag-emphasize sa cleavage niya. Si Jie naman ay naka peridot green na mermaid dress. 

“Saan nga pala banda ang buffet table? Nagugutom nako,” Wika ni Jie habang lumilinga sa paligid. 

“Lagi ka namang gutom. Ilang dragon ba ang alaga mo? Takaw mo talaga teh, gusto mo gawing kuwintas ang mga pagkain?” Pambabara ni Helia. 

“Well, food is life. Hindi natin alam na baka mamamatay ako ngayon, mamaya o bukas. Kaya i-eenjoy ko ang buhay ko sa pagkain, hindi man ako mayaman at least busog. Isa pa di naman ako tumataba,” Pagdadahilan niya at pinagpatuloy ang paglalakad hanggang sa narating namin ang stage. 

Kahit anong gawin ni Jie hindi niya makikita agad ang buffet table dahil medyo madilim ang paligid. Jie has a bad sense of direction, kaya subukan man niya ay mapupunta siya sa maling lugar. 

“Ladies and gentlemen, let us give a round of applause for the birthday celebrant Mr. Dominique Villagracia,” Sabi ng mc, umalingawngaw ang mga palakpak sa buong silid. “Do you have something to say Sir Dom?” 

“I would to thank everyone for coming especially my brother. Enjoy the rest of the evening,” Sabi niyo at agad bumaba sa stage.

“Halina kayo parang nagugutom na din ako kaya hanapin muna natin ang mga pagkain,” 

“Oh, nandyan lang pala kayo!” Bulalas sa amin ni Christoffer — ang nanliligaw kay Helia. Nalaman ko ito nung binanggit ni Jie sakin, masyadong nananahimik si Helia at hindi sinabi sakin.

“Kanina ka pa hinahanap ng prinsesa mo,” Panunukso ko na ikinatawa naman nito. Inirapan ako ni Helia at nauna ng naglakad. Pambihira ang babaeng 'to kahit kailan! Ang lakas mang-asar pero kapag ito na ang aasarin biglang magagalit. “Pagpasensyahan mo na siya, pikon eh,” 

“Hayaan mo na, nasanay na ako. Nga pala may ipapakilala ako sa mamaya ha,” Dagdag pa niya at sinabayan akong pumunta sa table. 

Dinalhan nila ako ng pagkain at maiinom. 

“Salamat,” 

Unang tinikman ko ay ang cheesecake, paborito ko ito at minsan ding niluluto namin nila Nanay. 

“Patikim nga teh mukhang masarap yan ah,” Sabi ni Jie at binuka ang bibig. 

Sinubuan ko ito, lumiwanag ang mukha nito at inilapit ang platito niya sakin. 

“Penge,” 

Natatawang binigyan ko ito. 

“Tumawag si Ate Lorna kanina, kumain na daw si Nanay at Ciana. Maayos na ang lagay nilang dalawa kaya pwede ng mag-relax ka diyan. Nagmumukha ka ng matanda, Avern,” Panimula ni Helia habang inaabala ang mga kamay sa pagkain. 

“Sus baka ikaw ang unang tumanda ng mag-isa. Wala ka pang nagiging jowa teh, kinakarer mo na ang pagiging rich tita. Sayang naman ang effa mong mukha kung di mo mapapamana, may I remind you di ka na bumabata,” Wika ko habang pinagpatuloy ang pagkain ng cheesecake. 

“Wag kang mag-aalala Avern I already have my eyes on someone,” 

“Sino naman aber?” Taas-kilay kong tanong. 

“Nandito lang,” Tugon niya. 

“San banda?” Pamimilit ko. 

“Basta,” 

“San na naman nagsusuot ang manliligaw mo?”

“Malay ko dun, di ko naman kontrolado ang buhay nun,” 

“Masyado kang harsh, Ate Helia. Kaya nawawalan ng motivation ang mga nanliligaw sayo,” Sabat ni Jie. 

“I don't care. Kung hindi nila kaya ang attitude ko edi gora hindi ko naman sila pipigilan kung gusto nilang umalis, madali lang nmn akong kausap,” Dagdag pa niya at sumimsim sa wine glass. 

“Di bale tama ka. Hindi din naman worth it pagbalingan ng atensyon lalo na kung ayaw sayo, friendly reminder lang teh wag kang pumatol sa taong pag-aari na ng iba,” Wika ni Jie tila may pinanghuhugutan. 

“Oo, hindi mo na kailangan sabihin yan dahil alam ko naman. Baka kailanganin ng pinsan ko ang payo mo,” Suhestiyon ni Helia at binigyan ako ng makahulugang tingin. 

Agad bumaling sakin si Jie at tumingin sa akin na nagtatanong. 

“May napupusuan ka na ba, teh?” 

Umiling ako at akmang magsasalita na sana kung hindi lang may dumating na kalalakihan. 

“Hello girls, may ipapakilala nga pala ako sa inyo. Okay lang ba?” Panimula ni Christoffer

Napatingin ako kay Jie na nagkibit-balikat lamang. 

“Siya nga pala si Dan naka-assign siya sa operations management,” A tall guy with stubbles came closer. “This is Avern and Angelique,” 

Ilang minuto ang lumipas ay umalis ang mga ito. Hindi ko maintindihan kung bakit ipinakilala nito ang binata na may kasintahan na pala ito at mabuti nga ay umamin ito nang iniwan ito ni Christoffer sandali. 

He seems like a good guy. Kinibit-balikat ko nalang ito at nagpaalam na magbanyo. 

Inignora ko ang mga naririnig na nga ungol at kung ano-ano, binuksan ko ang pinto. Ganun na lamang ang panlalaki ng mga mata ko nang madatnan ang isang dalaga at isang pamilyar na likod ng binata. 

“Ugh...stop it, hon. I think someone came in,” Pigil ng babae. 

Alam ko ang amoy na ito, ang pustura at ang pananamit. Nang lumingon ang binata ay doon ko nakumpirma ang hinala ko. Nakaramdam ako na parang may bumuhos ng malamig na tubig sakin. 

Tila naging tuod akong nakatitig sa kanila, muntik akong mapatalon nang may humawak sa balikat ko. 

“Oh, Avern. Bakit ka nakatunganga diyan? Akala ko gagamit ka ng banyo?” Natigilan din si Helia nang masilayan ang kaharap namin. “Shit!”