Chapter 2

"Good morning po." Masigla kong bati sa manager ng HR. Poker face ang atake ni Ante. Mukhang mid fifties, nakaglasses. Yung normal na nakakatakot na nang I interview. Yun ang awra. Smile lang!

"Good morning, Miss Dela Cruz. What brings you here?"

"Magbabakasakali pong makapag-apply ng trabaho, Ma'am." Mahinahon kong sagot.

Tumango siya at sinuri ang resume na nasa kamay niya. Kinakabahan na ako, pero anong magagawa nito? Kung mangunguna ang takot, ano ang kakainin ko? Hindi pwedeng umasa ako kay Angelique. Nakakahiya! Ito na ang tumulong sakin at nagdala dito. This is the least I can do. Nilapag nito ang papel sa babasaging mesa at tiningnan ako sa mata.

"Sorry, Miss. The job hunt is already over. Sa susunod na opening nalang ang masu-suggest ko sayo. Ngayon hindi pa pwedeng magpapasok dahil iyon ang abiso ng CEO."

Nanlumo ako sa kinauupuan at mapait na napangiti.

"Wala na po bang pwede pasukan? Kahit janitor po. Kaya ko pong maglinis. O kahit na ano basta may trabaho po. Kailangan ko po talaga."

"Pasensya na hija ginagawa ko lang ang trabaho ko. Kung may endorsement letter ka baka mapasok ka pa."

"Naiintindihan ko po, Ma'am. Salamat po."

Kinuha ko ang resume ko at nilagay sa bag. Muli kong tiningnan ang ginang bago inabot ang doorknob.

"Teka, hija. May nahulog."

Nilingon ko ito at napagtanto ang calling card na binigay sakin ang napulot nito.

"Sige, salamat po." Nagtagpo ang kilay nito, nakalahad ang kamay ko pero hindi pa nito inaabot. "May problema po ba, Ma'am?"

"Saan mo ito nakuha?"

"Binigay po sakin ni Mr. Villagracia noong isang araw."

"Which Villagracia?"

"Cairo po."

Nanlaki ang mata nito.

"Umupo ka muna, hija." Pinabalik ako nito sa kinauupuan ko kanina. "I'll be back."

Lumabas ito sa silid. Ilang minuto itong nawala at bumalik. Hinihilot nito ang sintido na tila namromroblema.

"May problema po ba?"

Umiling ito at pinakita muli ang calling card.

"This is not just a calling card, hija. Kita mo 'to?" May nilahad itong isang white calling card. "That is the normal calling card. What was given to you is the CEO's exclusive calling card. Do you know how dangerous that is? Maaring ikaw ang magiging susunod na babae ni Sir. This rarely happens."

"Ano po ang ibig niyong sabihin?"

Napabuntong hininga ito.

"Aware ka ba na babaero ang CEO ng Villagracia Towers?"

Tumango ako.

"With this card, you can get in this company."

Nagliwanag ang mukha ko at hinawakan ang kamay ng manager.

"Maraming salamat po, Ma'am."

"Ang kapalit niyan ay kailangan mong sundin lahat ng ipapagawa ni Sir Cairo. Even if that means you'll be one his flings...or be his exclusive fck buddy. Naku, hija. Ano ba itong pinasok mo? Mukhang kaluluwas mo palang sa Maynila. Ako ang kinakabahan para sayo."

"Bakit naman po ganun?"

"Because the card you have has all access to everything. Pwede lang pumunta kahit saan at yan ang ipakita mo maari mong makuha lahat ng gusto mo. You can name it. Travel. Food. Money. Expensive bags. Cars. Everything will be solely yours. If you want hindi ka na magtrabaho. But the moment Cairo Villagracia calls for you. You are obliged to come anytime, anywhere."

Kumalabog ang dibdib ko. Sigurado na ba ito? Pwede ko ng makuha ang hacienda namin. Mapagamot ang Lola at Mama. Pero...nakokonsensya ako.

"H-hindi ko po kailangan ang mga yan. Ayoko ng easy money. Ayoko ng mga bagay na nakukuha ko lang basta-basta. Ayoko ng hindi ko pinaglaanan ng panahon at effort. Gusto kong manggaling sa matino ang mga tinutulong ko sa pamilya.

Ito ang pinakaunang beses na ngumiti ang ginang.

"Busilak ang puso mo, hija. Sa ilang dekada kong pagseserbisyo ko dito sa Villagracia Towers ngayon lang ako muling nakatagpo ng taong katulad mo. Ayokong masayang ang buhay mo. Maari kitang I recommend sa ibang kompanya na pinanghahawakan ng Villagracia. Tutulungan kita."

"Hindi na po. Dito nalang po ako."

"Sigurado ka ba, hija?"

"Opo."

"Oh, siya. Kung buo na ang loob mo ay maaari ka ng magsimula ngayon. Nandyan na ang company ID mo. Pati ang department na kinabibilangan mo. You're a good person, Miss Dela Cruz. Be careful. Because men like him don't just ruin careers...they ruin lives." Malungkot na sambit nito.

Tumango ako at niyakap na ikinabigla nito.

"Sige po. Salamat po sa lahat. See you around, Ma'am."

Tuluyan kong nilisan ang HR department at dumiretso sa elevator. Nasa harap ko na ito pero nakasara kaya naghintay ako.

"Ang taas naman ng heels na ito." Reklamo ko at yumukod. Kinuha ko ito, marahan kong hiniman ang namamagang paa ko. Namumula at may mga munting sugat.