Chapter 2

Biglang natahimik ang batang nurse at halatang napahiya.

Hindi niya inasahang ganoon kadiretso si Diana sa pagsisiwalat ng problema ng kanyang asawa.

At sa isip niya, marahil ay totoo iyon.

Kung hindi, bakit nga hindi pa sila nagkakaanak sa kabila ng pagiging mag-asawa sa loob ng pitong taon?

Dahil dito, lalo siyang naawa kay Diana.

Hindi na ipinaliwanag ni Diana ang katotohanan.

Sa totoo lang, si Erik mismo ang ayaw na magkaanak sila.

Noong unang gabi pa lamang ng kanilang kasal, may sinabi na itong hinding-hindi niya makalimutan.”

“I am busy with work and have no time to raise a child. Wala akong planong magkaanak. Huwag kang umasa, at huwag mo ring subukang baguhin ang isip ko. My decision is final, this marriage will be childless. Remember that.”

Noong panahong iyon, naintindihan niya ang asawa.

Akala niya ay talagang abala lamang ito sa pangangalaga ng kanilang business empire.

Ngunit ngayon...

Unti-unti na niyang nauunawaan kung bakit ayaw nitong magkaanak.

Takot itong masaktan o magselos ang babaeng tunay nitong mahal.

Nakakatawa lamang isipin na kamakailan lamang ay naisip pa niyang sabihin kay Erik na mayroon silang anak na babae.

Maya-maya ay muli niyang narinig ang mga yabag.

Pag-angat niya ng tingin, tumambad sa kanya ang mga mata ni Erik. Sa kabila ng ilang taon niyang pagkakakilala sa asawa, hanggang ngayon ay hindi pa rin niya makuha ang kahulugan sa likod ng mga tingin nito.

Nananitiling misteryoso si Erik para sa kanya.

May hawak itong resibo ng bayad sa ospital.

Ang tingin nito sa kanya ay mas malamig pa sa pagtingin sa isang estranghero.

Narinig kaya nito ang sinabi niyang "may erectile dysfunction ang asawa ko"?

Ngunit agad niya iyong isinantabi.

Kung narinig man nito, eh ano naman?

Wala na siyang pakialam.

Mabilis ding ibinalik ni Erik ang tingin nito sa ibang direksyon at walang salitang umalis.

Hindi na nagulat si Diana .

Ganoon naman talaga ito noon pa.

Lagi nitong ipinapakita ang pagkainip, kawalan ng interes, at kawalan ng malasakit sa kanya.

Kahit gustuhin niyang makipagtalo, mahirap.

Dahil hindi ito nagbibigay ng reaksyon.

Kaya siya na lamang ang paulit-ulit na nasasaktan habang kinikimkim ang lahat ng sama ng loob para rito.

Kahit may asawa siya, wala siyang masasandalan.

Wala rin siyang emosyonal na suporta.

Isa iyon sa mga dahilan kung bakit lihim niyang ipinanganak at pinalaki si Malia ng mag-isa.

Mabigat ang kanyang mga hakbang habang bumabalik sa kanyang pribadong opisina.

Binuksan niya ang drawer sa ilalim ng kanyang mesa.

Tahimik na nakahiga roon ang dalawang dokumento.

Bago sila ikinasal ni Erik, kinausap siya ng lola ni Erik.

Binigyan siya nito ng dalawang kasunduan.

Ang una ay isang prenuptial agreement.

Ang ikalawa naman ay...

Annulment Petition.

Hindi sapat ang kanyang propesyon at background ng kanyang pamilya para sa angkan ni Erik.

Malaki ang agwat ng kanilang estado sa buhay.

Kung hindi dahil sa isang pangyayaring naganap noon, hindi siya kailanman papayagang maging bahagi ng pamilyang ito.

Hindi siya gusto ng nanay ni Erik..

At sa Annulment petition na iyon, malinaw na nakasaad ang pitong taong limitasyon.

Kapag natapos ang pitong taon...

Awtomatikong mabubura ang validity ng kanilang kasal.

Tuluyan silang maghihiwalay.

Noong panahong iyon, hindi man lang binasa ni Erik ang laman ng dokumento bago ito pinirmahan.

Malamang hanggang ngayon ay hindi pa rin nito alam ang tungkol sa kasunduang iyon.

At ngayon...

Tatlong buwan na lamang ang natitira bago ito mai-file sa korte. At sa impluwensya ng kanilang pamilya, sigurado siyang mapapabilis ang proseso.

Ayaw na niyang mag-aksaya pa ng kahit isang segundo.

Inilagay niya ang mga dokumento sa kanyang bag.

Pagkatapos ng trabaho, umuwi siya sa bahay nilang mag-asawa.

Katatapos pa lamang niyang magpalit ng sapatos nang makita niyang bumababa ng hagdan si Erik.

Nakatayo lamang siya.

At hindi rin niya nakita ang anumang senyales na gusto nitong pag-usapan o ipaliwanag ang nangyari sa ospital.

Nang magkasalubong sila, saka lamang siya nagsalita.

“Maghiwalay na tayo. Bibigyan kita ng tatlong buwan para ayusin ang lahat ng dapat ayusin.”

Doon lamang huminto si Erik.

Bahagya itong tumigil sa pagsasaayos ng mamahaling cufflinks nito bago siya tingnan.

“Dahil lang ba kasama ko si Mae-Mae sa ospital kanina?”

Napakagaan ng pagkakasabi nito sa salitang “lang.”

Alam pala nitong masasaktan siya.

Ngunit hindi man lamang ito nagbigay ng paliwanag.

Diretso niya itong tiningnan.

“Oo.”

Hindi na siya interesado kung tama o mali ang dahilan.

At hindi na rin kailanman malalaman ni Erik ang tungkol sa kanilang anak.

Walang emosyon ang mga mata ng lalaki.

“Sa bagay, maaari kang magtampo kung gusto mo,” seryoso nitong sabi. “Pero sa labas, bilang Mrs. Santos, alam mo kung paano ka dapat kumilos.”

Malinaw na pinoprotektahan nito ang reputasyon ni Mary Ann.

Hindi ito interesado sa nararamdaman niya.

Napagtanto ni Diana ang isang bagay.

Kahit mahuli pa niya silang magkasama, wala itong pakialam.

Hindi man lang nito naisip na may dapat itong ipaliwanag bilang asawa.

“Huwag kang mag-alala.” Mahigpit niyang pinisil ang kanyang palad upang manatiling kalmado. “Kapag hiwalay na tayo, hindi na rin iyon magiging problema ko.”

Bahagyang nagtaka si Erik.

Sa unang pagkakataon, nakita nito ang kanyang karaniwang masunuring asawa na tila may ipinaglalaban.

Ngunit wala pa rin itong anumang emosyon.

“Wala akong oras para sa mga tampo mo ngayon.”

“Kung talagang gusto mo ngannulment, maaari kang kumuha ng abogado at maghanda ng kasunduan.”

Sa loob ng pitong taong pagsasama, hindi lamang nagawa ni Erik na tapunan siya ng kahit kaunting pagtingin.

Hindi rin ito nasanay sa presensya niya bilang asawa.

Kaya naman napakadali nitong pumayag.

Hindi na siya nagdalawang-isip.

Nilampasan niya ang matangkad na lalaki at dumiretso sa itaas upang iempake ang kanyang mga gamit.

Sinundan naman siya ni Erik ng tingin.

Ngunit dalawang segundo lamang ang lumipas ay napangisi ito.

Sa isip ng lalaki, alam na alam na niya ang gagawin ni Diana.

Magpapanggap itong maglalayas ngunit kapag hinabol niya ay babalik din naman.

Sa tingin ng lalaki, isa na naman itong paraan ni Diana upang makuha ang kanyang atensyon.

At hindi ito ang unang beses.

Noon pa man, marami na siyang ginawang paraan upang mapansin siya.

Ngunit hindi kailanman nag-abala si Erik.

Dahil alam nitong sa huli, si Diana rin ang susuko.

Kapag wala siyang nakuhang reaksyon, kusa niyang pinapakalma ang sarili.

Kusa itong bumabalik na parang walang nangyari.

Minsan, ilang araw lamang ay ayos na siyang muli.

Kaya para kay Erik, walang gaanong halaga ang kanyang mga emosyon.

Muli nitong ibinalik ang tingin sa harapan.

Kinuha ang kanyang coat.

At walang lingon-likod na umalis muli ng bahay.

Pagpasok ni Diana sa silid, tiningnan niya ang bahay na pitong taon niyang inalagaan at inayos.

Hindi niya alam kung saan magsisimulang mag-impake.

Sa sandaling iyon, tumunog ang kanyang Messenger.

Nang makita niya ang cartoon profile picture, agad lumambot ang kanyang ekspresyon.

Pinatugtog niya ang voice message.

“Mommy, sa susunod na buwan pupunta na ako sa Manila para hanapin ka. Pagkatapos noon, lagi na tayong magkasama!”

Biglang uminit ang kanyang mga mata.

Mabilis siyang tumingala upang pigilan ang pagluha.

Buti na lang.

Nariyan pa rin ang kanyang pinakamahalagang kayamanan.

Buti na lang.

Hindi niya sinabi kay Erik ang tungkol sa kanilang anak.

Sa pagkakataong iyon, tumawag ang kanyang kaibigang si Alex.

Excited ngunit nag-aalala ang tono nito.

“Kailan luluwas ng Manila si Malia?”

“Sa susunod na buwan.”

Napabuntong-hininga si Alex at nagpatuloy sa pagsasalita.

“Hindi ba't sabi nila baog si Erik? Kapag nalaman niyang matagal ka nang may anak sa kanya at plano mong iwan siya habang pinapalaki ang bata nang mag-isa, baka mabaliw ang asawa mo.”

Ngumiti si Diana nang may halong pangungutya sa sarili.

“Hindi niya gagawin iyon.”

Kung siya mismo ay wala itong pakialam...

Bakit pa ito magmamalasakit kay Malia?

Kung ayaw nito kay Diana, malamang ay aayawan din nito si Malia.

Lalo na matapos ang ginawa nito kasama si Mary Ann.

Sabihin na nating magiging mahalaga kay Erik si Malia sa oras na malaman nito ang tungkol sa anak nila, hindi na ito karapat-dapat maging ama pa sa bata.

Tungkol naman sa usap-usapang baog si Erik...

Bahagyang lumabo ang kanyang tingin.

Noong unang taon ng kanilang kasal, hindi siya nabuntis sa kabila ng kanilang pagtatalik dahil palaging nag-iingat si Erik na mabuntis siya.

Minsan ay narinig niya ang mga katulong na nag-uusap.

Sinasabi nilang malamang ay walang magiging tagapagmana si Erik.

Matagal nang gustong ipakasal ng pamilya Santos si Erik sa isang babae mula sa mayamang pamilya.

Ngunit palagi itong tumatanggi.

At minsan pa nga ay sinabi ni Erik na hindi siya magkakaanak.

Dahil dito, kumalat ang tsismis na baka nga hindi ito magkaanak kailanman.

At dahil pitong taon silang kasal na walang anak, sa paningin ng publiko, lalo lamang naniwala ang mga tao sa tinuran nito.

Noong una, naniwala rin si Diana .

At hindi naman niya gaanong ininda iyon.

Para sa kanya, sapat na ang masayang buhay kahit walang anak.

Ngunit sa totoo lang, normal ang kakayahan ni Erik bilang lalaki.

Kahit hindi sila masaya bilang mag-asawa, hindi niya iyon maikakaila. Tuwingg nagniniig sila, kakaibang ligaya din naman ang nararamdaman niya.

Gayunpaman, palagi nitong iniiwasan ang usapin tungkol sa mga anak.

Kaya sa huli, naniwala na rin siya sa tsismis.

Ngunit nagbago ang lahat noong araw na iyon...