Chapter 13: Inevitable

Kabado si Samantha habang hinihintay niya si Ms. Lalaine na bumalik sa office nito. Pagpasok niya sa opisina kanina, alam niyang mayroon nang kakaiba sa paligid. Kung noon, ang iba niyang kasamahan  sa trabaho nagagawa pang makipag-tsismisan bago magtrabaho, ngayon, walang gano’ng eksena. Lahat aligaga sa pagtatrabaho.

Si Shantelle na ang nagsabi sa kanya kung bakit—nahaharap sa matinding financial crisis ang SSL at nagdesisyon na raw si Sir Aaron na mag-downsize ng manpower.

Ang tsismis na narinig lang niya noon sa HR, magkakatotoo na. At kahit na alam niyang kaya siyang ipaglaban ni Ms. Lalaine, hindi pa rin niya maiwasang kabahan dahil sa employment status niya.

Contractual employee siya at madalas, ang mga gaya niya ang natatamaan sa retrenchment. Gusto sana niyang kausapin si Ms. Lalaine tungkol doon kaya lang, ang sabi ni Shantelle, gaya ng mga nakaraang araw, maagang nagpatawag ng meeting si Sir Aaron sa conference room.

Kaya ngayo