Kabanata 17

"BITIWAN mo ako,” halos may bumara sa lalamunan ni Gabrielle pagkatapos niyang sabihin ang mga salitang iyon. Hawak pa rin  ni Zierelle ang kanyang braso upang pigilan siya sa tangkang pag-alis pero nilakasan niya ang kanyang loob at iwinaksi ang kamay nitong nakahawak sa braso niya. Ginusto niyang harapin ito at kausapin ngunit ayaw niyang gawin dahil nakatingin sa kanila si Stella. 

Dire-diretso na siyang lumayo sa mga ito at nagpunta sa mesang nasa di-kalayuan. Kung tutuusin, hindi naman ito masyadong malayo dahil kitang-kita niya pa rin ang mga ito at ganoon din ang mga ito sa kanya. Nakaharap pa nga siya sa mesa ng mga ito kaya’t kitang-kita niya kung anong ginagawa ng mga ito.

Nakita nga pa niyang sabay na tumawa ang dalawa. Kung kaya’t napasimangot siya at inis na tinawag ang waiter at nag order ng anim na bote ng beer pati isang pinggang manok bilang pulutan. 

Nakakaasar naman ang lalaking ito. Pipigil-pigilan pa niya ako kanin