Kabanata 16

"KAMUSTA ka na Julian?” masiglang tanong ni Brent sa kasamahan habang nakaupo siya sa gilid ng higaan nito.

“Heto masakit pa rin,” mahahalata ang kalungkutan sa mga mata nito.

“Mabuti nalang at sa balikat ka lang napuruhan ng babaeng iyon,” parang may galit sa tinig ni Brent habang sinasabi iyon.

Nabuhayan ng loob si Julian nang marinig ang pagkukuwento ni Brent tungkol sa babae,

“Nasaan na ang babae? Kamusta siya? Nahuli na ba siya? Sumuko na ba siya?” sunod-sunod ang tanong ni Julian kaya nakahalata naman si Brent.

“Teka nga, binaril ka na nga ng babaeng iyon, bakit siya pa ngayon ang inaalala mo?”

Napabuntunghininga muna si Julian bago nagkuwento. “Alam kong ayaw niya akong barilin pero wala na siyang ibang maisip na paraan. Tinangka kong maunahan siya at magawa ko ang tungkulin ko bilang alagad ng batas ngunit hindi ko agad nagawa dahil puso ang pinairal ko,”

“Julian, kaila