CHAPTER 3

CHAPTER 3

" A TASTE OF FREEDOM "

Avianna's POV

Just for this night.

Paulit-ulit na pumasok sa isip ko ang mga katagang ito.

Bumaba na'ko ng sasakyan at tinignan ang gusaling nasa harapan ko. Maraming kasing edad ko ang pumapasok at lumalabas ng bar.

Napabuntong hininga ako at napakapit ng mahigpit sa purse ko.

Pagdating ko sa pinto, agad itong binuksan ng isang staff.

" Good evening, maam."

Ngumiti ako.

Sa bawat hakbang ko papunta sa loob, ramdam ko ang kabog ng aking dibdib. Hindi ko alam kung kinakabahan ba o dahil sa excitement. Siguro pareho.

Nilibot ng aking mata ang paligid ng bar. Napakurap ako.

Makukulay na ilaw ang naglalaro sa paligid. Mga taong nagsasayawan sa gitna kasabay nang malakas na musika. May mga magkakaibigang nagtatawanan sa mesa. Magkasintahang magkatabing nakaupo habang nag-uusap.

At may iba ring wala nang pakialam sa mundo. Sa ginagawa nila.

Sa sandaling ito, natigilan ako. Hindi ako sanay sa mundong ito. Hindi ako nababagay dito. Kailangan kong umalis.

Maybe this was a bad idea.

Baka ---

Pero hindi, hindi ako umalis ng bahay para umatras lang.

Nandito na'ko. Ngayon lang naman.

Huminga ako ng malalim at umupo sa bakanteng upuan sa bar counter.

Tahimik lang ako. Pakiramdam ko ang lahat ay sanay na dito at ako lang ang first timer.

Halata kaya?

Kung andito si dad at makita ako, siguro aatakihin sya sa puso sa ginagawa ko.

I felt terrified as well as ease.

Tama lang ba?

Maya-maya ay nakangiting lumapit ang bartender sa akin.

" What can I get for you, Miss? "

Saglit akong natigilan at napatitig lang.

Hindi ko alam. Hindi ko kabisado ang mga inumin sa mga ganitong lugar. Napatingin ako sa menu ngunit mas lalo akong nalito.

" Something light nalang. " I awkwardly said.

" First time here? " He asked at tumawa nang mahina

Tumango ako.

" It's okay. We all started there."

Hindi ko mapigilang ngumiti. Tama nga naman.

Ilang minuto ang makalipas ay inilapag nya na ang inumin sa harapan ko. Tinignan ko ito. Parang juice lang naman. Siguro hindi to matapang para sa akin.

Dahan-dahan kong kinuha ang glass at ininom ito. Napangiwi ako. Hindi ko alam kung matatawa ba ako o ano.

Ganito pala ang lasa nito? Napatawa ako sa sarili ko.

At sa unang pagkakataon ngayong gabi, parang may kung anong gumaan sa pakiramdam ko.

Walang nakakakilala sa akin dito. Walang may alam kung sino ako.

Walang may pakialam kung anak ako ng mga Saavedra.

At nakakagaan pala iyon.

Sobra.

Habang tumatagal, unti-unti akong nasasanay sa paligid. Hindi na ganoon kalakas ang musika. Hindi na rin ganoon ka-overwhelming ang dami ng tao.

Sa katunayan...

Parang nagsisimula na akong mag-enjoy.

Napansin ko ang isang grupo ng babae sa dance floor. Nagtatawanan sila habang sumasayaw.

Walang hiya.

Walang iniisip.

Walang pressure.

At bigla ko silang nainggitan. Ganito kaya ang pakiramdam ng pagiging malaya?

Ganito kaya ang pakiramdam ng pamumuhay para sa sarili mo?

Napabuntong-hininga ako then I finished my drink at bago pa ako makapag-isip nang mabuti...

Tumayo ako. Diretso akong naglakad papunta sa dance floor. Para akong baliw. Hindi nga ako marunong sumayaw. Pero wala akong pakialam. Hindi rin naman sila marunong.

At mukhang masaya pa rin sila.

Sa una, nahihiya ako. Sobrang nahihiya. Pero habang tumatagal, unti-unti akong nadadala ng musika. Napapangiti na ako.

Hanggang sa hindi ko namalayang tumatawa na rin pala ako.

Totoong tawa.

Yung hindi pilit. Yung hindi para magmukhang perpekto. Kundi dahil masaya talaga ako.

At sa unang pagkakataon matapos ang matagal na panahon...

Pakiramdam ko malaya ako.

Walang arranged marriage.

Walang expectations.

Walang pressure.

Ako lang.

At ang gabing ito.

Patuloy akong nakangiti habang naglalakad pabalik sa bar. Ngunit bago pa ako makalayo— may nabangga akong matigas na dibdib.

Nanlaki ang mga mata ko. Nawalan ako ng balanse.

Ngunit bago pa ako tuluyang matumba, may isang braso ang mabilis na pumigil sa akin.

Napasinghap ako.

Dahan-dahan akong napatingala.

At agad kong nakasalubong ang malamig ngunit nakamamanghang pares ng mata ng isang estranghero.

Isang napakagwapong lalaking nakatitig sa akin.