Kabanata labing-pito

Natapos ang Christmas at new year na sa kuwarto ko lang ako nag-mukmok. Hindi ko kasi feel. Niyaya rin ako nila Ate Elys na sa bahay nalang nila ako maki-celebrate. Tinanggihan ko dahil mas gustuhin ko pang mag-mukmok dito sa kuwarto ko.

“Tay, pinatawag n'yo raw ako?” tanong ko sa tatay ko pagkapasok ko dito sa opisina n'ya. Pinapapunta n'ya kasi ako dito sa kompanya nila nang hindi ko alam kung bakit.

Tumingin ako sa harapan at nakita ko si Tita Lara na naka-upo at masama ang tingin sa akin ngayon na nangingigil. Agad ko namang in-iwas ang tingin ko sa kaniya dahil pati ako ay nahahawa sa mood n'ya ngayon.

“Alexa, ma-upo ka muna.”

“Bilisan mo na, tay. May lakad pa kami ni Drake ngayon,” inis na saad ko sabay tingin sa relo na nasa kaliwang kamay ko ngayon. Narinig ko namang nagpawala ng malalim na hininga si Tita Lara. Wala rin akong choice kung hind