SEVEN

NANGHIHINANG PUMIKIT SI MR. JAO. Bumuka ang bibig nito na tila may nais sabihin pero sa sobrang panghihina ay hindi na nito nagawa.

Napansin iyon ni Chloe ngunit marahil ay dahil iyon sa hindi pa ito tuluyang nakaka-recover. Inikot nito ang mga mata sa lahat ng taong nandoon, lahat ay nagsasaya at bilib na bilib sa kanya. Sa mga sandaling iyon, pakiramdam ni Chloe ay para siyang bida sa isang sikat na telenovela.

Dumako ang mga mata niya kay Zayden. His gentle eyes bore at her. Ngumiti ito sa kanya at nag-thumbs up. Sa mga tingin at ngiti nito ay alam ni Chloe na proud sa kanya ang lalaki.

Sa kabilang banda ay may namumuong kaba sa dibdib ni Yanna. Sa kabila ng pagsasaya ng lahat ay nakatitig lamang siya sa gawi ni Mr. Jao.

Malungkot siyang tumungo nang maalala ang mga sinabi nila kanina pero ang mga salitang gumamit ng koneksyon para makapasok sa university ang hindi niya matatanggap.

Nag-angat siya ng tingin kay Chloe. The girl is smiling sweetly to everyone. Very delicate, very demure.

Sa kanilang dalawa... siya nga ba talaga ang gumamit ng koneksyon para lang makapasok sa university?

"Thank you, everyone. But I honestly don't appreciate the words you threw at my friend, Czarina."

Czarina scoffed. "Iyan na naman ang mga pabida niya," bulong niya sa sarili at wala namang nakarinig no'n.

"Totoo namang nagmamagaling lang iyong si Czarina," sabi ng isa na naroon.

"Hindi po iyan totoo. Magaling at matalino din si Czarina. Hindi lang siya nag-take ng exams dahil nag-focus sa ibang bagay," dagdag pa ni Chloe.

Habang dumadami ang sinasabi ni Chloe ay dumadami rin ang rason ni Czarina na magalit dito. Hindi niya alam kung nagmamagandang loob ba ito o nagbabait-baitan para kung may mangyari ay ito ang mistulang biktima.

"Mas gusto ka pa rin namin, Doc. Chloe," sabi ng isang lalaki.

"Single ka ba, Miss Chloe? Baka pwedeng manligaw..."

"She's definitely not single," singit ng isang baritonong boses.

Czarina froze to her place. Mapait siyang napangiti habang nangingilid ang mga luha. Isa na naman iyon sa mga araw na pinagtutulungan siya pero si Zayden ay kay Chloe lang nakatuon.

Of course, he loves her after all. Alam naman ni Czarina na una palang ay hindi siya mahal ni Zayden. Siguro nga kasalanan niya na ipinilit niya pa ang sarili rito.

"OMG?! Mr. Hart and Miss Smith?"

"Bagay silaaa!"

"Sabi ko na may something ang dalawa na iyan. Madalas silang makita na magkasama."

Namula ang pisngi ni Chloe. Punong-puno ang puso niya sa pagkakataon na iyon. Palihim niyang sinulyapan ang pwesto ni Czarina, mukha itong kaawa-awa sa gilid at walang pumapansin. A smug smile crept out from Chloe's lips.

Inilingkis niya ang kamay sa braso ni Zayden.

"Zi naman," pagpapabebe niya rito.

Ngumiti si Zayden sa kanya at hinaplos ang buhok nito. Ang init ng kamay at katawan nito ay nagpagaan sa pakiramdam ni Chloe.

Sa totoo lang ay kanina pa ito nape-pressure, natatakot siyang magkamali.

Proud na proud ang mga mata ni Zayden na nakatingin sa kanya.

Samantala si Czarina ay gusto nang lumubog sa kinalalagyan. Sa isipan ay pinapagalitan na niya ang sarili kung bakit pa kasi nito pinilit na pumunta roon. Sana ay sinabi niya nalang sa daddy niya na ayaw niyang makita si Zayden, alam niya namang papayag iyon.

Siguro kasi sa puso niya, sa kabila ng sakit, ay gusto niyang masilayang muli ang lalaki.

"Mr. Jao!" bulalas ng isa sa kanila at lahat ay agad natuon ang atensyon sa matanda.

Sa pag-aakala ng lahat ay um-okay na ito pero base sa itsura nito ngayon ay parang lumala ang kalagayan nito.

Agad na lumuhod sa gilid niya si Chloe at tiningnan kung ano ang nangyayari. Halata sa matanda na hirap na itong huminga.

Dumagundong ang kaba sa dibdib ni Chloe. Inisip niya kung nagkamali ba siya kanina.

Bakas ang sakit sa mukha ni Mr. Jao. Ang mga tingin nito ay parang may nais iparating subalit hirap. Natataranta si Chloe, sa isipan niya ay gusto na niyang awayin ang ambulansya, kung bakit pagkatagal-tagal nitong dumating.

"Hindi makadaan ang ambulansya, sobrang lala raw ng traffic at medyo malayo pa sila."

"Hala, ano ang gagawin?"

"I suggest, isakay nalang natin sa sasakyan."

Nag-aalalang tumingin si Czarina sa lalaki. Huminga siya nang malalim.

"Bahala na," aniya at inagaw ang ballpen na nakalagay sa damit ng katabing lalaki.

Nakatitig lang si Chloe sa lalaking nakahandusay sa kanyang harapan. Kung ano ba ang dapat niyang gawin, ano ang dapat tingnan, ay hindi niya alam. Hindi niya rin hawak ang cellphone niya upang magamit pang-search at wala ni isang pwedeng tumulong sa kanya sa mga oras na iyon. Palihim siyang napamura. Ilang taon na nga ba siyang hindi nag-aaral? She's a surgeon but she rarely do operations herself nowadays.

"Doc Chloe, ano na ang nangyayari?"

"Do something!"

Habang nagkakagulo ang lahat ay naramdaman na lamang ni Chloe na may tumulak sa kanya.