Chapter 37

"Sina Lola, kumain na ba?" tanong ko sa kasambahay na nagsasalin ng juice sa aking baso.

"Opo, kanina pa po," sagot nito at pagkatapos ay tumayo ito sa gilid.

Sumubo ako kahit wala akong gana. Ala-una na ng hapon at ngayon pa lang ako lumabas ng aking silid.

Hindi ako nakatulog sa magdamag, pasikat na ang araw nang makatulog ako, pero hindi iyon payapa.

Masakit ang aking ulo at mata ko.

Kumain ako nang kaunti bago ako nagpasyang umakyat muli sa aking silid.

Nahiga ako sa kama, nag-text kay Xavier at pagkatapos ay binuksan ang tv upang doon ituon ang aking pansin. Ayaw kong mag-isip ng kung ano-ano dahil mas lalo lang sasakit ang aking ulo.

Kaso kahit ano'ng pilit ko, kusang pumapasok sa aking isipan ang nangyari kagabi.

Pinatay ko ang tv at sinilip ang aking celphone, kaso wala pang reply si Xavier.

Nagpasya ako na lumabas ng silid. Buryong-buryo at hindi alam kung paano papatayin ang oras.

Paglabas ko, sakto namang paakyat ng hagdan ang personal maid ko na sina Lumen at Wel