Chapter 4

Faye

Sinara ng wedding coordinator ang pinto. "Miss Faye, kumalma kayo—"

Hinarap ko siya. "Paano ako kakalma? My groom is nowhere to be found," pigil kong sabi.

"He's on his way—"

"Call him then. I want to talk to him."

Hindi siya nakasagot.

Huminga ako nang malalim at muling hinarap ang wedding coordinator.

"Sabihin mo sa akin ang totoo. Papunta na ba rito si Chadrick? May plano pa ba siyang ituloy ito?" mariin kong tanong.

Gusto kong makausap siya bago pa magkagulo ang bawat pamilya namin. Napangiwi ang coordinator at umiwas ng tingin.

"Ano na? Bakit hindi ka makasagot?"

"Miss Faye, please calm down. I've got this. My team is working to find Sir Chad—"

Pagak akong tumawa at umiling. "Hindi niyo siya mahahanap, unless pumunta kayo sa babae niya."

Gulat na gulat niya akong tiningnan. "Miss Faye, anong sinasabi mo—"

Pareho kaming napatingin sa baba nang makarinig kami ng sigawan. Kumalabog ang dibdib ko sa nerbiyos nang makita si Daddy na sinusugod si Tito Rick. Mabilis akong tumungo sa pinto.

Binuksan ko ito, pero pinigilan ako ng wedding coordinator.

"Stay here, Miss Faye. Mas lalo lang magkakagulo kung bababa ka. Matinding kahihiyan ang makukuha ng pamilya niyo," paalala niya bago dali-daling bumaba.

Nasapo ko ang noo ko. Heto na ang kinakatakutan ko.

Umupo ako sa sofa, magkadaop ang mga kamay, nagdadasal habang nababahala sa kalalabasan nito.

"Please..."

Pumatak ang mga luha kong kanina ko pa pinipigilan. Mariin kong pinikit ang mga mata, nagsusumamo.

"Faye."

Iminulat ko ang mga mata at tumingala sa taong pumasok sa kwarto. Marahas kong pinalis ang mga luha sa pisngi.

"Ikaw na naman!" asik ko sa lalaking kanina lamang ang bumungad sa akin.

Naglakad siya palapit. "Pwede ba, umalis ka na sa harapan ko? Wala akong oras para makipaglaro sa’yo," iniiwas ko ang tingin.

"Hindi ako nakikipaglaro, Faye. In fact, sisimulan ko na ang paghihiganti ko. I'm hell-bent on destroying Chadrick Villanueva."

Mataman ko siyang tiningnan. Puno ng kaseryosohan ang kanyang mga mata.

"Get changed," sabi niya sabay abot ng isang paper bag.

"Just leave," wika ko.

Gusto kong mapag-isa, ayusin ang utak ko—

Nahigit ko ang hininga ko nang maramdaman ko ang labi niya sa akin.

Mabilis ko siyang tinulak at tigagal na tiningnan siya.

"You're crazy!" bulalas ko.

Tiim-bagang niya akong tinitigan.

"I am. Seeing you in a wedding dress and crying here is making me crazy."

Hindi pa ako nakapag-react, kinuha niya ang kamay ko at pinatayo.

"Magpalit ka na, o ako mismo ang magtatanggal ng suot mo."

"Hoy, lalaki!"

Nahigit ko ang hininga ko nang ilapit niya ang labi niya sa akin.

"Try me, Faye. I did it last night. I can do it again."

Umawang ang labi ko. Hindi ako makapaniwala sa lalaking ito.

Hinablot ko mula sa kanya ang paper bag at tumungo sa restroom.

Gulong-gulo ang isip ko habang hinuhubad ang wedding gown at nagpapalit ng damit. Dumagdag pa ang lalaking nasa labas. Hindi ko maintindihan kung bakit sumusulpot siya at ginagawa kung anong gusto niya.

"Check the pictures I sent you, and you'll know what I'm talking about," rinig kong sabi niya.

Paglabas ko, nakita kong nakatuon siya sa cellphone. Lumapit siya at pinindot ang loudspeaker.

"Babe, I can explain—"

"I don’t need it. Just pay me a billion for the damage you inflicted on my company or see you in court."

Nakarinig ako ng kaluskos sa kabilang linya.

"Love, do you know where I put my key? I'm late, and they're all calling me now."

Nahigit ko ang hininga at napatakip sa bibig nang marinig ang boses ni Chadrick.

"Narinig mo ba ako? My investors are there. So, I really need the wedding with Faye to happen. Sino bang kausap mo?"

Napuno ng poot ang puso ko nang marinig ko pa ang sinabi ni Chadrick. At talagang may balak pa siyang ituloy ang kasal namin.

Akmang kukunin ko ang cellphone, pero nailayo niya ito.

"Ibigay—"

Tinakpan niya ang bibig ko. Sinenyasan niya akong tumahimik.

"Don't get yourself in this. Just listen," bulong niya. Tinulak ko siya, pero nanatili siyang kalmado.

May pinindot ulit siya sa cellphone.

"Chadrick Villanueva, your key is under the bed. You dropped it, and Elara accidentally kicked it there while you were kissing—"

"Renz, please, makinig ka!"

"Adhere to my words, Elara. Pay me a billion," madiin niyang utos.

"And tell him, his bride is with me—"

"Tarantado ka, Lorenzo! Huwag mong idamay ang fiancée ko!"

"Why not? You took my woman and the deal meant for my company."

Nagtagpo ang mga mata namin. Malamlam ang kanyang tingin.

"You already paid what you owe to me."

"Wala akong utang sa’yo!"

Pinatay niya ang tawag.

Nagpupuyos ko siyang tinitigan.

"So kaya ka umaaligid sa akin dahil gusto mong ibalik ang ginawa sa iyo ni Chadrick? Ito ang klaseng paghihiganti ang gagawin mo? Idadamay mo ako, ganun?" tanong ko.

"I have no time for your questions. Let’s go," sabi niya at hinawakan ang kamay ko.

Mabilis ko namang hinila ang kamay ko mula sa kanya.

"Hindi ako sasama sa'yo," mariin kong saad.

Masama niya akong tinitigan.

"At anong gagawin mo? Manatili rito at pagpiyestahan ng mga bisita niyo?"

Tumingin ako sa baba. Patuloy pa rin ang kaguluhan ng mga pamilya namin ni Chadrick. Hindi lang relasyon namin ang nasira kundi pati ang deka-dekadang pagkakaibigan ng mga pamilya namin.

"Come with me, or I’ll get you by crook."

"At ano na naman ang binabalak mong gawin?" tanong ko.

Napatras ako nang makita kong may hawak siyang panyo.

"Anong gagawin mo?"

"Stealing you from him," wika niya. Ipinatong niya ang panyo sa ilong ko.

Isang kakaibang amoy ang pumasok sa sistema ko. Lumabo ang paningin ko hanggang tuluyang dumilim ang lahat.