Chapter Twenty Nine: Visitor (R18)

KINABUKASAN ay muli na naman akong nakaramdam ng ibayong kalungkutan dahil pagdilat ko ng aking mga mata ay wala na si Wesley sa aking tabi. Paniguradong naroon na ito sa kanyang opisina. Kaya naman gaya ng nakasanayan ay lumabas na ako ng silid upang makapag-almusal kasabay ni Aling Bebang.

"Ayos ka lang ba, Kiera?"

"Opo, Nay Bebang." Maagap kong tugon.

"Namumutla ka eh!" giit pa nito.

"Naku, huwag mo ng pansinin 'yan 'nay. Ganyan na ang kulay ko kahit dati pa."

"Sus, kung ano man ang nararamdaman mo ay huwag kang mahihiyang magsabi saakin."

"Okay lang talaga ako 'nay. Siya nga pala, kinausap ka ba ni Wesley kagabi?" pag-iiba ko ng usapan.

"Hmm, sinubukan niya akong kausapin kaso hindi ko na siya pinagbuksan ng pinto. Nirerespeto ko ang desisyon mo, Kiera kaya ayoko na ako pa mismo ang magsabi kay Wesley."

"Salamat 'Nay."

Matapos namin'g kumain ay tinulungan ko na si Aling Bebang sa pagtutupi ng mga damit.

"Nay, maaari ba akong umalis kahit saglit lang ngayon? Gusto ko lang m