Chapter 19

Isang navy blue Nike tshirt at puting short ang isinuot ni Andrea na sinipat pa ang sarili sa salamin bago bumaba sa hardin. Masaya siyang tila maghapon niyang makakasama si Anthony ngayon dahil wala itong binanggit na aalis ito. Gusto niyang isiping tuluyan nang nawala ang pagkailang sa kanilang dalawa at umaasa siyang tuluyan na silang magkakaayos.

Naabutan niya itong kausap ang ilang tauhan sa may hardin na kaagad namang ngumiti nang makita siyang paparating.