CHAPTER 3: SCRIPTED PRESS CONFERENCE

Humarap si Savannah Madrigal sa salamin ng vanity area sa De Cartier Tower. Suot niya ang isang champagne-colored midi dress na simple pero halatang mahal. Ito ang kailangang imahe ngayon—ang "Diamond Sweetheart" na malinis ang pangalan. Pero sa totoo lang, gusto na lang niyang maglaho. "Kaya mo 'to, Savannah. Isang oras lang na pagpapanggap," bulong niya habang hawak ang counter.

Bumukas ang pinto at pumasok si Sebastian de Cartier nang hindi kumatok. Agad na uminit ang ulo ni Savannah. Suot na ni Sebastian ang suit jacket nito at inaayos ang mamahaling relo. Tumingin ito sa kanya sa salamin nang walang emosyon. "Ready ka na?" tanong ni Sebastian. Casual lang ang boses nito, parang wala lang.

Tinaasan siya ni Savannah ng kilay. "Ready na akong matapos 'to. At baka pwedeng sa susunod, kumatok ka naman? Hindi dahil titira ako sa bahay mo eh pwede ka na lang pumasok basta-basta." Hindi natinag si Sebastian. Lumapit ito at tiningnan ang ayos niya. "Masyado kang maraming sinasabi. Ang kailangan ko lang, maniwala ang buong bansa na engaged tayo. My father is waiting. Ayaw niya ng nali-late."

"Galit ba siya sa akin?" tanong ni Savannah, medyo nabawasan ang tapang. Alam niya ang impluwensya ni Don Roman De Cartier. "He’s a businessman. Galit siya sa scandal mo, pero masaya siya dahil aayusin natin 'to. Now, let’s go. At tandaan mo, pagbukas ng pinto, we are the perfect couple. Wag kang gagawa ng eksena na wala sa script." Inayos ni Savannah ang buhok niya. "Professional actress ako. Wag mo akong turuan kung paano umarte."

Pagbukas ng pinto ng hall, sinalubong sila ng nakakasilaw na flashes ng camera. Nakakabingi ang ingay ng mga reporters. Nanatiling kalmado si Sebastian habang inakbayan si Savannah. Mukha silang protective couple sa harap ng lahat. Umupo sila sa gitna ng mesa na puno ng microphones. Katabi nila si Gina, ang manager ni Savannah na pilit din ang ngiti.

"Good evening," simula ni Sebastian. Ang boses niya ay seryoso at puno ng authority. "Alam ko kung bakit kayo nandito. Tungkol ito sa litratong kumalat kanina. Gusto naming linawin ang lahat para matigil na ang maling balita." Isang reporter ang agad na nagtaas ng kamay. "Mr. De Cartier, totoo ba ang photo? Paanong ang isang Savannah Madrigal ay napunta sa ganoong bar?" Tumingin muna si Sebastian kay Savannah at pinisil ang balikat nito.

"Yes, it was us. Celeberation 'yun. Savannah and I have been seeing each other privately for over a year now. Itinago namin ang relationship away from the spotlight dahil sa schedule niya." Nagkaroon ng bulungan sa paligid. Halatang marami ang hindi makapaniwala. "So, may seryosong relasyon talaga kayo?" tanong pa ng isa. "Paanong walang nakakaalam? Walang kahit anong leak sa social media?"

Sumingit si Savannah gamit ang pinaka-charm na boses niya. Nagpakawala siya ng natural na tawa—yung tawang in love. "Public ang buhay ko. Kaya nung nakilala ko si Sebastian, we agreed na itatago muna namin. We wanted something na amin lang. We wanted to build a foundation bago harapin ang atensyon. Last night was a moment where we got carried away. Celebration 'yun ng isang important milestone."

"Anong milestone 'yun, Savannah?" Tumingin si Savannah kay Sebastian, at kinuha naman ni Sebastian ang kamay niya. Itinaas nito ang kamay ni Savannah kung saan kumikinang ang isang dambuhalang diamond ring. "We’re engaged," simpleng sabi ni Sebastian. Nagkagulo ang mga reporters. Ang scandal ay biglang naging engagement story of the year.

"Sebastian asked me a few weeks ago," dagdag ni Savannah habang nakatitig sa singsing. "Dapat next month pa ang announcement, pero dahil sa nangyari, we decided na wag na patagalin. We don't want people to think negatively of us." Marami pang tanong ang ibinato. Lahat 'yun ay sinagot namin nang may sapat na detalye para magmukhang totoo, pero sapat din para hindi kami maipit sa huli.

Si Sebastian ay nagbitaw ng mga salitang nagpapakita ng pagpapahalaga kay Savannah. "I’ve always admired Savannah’s dedication," sabi nito. "Kahit magkaiba ang mundo namin, we found a common ground. I intend to protect her and our relationship." Pagkatapos ng press conference, pumasok kami sa backstage. Agad na kumawala si Savannah sa akbay ni Sebastian. Ramdam pa rin niya ang panginginig ng mga kamay ko.

"Grabe, hindi ko akalain na ganun kahirap 'yun," sabi ni Savannah. "Naniwala kaya sila? Feeling ko may mga doubtful pa rin." Kinuha ni Sebastian ang phone niya. "They bought it. Ang headlines ngayon ay tungkol na sa engagement natin. That was the goal." "So, anong next move?" tanong ni Savannah habang tinatanggal ang hikaw. Tumingin si Sebastian sa kanya. "Now, we start living together. My driver is outside. We’re going straight to my house. Doon ka na titira simula ngayon."

"Ngayon agad? Wala pa akong dalang gamit!" "Marcus is at your penthouse now. He’s packing your essentials. Susunod na lang ang iba bukas," sagot ni Sebastian habang naglalakad palabas. "Wala na tayong oras para mag-inarte. We need to be seen together." Napabuga ng hangin si Savannah. Wala siyang choice. Sumunod siya kay Sebastian palabas ng building. Binuksan ni Sebastian ang pinto ng kotse para sa kanya—isang gentleman move para sa mga usisero.

Sa loob ng sasakyan, namayani ang katahimikan. Nakatingin lang si Savannah sa labas, pinapanood ang mga billboards sa EDSA. Bukas, baka hindi na siya tinatanggal sa mga ads na 'yan. Pero alam niyang kapalit nito ang kalayaan niya. "Sebastian," tawag niya. "Hmm?" "Do you think this will work? Paano kung may magkamali sa atin?" Tumingin si Sebastian sa kanya. "Failure is not an option. I’ve never lost a deal. Just play your part well."

"Simple para sa'yo kasi wala kang nararamdaman," bulong ni Savannah. "Maybe. But in this world, feelings only complicate things. Mas mabuti na ang ganito—clear ang rules, at walang masasaktan." Natahimik sila hanggang makarating sa gate ng mansyon. Lalong bumigat ang pakiramdam ni Savannah. Alam niyang simula pa lang ito ng isang mahabang taon. Isang taon ng scripted na ngiti kasama ang lalaking pinaka-ayaw niya.

"And Savannah," dagdag ni Sebastian bago sila bumaba. "Wag mong kalimutan, you are my responsibility. Expect me to be everywhere."

"Control freak," asik ni Savannah. Huminto ang sasakyan sa tapat ng dambuhalang pinto. Bumaba si Sebastian at pinagbuksan siya uli. Tumingin si Savannah sa mansyon. Napakalaki nito, pero pakiramdam niya ay isa itong gintong hawla. "Welcome home, fiancée," sabi ni Sebastian habang iniaabot ang braso.

Pumasok sila sa loob nang magkahawak-kamay, at doon nagsimula ang kanilang scripted marriage.