TBIFTL — Chapter 3

Leander’s POV

“Oh my God! I can’t believe na makakakilala ako ng mahalagang tao ngayong gabi. Lucky charm ka nga, Gwen!” Baling nito kay Gwen. Muntik pa ngang mahalikan sa sobrang saya.

Alanganin ang ngiti sa amin ni Kenjie ni Gwen. Kilala ni Gwen si Kenjie dahil kaibigan ko siya at nakikita niya rin sa mga party.

“Nga pala, meet my date tonight, Mr. Chavez. Her name is Gwen. Pero kung gusto mo siya, available siya tonight. Just for you. Right, Gwen?”

“Mr. Fajardo, wala ito sa—”

“Shut up,” putol ng matanda sa sasabihin ni Gwen. “Just entertain him tonight, makukuha mo ang kailangan mo sa akin. Pangako,” dinig kong bulong ni Fajardo na ikinakunot ko ng noo.

‘Wag sabihin ni Gwen na nakikipag-trade ang sampid na ito? Ng ano naman kaya?

Tumaas ang aking kilay at ngumisi. “Is she available, Mr. Fajardo?”

“Of course, Mr. Chavez! Of course!” papalatak niya.

Binalingan ulit ng matanda si Gwen. Bakas sa mukha niya ang ayaw kaya muli akong nagsalita.

“I like her, Mr. Fajardo. Pero parang hindi niya yata gusto na entertain ako. Sayang naman ang pagkakataong ito.” Bahagya akong nadismaya para maipakita sa matanda.

Kita ko ang pagsalubong ng kilay ni Gwen. Alam kong naiinis na siya. Kung nasa bahay kami, kanina pa siya nagbunganga sa akin.

Hindi ko inaasahan ang gagawin ng matanda. Hinila niya si Gwen at tinulak sa akin, at saktong napasubsob siya sa aking dibdib kaya napasinghap ako. Bahagyang bukas ang suot kong black polo kaya ramdam ko ang init na nagmumula sa hininga ng dalaga.

“I’m sorry,” pabulong na sabi ni Gwen nang magtama ang paningin namin. Namumula siya ng mga sandaling iyon. Naamoy ko rin ang alak pero mukhang nasa katinuan pa naman siya.

Akmang aalis siya nang pigilan ko siya dahil mukhang nag-aabang si Fajardo. Sigurado akong itutulak pa rin niya sa akin si Gwen.

“Stay,” bulong ko rin na ikinatingin niya sa akin.

Bahagya siyang tumango at umayos nang upo pero bigla akong napamura sa isipan dahil may natamaan siya, dahilan para manigas iyon. Umisang galaw pa siya kaya nahawakan ko ang pulsuhan niya.

“Stop moving. Damn it!” Sabay kuyom ko ng ngipin.

Hindi yata narinig ni Gwen dahil talagang kumilos paharap kila Mr. Fajardo. Ako lang mag-isa sa single chair na iyon kaya walang nakakakita ng reaksyon ko. Mabuti na lang at tumigil ito sa pagkilos kaya bahagyang kumalma ang kaibigan ko.

Sa pag-aakalang makakbalik pa ako sa usapan, pilit kong pinakalma ang sarili ko. Pero hindi na pala. Wala akong ginawa ng mga sumunod na sandali kung hindi ang mapakagat ng labi dahil sa ayaw kumalma ng aking kaibigan, lalo na kapag gumagalaw si Gwen sa aking kandungan. Minsan nga, napapamura ako sa aking isipan. Kung naisatinig ko iyon, marahil nagulat na sila sa akin. As in wala akong maintindihan sa pinag-uusapan. Mabuti na lang at nasa paligid lang si Aldrin. Mababalikan ko ang mga na-miss na usapan namin. Recorded din sa pamamagitan ng gamit kong hidden cam sa damit.

Nakahinga ako nang maluwag nang magpaalam si Mr. Fajardo. Mabuti at mabilis ang tayo ni Gwen.

Napatingin silang lahat sa akin nang magpakawala ako nang buntong hininga, na sinundan ko rin nang mura.

“Ano ba kasi ang ginagawa mo rito? Huh?” inis na tanong ko sa kanya. “Kasalanan mo ito, e! Masisira mo pa ang plano ko!”

“Wow? Ikaw itong nagsabi ng ‘I like her’ malamang magugulo ka talaga! Kaloka kang bata ka! Alam mo naman kung bakit ako nandito. Dahil may hinahanap ako. ‘Di ba, atat ka nang mawala ako sa bahay? Kaya heto, hinahanap ko ang pinagmulan ko!”

Natigilan ako sa sinabi niya. Right, atat nga akong mawala siya sa bahay namin. Sobrang atat!

Binalikan ko ang mga huling sinabi niya. So, ginagamit niya lang si Fajardo para mahanap ang Tatay niya? The fvck! Hindi ba niya alam na binubugaw na siya sa akin? Mabuti na lang at ako lang ‘to. Wala akong balak na patulan siya.

‘Anong ikaw lang ‘yan?’ biglang echo sa aking isipan ang katanungang iyon.

Bigla kong hinilot ang ulo ko dahil sa tanong na iyon.

“Pabalik na po siya,” ani ni Aldrin na ikinatingin ko kay Gwen.

“Dito ka maupo at naiinis ako sa presensya mo. Si Millie lang ang gusto kong kumakandong sa akin,” ani ko, sabay tampal ko ng armrest ng upuan ko.

Sinamaan lang niya ako nang tingin. “As if gusto ko rin!” usal niya na hindi nakaligtas sa pandinig ko.

Palipat-lipat nang tingin sa amin si Kenjie at Aldrin kaya tiningnan ko sila nang masama.

Naupo naman si Gwen sa armrest ng upuang iyon at ngumiti nang makita si Fajardo. Ang galing talagang umarte.

“For you, Gwen,” ani ni Fajardo, sabay abot ng kopita na may lamang alak. “And for you, Mr. Chavez. Ako ang taya for tonight kaya no need to worry sa bill. Alright?” Ngumiti siya sa amin kaya ganoon din ang ginawa ko.

Sa pagkakataong iyon, nakasabay na ako sa pinag-uusapan nila ni Kenjie. Nawala saglit sa isipan ko si Gwen. Pero napapitlag ako nang bigla niya akong hawakan sa kamay. Nagulat ako dahil sa init na nagmumula sa kamay niya.

Tumingin sa akin si Gwen. May sinasabi siya pero hindi ko maintindihan kaya hindi ko na siya pinansin.

“I-I need to use the comfort room, Mr. Fajardo,” basag niya sa amin maya-maya sa malakas na boses.

“Oh, sure, Gwen.” Tumingin sa akin ang matanda. “I think she needs help, Mr. Chavez.”

Tumingin ako kay Aldrin. “Pakisamahan si Miss—”

“No! Ikaw dapat ang sasama, Mr. Chavez!” biglang agaw niya sa aking sasabihin. Pero huli na dahil umalis na si Gwen, nagmamadali. Sumunod naman si Aldrin dito.

Inilapit ni Mr. Fajardo ang sarili niya sa akin sabay bulong, “Mukhang umepekto na ang gamot sa kanya. Pagkakataon mo na para masolo siya ngayong gabi. Consider Gwen a special gift from me to greet you, Mr. Chavez.”

Awang ng labi ang ginawa ko matapos na marinig iyon.

Hindi ko alam kung gaano katagal akong natigilan, napapitlag na lang ako nang tumunog ang telepono ko. Nang makita ko ang pangalan ni Aldrin ay sinagot ko iyon. Napatingin din ako kay Mr. Fajardo na noo’y nakangiti.

He drugged Gwen!