Chapter 3

“I... Iyon po ba ang nakalagay sa agreement natin, Don Joseph na hawakan ko ang alaga ng anak ninyo?” napalulunok na sambit ni Barbara.

Dapat pala ay ipinatagalog niya na sa kanila ang mga nakasulat doon para hindi na siya magtanong ng ganito. Sino ba naman kasi ang may gusto na araw-araw mong hawakan ang patintin ng isang lalaki? Kaya pala nagsi-back out ang mga nag-apply rito.

“Oo, Barbara. Iyon ang nakalagay sa agreement natin that you will hold and touch my son’s c*ck. Mayroon pang blow job roon, kaya much better na iyon ang gagawin mo para lang tumayo at tumigas ang pagkalalaki niya. At kung sakaling mas higitan ang ipinagagawa ko ay dadagdagan ko ang sahod mo sa iyo. But, make sure na titigasan talaga siya at babalik ang kahiligan niya sa sex. Kaya, umpisahan mo nang gawin iyon ngayon. At sana ay mapaamo mo ang anak ko, kaya bahala ka na kung anong gagawin mong teknik,” mariin na pahayag ng matandang don sa kanya, kaya naman ilang beses siyang lumunok.

“H-Hindi na ba puwedeng umatras, Don Joseph? Parang... Parang hindi ko po yata kayang gawin ang nasa agreement,” lunok ni Barbara.

“Pumirma ka na sa agreement natin, Barbara. Hindi ka na puwedeng umatras dahil nabasa mo rin siguro doon ang 'You were put in jail.' Kaya, kung ako sa iyo ay gawin mo na lang kung anong nakasaad roon dahil hindi ka na lugi. May house and lot ka na, may pera ka pa and all you have to do is to please my son dahil hindi naman pangit ang anak ko. Si Ate Mona ang mag-aabot ng suweldo mo. Enjoy-in mo lang ang trabaho mo rito, Hija at enjoy-in mo rin ang sarili mo, kasama ang anak ko, lalo na sa kama. At kung puwede lang ay tabihan mo siyang matulog nang hubad ka,” ngiti ni Don Joseph sa kanya at umalis na ito sa harapan niya.

Narinig pa ni Barbara ang tunog ng pag-alis ng kotse. Nakaawang ang labi niya at para siyang nahulugan ng bulalakaw sa mga narinig niya sa matandang don na iyon.

“Mama, mapasukan po ng langaw iyang bibig ninyo,” sambit ni Bridget sa kanya, kaya naman itinikom na ni Barbara ang bibig niya.

“Magbihis ka muna, Barbara,” ani Ate Mona, kaya lumapit sila rito. “Iyan ang kuwarto ni Sir Sixto at dito naman ang maid’s quarter,” turo nito sa maluwang na kuwarto at may aircon pa. “Ipasok ninyo na mga gamit ninyong mag-ina dahil maya-maya ay aalis na rin ako,” saad ni Ate Mona at ibinigay sa kanya ang uniporme.

“Totoo ba na pasulpot-sulpot ka lang dito, Ate Mona at kaming dalawa lang ditong tatlo ni Sir Sixto?” tanong ni Barbara.

“Oo. Dapat nga, hindi ka tatanggapin ni Don Joseph, dahil may kasama kang bata. Siguro, narealize niya na walang tatagal sa anak niya. At saka, gawin mo lang kung anong ipinagagawa nila sa iyo dahil sulit na sulit naman ang ibabayad nila sa iyo,” ngiti nito. “O, siya at palit ka na para makapag-umpisa ka na,” dagdag pa nito.

Ipinasok na ni Barbara ang malaking backpack niya sa kuwarto at binihisan niya na si Bridget. Nagpalit na rin si Barbara ng uniporme at nanlaki ang mga mata niya dahil ang iksi naman nito at makikita na ang pisngi ng puwet niya.

“Ate Mona, nagkamali ka yata ng bigay sa akin ng uniporme dahil ang iksi,” sambit ni Barbara, dahilan upang mapangiti ito.

“Iyan talaga ang isusuot mo, Barbara. Hindi naman puwedeng mahaba dahil paano mo maaakit si Sir Sixto?” napapailing na wika nito, kaya naman nalaglag ang panga ni Barbara.

Wala naman siyang nagawa kundi ay isuot ito. Nagsuot na lang siya ng cycling, pero ang pangit naman dahil nangunguna ito, kaya nagpanty short na lang siya.

“Mama, gutom na po talaga ako,” sambit ni Bridget.

“Pakainin mo muna iyang anak mo dahil luto na lahat o kaya ay sumabay ka na sa kanya,” pahayag ni Ate Mona.

Binuhat ni Barbara ang anak niya at pinaupo ito. Pinaghainan niya si Bridget at sinubuhan na lang niya para mabilis.

“Mama, sino po iyong lalaking naka-wheelchair? Gusto ko po sanang tanungin si lolo, pero ang bilin niyo po kasi sa akin ay huwag sumabat sa usapan ng matatanda, kaya hindi na lang po ako nagtanong,” wika ng anak niya.

“Anak siya ni Don Joseph at aalagaan ko siya,” ngiti na imporma ni Barbara.

“Mama, ganoon po ba kaguwapo ang papa ko?” tanong pa nito, kaya muli na naman siyang napalunok.

“Mas guwapo pa ang papa mo, Anak. Ubusin mo na ito para makapagpahinga ka at mamaya ka maglalaro para lalo kang lalaki,” ngiti na tugon ni Barbara.

Pinaubos niya na ang kinakain nito at sumunod na naman siyang nananghalian. Nagtoothbrush na silang dalawa, saka niya ito pinatulog sa kuwarto. Lumabas na si Barbara at naabutan niyang nag-aayos si Ate Mona.

“Huwag mo sanang mamasamahin ang tanong ko, Barbara. Single mother ka ba?” saad nito.

Ngumiti si Barbara. “Oo, Ate Mona, kaya kasama ko ang anak ko.”

“Ah, kaya pala. Narinig ko kasi ang anak mo kanina, pero okay lang iyan. Ang mahalaga naman ay magkasama kayong mag-ina at iyong lalaki ang nawalan,” komento nito. Hindi na nagsalita si Barbara dahil ayaw niya nang pahabain ang topic na iyon dahil hindi niya alam kung anong sasabihin tungkol sa ama ng anak niya dahil nga hindi niya alam ang hitsura.

“Ayusin mo na ang kuwarto ni Sir Sixto at aalis na rin ako. Puno ang ref at kumain lang kayong mag-ina. Hetong notes dahil nakalagay riyan ang mga gusto lang niyang kainin. Ikaw na bahala rito,” ngiti nito.

Nagbilin pa si Ate Mona at lumabas na ito. Isinara ni Barbara ang gate at nagsimula nang mangatog ang tuhod niya. Naglakad na siya pabalik sa loob at tinungo ang kuwarto ni Sir Sixto. Kaboring na walang tugtog, kaya kinuha niya ang phone niya sa maid’s quarter. Dinampihan niya pa ng halik ang noo ng anak niya.

Bumalik si Barbara sa kuwarto ni Sir Sixto at nagpatugtog siya. Ikinikembot niya ang balakang niya at ang puwetan niya habang pinapagpag niya ang bedsheet at sinasabayan niya ng pagkanta ang tugtog na Wanna be.

“If you want my future, forget my past. If you wanna get with me, better make it fast!” kumakantang sambit ni Barbara. “Now don't go wasting my precious time. Get your act together we could be just fine. I'll tell you what I want, what I really, really want. So tell me what you want...”

“Who the hell are you and what the f*ck are you doing in my room!” sigaw ng lalaki sa likuran niya.

“Ay, diyos ko!” gulat na sambit ni Barbara. Dahan-dahan siyang humarap sa kanya at nanlaki ang mga mata niya at natigagal siya sa kanyang kinatatayuhan nang mapagsino ito. Sino pa bang inaasahan mong lalaki rito, Barbara?

Eh, si Sir Sixto lang ang kasama mo rito, bulong ng isipan niya.

“Tinatanong kita kung sino ka at kung anong putang inang ginagawa mo rito sa kuwarto ko, hindi iyong nakatanga ka riyan at nakatingin sa akin!” muling sigaw niya.

“Sir... ako po ang bago ninyong katulong at yaya,” nauutal na sambit ni Barbara. Ang dami niyang masasabi ay asawa talaga ang lumabas.

Pinasadahan siya nito ng tingin, kaya naman todo-todo ang kaba ni Barbara at kahit aircon dito sa loob ay nagpapawis na ang kili-kili niya. Hindi pa naman siya nakapagtawas.

“Sinong naghire sa iyo? At nagbigay ng permiso na pumasok sa kuwarto ko! Sino!” matigas na sambit nito sa kanya.

“Si... si Don Joseph, ang tatay ninyo. At bahala na raw po ako rito sa bahay ninyo, kaya inaayos ko ang kuwarto ninyo dahil nadaanan ng bagyong Sixto, este bagyong guwapo, kaya—”

“Shut up, dahil ang dami mo nang sinabi! Itulak mo na ako at gusto ko nang magpahinga!” asik nito sa kanya.

“Hindi po ako bingi, Sir Sixto. Para naman pong may wangwang ang bunganga ninyo,” mahinang saad ni Barbara.

“What the f*ck did you say?” gagad nito.

“Wala pong pakpak ang salita,” ngiti ni Barbara.

Parang ilang beses na niyang narinig ang salitang f*ck sa naka-one night stand niya noon. Pero baka guniguni niya lang iyon. Lumapit na siya rito at walang sabi-sabing itinulak ni Barbara ang lalaki, dahilan upang mahulog ito sa wheelchair.

“Shit! Why did you push me!” sigaw na naman nito sa kanya.

"Sabi mo, Sir, itulak kita? Kaya itinulak kita. Hindi naman ako mahirap kausap," muling ngiti ni Barbara, dahilan upang gumalaw ang panga nito.

“Sabi ko, itulak mo ako, it means na itong wheelchair ang itulak mo, hindi ako!” muling asik ni Sir Sixto.

“Iyan po kasi ang sabihin ninyo, Sir. Malay ko ba kung gusto mong magcircus,” depensa ni Barbara.

“Bullshit! Magha-hire na nga lang ng bago si papa, iyong tatanga-tanga pa!” inis na aniya.

Naalala ni Barbara ang sinabi ni Don Joseph na umpisahan na niyang gawin ngayon ang kanilang agreement, kaya naman napatingin siya sa gitnang bahagi ng katawan ni Sixto, sabay dakma niya sa pagkalalaki nito.