DAHIL sa kalagayan ni Ivan, pinauwi daw ni Tito si Maureen at sinabihan na kung puwede huwag nang magpakita dito dahil nagugulo lang nito lalo ang sitwasyon. Sinabi daw dito na may asawa na si Ivan kaya dumistansya na siya dito.
Nagulat talaga ako na bumalik na siya ng bansa. Nang makasal kami ni Ivan, galit na galit siya sa akin. Sinugod niya ako at halos kalbuhin niya ako sa lakas ng pagsabunot niya sa aking mga buhok."Malandi kang babae! Ahas!" Paulit-ulit niyang sigaw sa aking pagmumukha. Wala akong nagawa kundi umiyak na lamang. Niyakap siya ni Ivan. Humingi ng sorry ng paulit-ulit.Umalis sila ng bahay at gabi na siya umuwi. Hindi ko alam kung ano ang ginawa nila o kung ano ang pinag-usapan nila.Pero may takot ako sa dibdib na baka magtuloy-tuloy pa din ang kanilang relasyon kahit na kasal na kaming dalawa. Lalo at sa papel lang naman kami mag-asawa. Papel lang ang pinanghahawakan ko at hindi ang kaniyang puso.Pero pagkaraan ng isang linggo, nabalitaan ko na lumipad si Maureen kasama ang kaniyang pamilya papuntang America.At ni minsan hindi naman nagpunta si Ivan sa bansang iyon. Kaya kahit paano naging panatag ang loob ko.Pero kahit wala na si Maureen, nagtuloy-tuloy ang panlalamig niya sa akin. Halos ayaw niya akong kausapin.Ayaw kainin ang mga niluluto ko para sa kaniya. Pero kahit na ganoon, pinagsisilbihan ko pa din siya.Kahit may pasok ako sa trabaho maaga akong gumigising upang ipaghanda siya ng almusal. Ako din ang naghahanda ng susuotin niyang damit sa pagpasok niya sa opisina.Kaso kulang pa din ang ginagawa ko dahil sarado ang kaniyang puso. At wala siyang balak na buksan ito at papasukin ako.Pero ngayon na bumalik na si Maureen baka tuluyan nang mawalan ako ng papel sa kaniya. Ito din kasi ang paulit-ulit niyang sinasabi noon sa akin. Na hihiwalayan niya ako pagkatapos ng isang taon. At walang magagawa ang kaniyang mga magulang para kontrahin ang kaniyang pasya.Tama na daw ang isang taon na pagdurusa niya sa piling ko."Tara na sa loob," aya sa akin ng aking byenan."Tingin ko makabubuti kung samantalahin mo na wala siyang maalala. Asikasuhin at alagaan mo siya tulad ng iyong ginagawa. Nang sa ganoon, tuluyan nang mahulog ang loob niya sa'yo."Duda ako sa sinabi ng byenan ko dahil ngayon na wala siyang maalala, harap-harapan niyang hinahayag ang pagmamahal niya kay Maureen.Naunang pumasok si mommy sa silid ni Ivan. Sumunod naman ako. Gising pa din si Ivan. At nang tuluyan akong pumasok, tinuon niya ang buong atensyon niya sa akin.Tinitigan niya ako. Hindi nga talaga niya ako maalala. Dahil ni minsan hindi naman niya ako nagawang titigan ng husto at matagal. Para bang diring-diri siya noon sa akin.Pinilit kong ngumiti."Hi, k-kumusta ang pakiramdam mo?" Tanong ko sa pilit na pinatatag na boses.Nagkibit balikat lang siya. "Puwede na daw po ba siyang kumain?" Tanong ko sa aking byenan na tahimik na nagmamasid sa amin sa sulok.Ngumiti siya at tumango. "Gusto mo ng lugaw?" Marahan kong tanong kay Ivan.Tahimik siya ngunit nanatiling nakatuon ang mga mata sa akin. Hindi ko tuloy maiwasang makaramdam ng pagkailang. Hindi kasi ako sanay na Tinitigan niya ako. Sanay ako sa masamang tingin na pinupukol niya sa akin dati, lalo kapag ganiyan na nagdadrama ako.Kahit hindi siya sumagot, naghanda pa din ako ng pagkain niya. Kumuha ako ng mangkok at kutsara na nasa gilid. Kinuha ko ang thermos food jar na may lamang porridge. Dala ko 'to kanina.Sinahugan ko ito ng hinimay na karne ng manok. Marahan akong lumapit sa kaniya. Dahil sa kaba, nanginginig ang aking mga kamay. Naupo ako sa gilid ng kaniyang kama malapit sa kaniya, na para bang normal para sa amin na magkalapit dahil mag-asawa kami. Hindi naman siya makaalala kaya samantalahin ko na na gaya ng sinabi ng kaniyang mommy.Hinalo-halo ko ang porridge. Umuusok pa ito.Naglagay ako sa kutsara saka inumang sa kaniyang bunganga. Hindi siya ngumanga. Kahit hindi makaalala, talaga namang hindi niya ako hahayaang pagsilbihan siya."Mainit pa," sabi niya. "Hipan mo." Napamaang ako sa kaniyang sinabi. Hipan ko? Sigurado siya? Ni kahit maramdaman nga ang hininga ko sa tabi niya dati, naiirita siya. Tapos ngayon gusto niyang hipan ko ang pagkain niya?Mukhang nakabuti naman pala ang pagkakaroon niya ng amnesia. Mukhang ma-e-enjoy ko ito.Hinipan ko ang kaniyang pagkain gaya ng sinabi sa kaniya. Nang mabawasan na ang init, sinubo ko sa kaniya."Niluto mo 'to?" Tanong niya pagkatapos niya itong lunukin."O-Oo. Nagustuhan mo ba?"Tumango siya. Muli akong naglagay sa kutsara. Naging magana siya sa pagkain. Naubos niya ang pagkain na hinanda ko para sa kaniya.Matapos uminom ng tubig at uminom ng gamot, nahiga na siyang muli. Masakit pa ang kaniyang katawan. Kulay ube pa ang kaniyang mga pasa sa tagiliran, braso at mga binti kaya hirap din siyang kumilos. Inalalayan ko siya.Alas-otso nang magpaalam ang mga magulang niya na uuwi na. Aagahan na lang daw nilang bumalik bukas upang ako naman ang makauwi at makapagpahinga.Natutulog na si Ivan. Ako naman ay nakaupo sa malaking sofa sa gilid. Dito na lang ako iidlip, sakaling makaramdam ako ng pagkaantok.Alas-dies na ng tuluyan akong antukin. Mahimbing naman ang tulog ni Ivan kaya umidlip na lang din muna ako.Hindi ko alam kung ilang minuto o oras na akong nakatulog nang may maulinigan akong mga boses na pabulong na nag-uusap.Dahan-dahan kong minulat ang aking mga mata ngunit agad ko din itong pinikit nang mabosesan ko ang nag-uusap.Si Maureen! Bumalik si Maureen dito sa ospital. Nag-uusap sila ni Ivan."Miss na miss na kita, Ivan," umiiyak na sabi ni Maureen."I miss you too," sagot naman ng magaling kong asawa."Bumalik ako gaya ng usapan natin noon. Bumalik ako pagkatapos ng isang taon."Hindi ko alam kung may amnesia ba talaga si Ivan, sa paraan ng pakikipag-usap sa kaniya ni Maureen."Naguguluhan ako, Maureen. Alam ko ikaw ang mahal ko pero bakit ako kinasal sa kaniya?"Nanigas ako dahil sa narinig kong sinabi ni Ivan. Hindi ko kayang marinig ang sagot ni Maureen kaya nagpanggap akong magigising na kahit na ang totoo ay kanina pa ako gising. Malayang narinig ang usapan ng dalawa."Magigising na yata siya. I need to go at baka magsumbong pa siya sa magulang mo. I love you, Ivan."Narinig ko na ang mga yabag ni Maureen papunta sa pintuan. Ilang minuto na din siyang nakaalis pero nanatili pa ding nakapikit ang aking mga mata. Ayaw kong malaman ni Ivan na gising ako. Ayaw kong makita niya ang kalungkutan sa aking mga mata."GAGAMIT ako ng banyo." Hinintay ko ang isang minuto bago ako dahan-dahang nagmulat ng mata. Bumangon ako at dinaluhan siya. Tinulungan ko siyang makababa ng kaniyang kama. Inalalayan ko siyang maglakad hanggang sa banyo. Hinintay ko na lang siya sa labas dahil mukha maging siya ay hindi din naging komportable sa presensya ko. "Okay na?" tanong ko mula sa labas. "Yeah," sagot naman niya kaya binuksan ko na ang pintuan. Nang makahiga siya, bumalik na ako sa sofa. Nahiga ako at nang mapatingin ako sa gawi niya, nagkasalubong ang aming mga mata. Tinititigan na naman niya ako. "Paano tayo naging mag-asawa?" Tanong niya. Marahil litong-lito na siya kaya ito na ang paulit-ulit niyang tinatanong mula nang magising siya. Tingin ko mas makabubuting sa akin na niya marinig ang totoo kaysa kay Maureen pa. Baka mamaya kung ano-ano pa ang sabihin sa kaniya ng babaeng iyon. Nang magkasintahan pa lang sila, pansin ko ang pagiging maldita ng babae. Madalas ko noong naririnig na tinatanong niya
Ginupitan ko ng kuko sa kamay at paa si Ivan. Natutuwa ako na kahit hindi siya komportable sa akin, hinayaan lang niya ako. Tahimik lang siya at panaka-nakang napapatingin sa akin. "Ayan, okay na." Nakangiti ko siyang binalingan. Pangatlong araw niya ngayon dito sa ospital. At bukas, baka makalabas na siya ng ospital. Walang kurap siyang nakatingin sa akin kaya napaiwas ako ng tingin. "Ahm, nagugutom ka na ba?" Umiling siya. "Gusto mo bang ipagbalat kita ng prutas?" Marahan siyang tumango. Akala mo tuloy pipi siya. Pinagbalat ko siya ng apple at orange. Pinatong ko sa bed table ang mangkok na pinaglagyan ko ng prutas. Bumalik ako sa sofa upang ayusin ang ilang mga kalat pero tinawag niya ako. "Hindi mo ba ako susubuan?" Tanong niya na kinakunot ng noo ko. "Magaling naman na ang kamay mo, ah," sagot ko naman. "Masakit pa kaya." Hindi ko alam kung nagsasabi ba siya ng totoo. Pero kahit na ganoon, nilapitan ko pa din siya. Sa totoo lang, kamuntik na akong maglayas kagabi. Nag
SA kabila nang nangyari kagabi ay inasikaso ko pa din si Ivan. Pinakain ko siya at tinulungang magbihis. May go signal na ang doktor na puwede na siyang umuwi kaya hinihintay na lang namin na ma-settle ang bills niya. Nakaupo ako sa sofa, habang si Ivan naman ay nakaupo sa gilid ng kama. Ang kaniyang kapatid ay nasa hamba ng pinto at tila ba nakikipagparamdaman sa amin. Pansin ko ang paninitig ni Ivan pero ni minsan hindi ko siya sinulyapan. "Let's go," sabi ni Mommy. Hawak na niya ang resibo at ilang reseta ng take home medicine ni Ivan. Sa kaniyang likod ay may nakasunod na nurse na may tulak-tulak na wheelchair. "Sa bahay na lang kayo umuwi, habang nagpapahinga kayo." Hindi ako sumagot at hinintay ko si Ivan na magreklamo pero tanging buntong hininga lang ang sagot niya roon. Inalalayan siyang sumakay sa wheelchair. Nauna na siyang lumabas ng pinto habang tulak ng kaniyang kapatid ang wheelchair. Pilit akong nginitian ni Mommy. Inakbayan niya ako at giniya palabas. Hindi ako
"Masarap ba?" Tanong ko kay Ivan kahit na kitang-kita ko naman sa kaniyang reaksyon na nasarapan siya sa luto kong ulam. Ngumiti siya at tumango. Linunok niya ang pagkain at muling ngumanga. Ganado siyang kumain kaya hindi ko mapigilan ang pagsilay ng matamis na ngiti sa aking mga labi. "Bakit pala hindi ka kumakain?" Tanong niya. "Mauna ka nang kumain dahil hindi pa naman ako nagugutom." Alas-sais pa lang kasi ng hapon. Kailangan niyang uminom ng gamot kaya pinakain ko na siya. "Nag-da-diet ka ba?" Ang dami namang tanong ng lalakeng 'to. "Hindi naman," sagot ko. "Ang payat mo na kaya." "Anong payat. Sexy kaya ako." Ngumuso ako at pinigil ang mapairap. Ang payat si Maureen, gusto kong sabihin kaso pinigilan ko. Ayaw kong isingit ang pangalan ng kaniyang kabit. Ngumuso siya. "Bakit, hindi ba ako sexy?" Tinaasan ko siya ng kilay. Ngumiti lang naman siya. Ewan ko sa'yo. "Last na," sabi ko sa kaniya. Naubos na ng baby damulag ang pagkain na hinanda at niluto ko para sa kaniya.
Habang hinihintay siyang matapos maligo, hinanda ko na ang kaniyang mga damit na susuotin. Pinalitan ko na din muna ang kobre kama at punda. Hindi pa naman madumi, pero bago pa siya magkaamnesia, maselan siya sa kaniyang mga gamit. Ang tuwalya niya, gusto niya nilalabhan kada araw. Ganoon din ang mga beddings. Dinaig pa niya ang babae sa kaartehan. Ako lang ang nagpapalit, pero ang labandera na ang bahalang maglaba ng mga ito. Nang magbukas ang pintuan ng banyo, agad akong lumingon sa kaniya. Pero dahil nakatapis lang siya ng tuwalya, mabilis don akong nag-iwas ng tingin. May bathrobe naman siya doon sa banyo, bakit di na lang iyon ang ginamit niya? Tumikhim ako dahil nanuyo ang aking lalamunan. Nilapitan ko siya habang ang tingin ko ay nasa baba lang. Tinulungan ko siyang lumapit sa may couch kung saan ko nilagay ang mga damit niya. Dapat siya na lang din mag-isa ang magbihis e. Hindi siya komportable sa kaniyang nurse kaya wala na ito. Kaya ako na lang mag-isa ang aasikaso sa
Hindi na muna ako bumalik sa aming silid. Nagpalipas ako ng oras sa garden at pumasok lang ako nang masiguro kong tulog na siya. Bawat araw na lumilipas pabigat din nang pabigat ang aking nararamdaman. Sarili ko lang talaga ang pinahihirapan ko dahil sa ginagawa ko. Tama nga si Rachelle, isa talaga akong martir... Nagpapakatanga pagdating sa pag-ibig. But all of this are temporary. Soon, I'll leaving this house. I'll be leaving Ivan. And soon, everything are just part of the past. Alaala na babalikan at tatawanan na lang. Sa ngayon, kailangan ako ni Ivan, kaya mananatili ako para alagaan siya. Ako pa din naman ang asawa niya hangga't hindi ako umaalis at sinasabi na mag-file na siya ng annulment. Tumingala ako at pinagmasdan ang kalangitan. Puno ng bituin sa langit. At ang buwan ay bilog at maliwanag. "Kumusta na kayo diyan sa langit, Mama at papa?" Naalala ko nang mamatay ang lolo ko nang ako ay maliit pa. Ang sabi ni Mama nagpunta daw si Lolo sa buwan. At mula doon ay nakatin
Tanghali na ng magising ako. Wala na din si Ivan sa kama. Mag-uumaga na kasi nang makatulog ako kaya hindi ko na siya naramdaman na bumangon. Naligo muna ako bago ako lumabas ng kuwarto namin. Nakahanda na ang ngiti ko sa aking nga labi, ngunit agad itong nabura dahil sa nakita ko. Nandito si Maureen! Nakaupo silang dalawa ni Ivan sa sofa. Alas-nuebe na pasado kaya nakaalis na ang mga byenan ko. Pumasok na din sa trabaho ang mga kapatid ni Ivan. Sandali ko silang pinagmasdan na dalawa. Nakangiti si Ivan habang si Maureen ay panay naman ang kuwento. At sa tuwing tatawa sila, napapayakap si Maureen sa kaniya. At si Ivan naman ay inaakbayan naman siya. Naramdaman ko na naman ang matinding kirot sa aking dibdib. Akala ko manhid na ako, pero hindi pa din pala. Masakit pa din. Hindi ko alam kung tutuloy ako sa kusina at lalagpasan sila o babalik ako sa silid at hintayin na makaalis si Maureen. Bakit ba pilit pinapaliit ng babaeng ito ang mundo ko? Hindi sa wala akong karapatan. Mayroo
Dire-diretso akong naglakad at kahit sulyap hindi ko ginawa. Dapat mag-aalmusal ako sa garden pero sa inis ko, lumabas ako ng bahay. Naglakad hanggang sa may makita akong taxi—na agad kong pinara. Dala ko ang celphone ko kung saan nakaipit ang aking ATM card. Sinabi ko sa taxi driver na ihinto muna ang taxi sa malapit na ATM machine upang makapag-withdraw ako. Sa simbahan ako dumiretso. Nagdasal ako ng taimtim habang pinipigilan na maiyak, pero kalaunan pinakawalan ko din ang emosyon na kanina ko pa kinikimkim. Mabuti na lang at pa-isa-isa lang ang tao na pumapasok sa simbahan. Hindi nakakahiyang umiyak sa Ama upang kahit paano ay gumaan ang aking pakiramdam. Alas-dose na ng tanghali nang magpasya akong lumabas ng simbahan. Ngunit bago ako umalis, nagtirik muna ako ng kandila para sa mga magulang ko sa gilid. Sa mall ang huling destinasyon ko. Kumain ako at nanood ng sine. Bandang alas-singko nang magpasya ako na umuwi na. Tiyak na wala na si Maureen sa bahay. Habang nasa biyah