Chapter 3: His Excitement to Die

Bago dumating ang araw ng bakasyon nila sa Hawaii ay dumating muna ang araw ng 59th founding anniversary ng kompanya ni Cecelia. May-ari ng maraming hotel at resort ang kanilang pamilya at sikat na sikat ito, hindi lang sa Pilipinas kundi sa ibang bansa. Bilang heiress ay inaatasan siyang dumalo kasama ang asawa. 

Suot ang niregalong gown ng asawa niya ay pumasok sila sa bulwagan ng banquet. Kulay pula ang kanyang damit na medyo hapit sa katawan, pinaresan niya ng gintong stiletto at gintong mga alahas, pulang-pula rin ang kanyang lipstick at nakalugay ang itim at maalon na hanggang balikat na buhok. 

Excited si Maxwell dahil ito ang araw na iaanunsyo ni Mr. Raymundo ang magmamana ng kompanya nito at umaasa siya na sa kanya mapupunta dahil siya ang panganay na manugang. Ngunit lingid sa kaalaman niya ay may pinaplanong masama si Cecelia na ikakagulat niya mamaya.

Binati sila ng lahat nang pumasok sila sa loob. Puro sikat at maimpluwensiyang businessmen ang mga bisita nila. Ito ang mga tipong low-key lang pero milyon-milyon ang kita araw-araw. Kaibigan ito lahat ng ama n’ya.

“I’m happy to see you here, my dear,” bati ng Ginang na sa palagay niya ay tita niya. Naiwan siyang mag-isa sa tabi dahil umalis ang asawa kasama ang ama niya para makipag-usap sa ibang bisita.

Ginagap nito ang kamay niya. “Matagal din tayo hindi nag-uusap. Kamusta na ang mga pinsan ko?”

“Hayun, wala ng oras magka-lovelife dahil subsub palagi sa trabaho.”

Nagtawanan sila at saglit na nagkwentuhan. Mayamaya’y nagtanong ito. “Tama ba ang balita ko na ipapasa ng dad mo ang kompanya sa asawa mo?”

“Tama na ipapasa niya pero hindi ko alam kung kay Maxwell talaga. Auntie, may kilala ka bang mahusay na ophthalmologist?”

“Hindi ako sigurado pero parang meron doon sa US. Sa wakas na isipan mo na rin magpa-opera. Ah, may naalala akong doktor, siya si Ambrose Greyson. Magsabi ka lang, ko-contact-in ko siya agad.”

“Salamat po, Auntie.”

Ilang sandali ay umalis na ito. Kumain muna s’ya ng ilang apperatives nang maramdaman ang pamilyar na presensiya.

“Cece, how’s the baby?” bati ni Valentina.

Malamig niyang sinagot. “Ok naman, bakit?”

“Nasabi mo na ba sa kanya? Ano ang reaksyon ni Maxwell? Siguro masaya siya, ‘di ba?”

“Malamang,” naiinip niyang sagot saka tinalikuran ito.

“Hey, why are you like that? Did I offend you about something?” Pinigilan nito ang kamay niya.

Sobra ba sa offend, ahas ka! “Bitawan mo ko, mood swing lang ito,” rason n’ya. Winaksi niya ang kamay nito saka naglakad  palayo pero sinusundan pa rin siya.

“Nag-aalala lang ako sa’yo, Cece. Kumain ka na ba? Gusto mo kunan kita ng food. Madali kasi magugutom ang mga buntis eh—”

“Ah, ‘wag na! Baka mamaya may lason pa ‘yan,” putol niya. 

“Ba’t naman kita lalasunin? Wala ka na bang tiwala sa akin ngayon? I'm a loyal friend and I’ll do everything for your good, Cece.”

Umigting ang panga niya. “Kung loyal friend talaga kita, pwede layuan mo muna ako? Wala ako sa mood ngayon para makipag-usap sa’yo.”

Bigla itong suminghap at parang naiiyak. “Nandito ako para samahan kita pero ba’t mo ako pinagtatabuyan?”

“H-Hindi kita pinagtatabuyan? Ano bang pinagsasabi—”

“What the hell is happening here?!” Galit na boses ni Maxwell ang pumutol sa pagsasalita niya. Kasama nitong dumating ang kapatid nito. Nag-aalala itong lumapit kay Valentina at inabutan ng panyo.

“Pinagtatabuyan kasi ako ni Cece. Gusto ko lang naman s’ya samahan…” madrama nitong wika.

Sumalpok ang kilay ni Maxwell at may kalamigan sa tono. “Why did you do that? Gusto lang naman niyang alalayan ka! Maraming tao ngayon dito kaya baka mabangga ka nila!”

“Kahit bulag ako, malakas ang sensasyon ko sa paligid. Alam ko kung may taong babangga sa akin saka hindi ko naman siya pinatatabuyan. Sinabi ko na layuan niya muna ako kasi wala ako sa mood,” giit n’ya.

“Huwag kang umasa na ipagtatanggol kita dahil mali ang ginawa mo! Where’s your manners? Nasa publiko tayo at ayusin mo ang pananalita mo!”

Magsasalita sana siya pero dumating ang ama niya. “What’s happening here, Cece?”

“Wala, dad. Talagang mainit lang ang ulo nila sa akin dahil sinabayan nila ang pagiging bad mood ko. Pwede mo ba akong samahan, dad?” rason niya saka inangkla ang kamay sa braso nito.

Matalim na tiningnan ni Mr. Raymundo sina Maxwell at Valentina bago sila umalis.

Makalipas ng ilang sandali ay nakatayo na sa stage ang ama niya at masayang nag-aanunsyo hanggang sa dumapo ang usapan sa pag-tu-turn over nito ng kompanya sa bagong CEO.

“Marami sa inyo ang naging bahagi sa paglago ng aming kompanya. Subalit darating talaga ang panahon na ipapasa ko na ito. Matapos kong pag-isapan ng mahabang panahon ay may tao na akong mabibigyan nito.”

Nagtinginan ang mga board member, shareholders, at empleyado dahil inaasahan nilang kay Maxwell mapupunta ang kompanya. Lumawak ang ngiti nito. Tahimik lang si Cecelia pero bigla siyang umakyat sa stage at inagaw ang mikropono sa ama.

“Ang susunod na Chief Excutive Officer ng ang aking kompanya ay walang iba kundi…ako… si Cecelia De Silva. Ang panganay na anak ni Henry Raymundo,”

Sandaling natulala ang lahat pero mabilis na pumailanglang ang palakpakan ang buong bulwagan. Tila gumuho ang mundo ni Maxwell, nanginig siya sa hiya at galit. Umuusok ang ilong at gusto ng sugurin ang asawa.

“And one more thing — I think it’s only fair to be honest. Maxwell De Silva and I are finalizing our annulment. Why? Because apparently, one woman wasn’t enough for him,” dugtong niya.

Lumakas ang bulungan ng mga tao. Natulala ang mga magulang niya at naging bato si Maxwell sa kinatatayuan nito. Kinindatan pa niya bago bumaba ng stage.

Hinuli siya kaagad at mahigpit na pinisil ang kanyang braso. “What’s this? Y-You? Why are you doing this??!” pabulong nitong sabi pero madiin. “Anong pinagsasabi mong may babae ako kaya gusto mong makipag-annul? Nababaliw ka na ba?”

“Let me go, there’s no need to explain why. Alam mo na ang sagot, ‘di ba?” Sinubukan niyang tulakin ito.