Chapter 6—Help you got a Revenge

Mahinang napatikhim ang Dad niya pero wala na itong pakialam kung ano ang pinanggagawa niya sa buhay. Pero takot siya na baka pagalitan siya ngayon.

Namula si Cecelia. Wala siya maalala sa hitsura ng lalaki pero naalala siya nito kagabi kaya sigurado s'yang ito ang naka-one night stand niya.

"Sumusobra ba ang kagwapuhan ko kaya natutulo na ang laway mo?" biro nito.

She flinched. Sekreto s'yang nainis sa pagiging mayabang nito. Malamang sa iba ay gwapo na ito subalit para sa kanya ay pangkaraniwan lamang ang mukha nito. Common na ito sa pinapanood niyang telenovela. Simula kasi noong nakakakita s'ya ay nakahiligan na niya itong panoorin.

Ang masasabi niya rito ay parang si Leonardo di Caprio ito noong bata pa.

Hinipo n'ya ang gilid ng bibig. Sumimangot s'ya nang malaman na nagbibiro ito.

"You can sit, Miss Raymundo," anito.

Napakurap siya at laglag ang panga na umupo sa bakanteng upuan. Sumunod na umupo ang Dad niya.

"This is my first-born daughter, Cecelia Raymundo," maagap na pakilala ng dad niya, "so, ano ang masasabi niyo sa anak ko, Mr. De Silva?"

Mahinang tumawa si Magnus. "I have known her. Bukod sa nakalampungan ko s'ya kagabi, s'ya rin ang dating asawa ng pamangkin kong si Maxwell. Hindi ko inaasahan na magku-krus ulit ang landas natin."

Kumunot ang noo ni Henry Raymundo, iniisip niya na parang fvck boy ito. Kaya umabot sa 35 anyos na hindi nakapag-asawa dahil malamang for fun lang ang buhay. Parang gusto niyang pagalitan ang anak pero for the sake of their company ay hindi niya gagawin iyon.

"Well hmm, bakit ako ang gusto mong pakasalan?" hirit ni Cece.

"Because you're perfect to be my wife," diretsahan nitong sagot.

Napa-poker face siya. "Ayoko sana sa mas matanda sa akin pero okay, tinatanggap ko ang wedding proposal mo."

Sinamaan siya ng tingin ng Dad niya.

"I'm not really that old. I'm on my mid-thirties. Don't worry, I'll treat you like a child if you're comfortable."

However, he looks like twenties in his age. Epekto ng pinanganak na millennial

Nanlaki ang mga mata niya. Ituturing s'yang bata? Isang bilyonaryong CEO at may-ari ng maraming five star hotels ay magiging pabebe. "Are you really a man I'm going to marry or my future baby-sitter?"

Siniko siya ng Dad. "Pasensiya na ho kayo, sir. Wala lang talaga sa mood ang anak ko."

Pilit na tumawa si Magnus. Na-amused siya sa babae. "No worries. I'll do both."

Parang maiimbyerna si Cecelia. "Ikaw ba talaga ang tanyag na si Magnus Quinn De Silva? Hindi ko alam na sarkastiko ka pala."

"Let's end this meeting. Tutal pumayag na ang anak niyo na pakasalan ako, bukas makalawa na agad ang kasal namin," pang-iiba ng usapan ni Magnus. Biglang nagbago ang aura nito, nawala ang pagiging sarkastiko nito at pinalitan ng pagiging mabagsik. He's like a feiry tiger who is ready to devour someone.

Her father was speechless. Tumango lang ito at mamaya ay balak niyang tanungin kung bakit naisipan siyang ibenta sa taong hindi niya lubusang kilala at gusto siyang idawit ulit sa mundo ng mga De Silva. Yes! Isang beses niya itong nakita sa party noon ng pamilya De Silva pero nunca niyang nakausap. Tanyag ito sa pamilya nito bilang black sheep. Kinamumuhian at kinaiinggitan ng lahat.

Tahimik ito, misteryoso pero sankatutak ang ari-arian. Bukod sa pagiging piloto ay CEO rin ito ng sariling kompanya na Prime Aviation, may hotels din malapit sa airport, may sarili cruiseship, may sariling isla at ibang bagay na hindi niya mapangalanan. Tahimik nga pero nangangalakal palagi ng pera.

"Pwede ko bang hiramin ang fiance ko?" lisensiya ni Magnus sa ama ng babae. Tumayo s'ya at kinuha ang kamay nito.

"Iyong-iyo na ang anak ko, Mr. De Silva. Walang problema," tugon ni Henry na parang nahipnotismo sa angas nito.

Kinabig si Cecelia ng lalaki palapit dito. Kumislot siya nang magdikit ang katawan nila at dumampi ang balat niya sa balat nito. Nasamyo niya ang perfume ng lalaki, pinaghalong cashmere wood at bergamot ang amoy nito. Nanginig siya hanggang tinggil. Mukhang masarap ito. Sayang hindi niya nararamdan na masarap ito kagabi dahil sa kalasingan.

Nalaman niya na lang na nakatayo siya sa harap nito, suot ang pinili nitong eleganteng flowing gown na creame color. Nasa marangya silang luxury brand boutique ng syudad.

Sumalpok ang kilay nito. "Kahit sinong lalaki na makakakita sa'yo ay talagang malilibog. Hindi ko talaga maintindihan kung bakit ka iniwan ng bastardo kong pamangkin."

Parang pangalawang balat niya ang damit sa sobrang hapit sa katawan dahil para makita ng lahat ang perpektong kurba ng katawan niya. Ito na ang resulta ng anim na buwan niyang pag-gi-gym.

"Okay na 'yan." naiinip nitong saad sabay tayo.

"Ano ba talagang gusto mong gawin ngayon araw? Aalahanin mo rin na hindi ako barbie doll at isa akong tao!" daing niya.

Umigting ang panga nito. Malalim muna siyang pinagkatitigan. "We will attend a family gathering and I'll announce to everyone that you're my wife."

May gusto yata itong palabasin at dinamay pa s'ya. Kung totoong family gathering iyon, tiyak magkukrus ulit ang landas nila ni Maxwell—ang bagay na kinatatakutan n'ya o sabihin nating kinayayamot niya.

"I smell something fishy. Sinasadya mo ba ito para gumawa ng gulo sa pamiya mo? Alam ng lahat na nakipaghiwalay ako kay Maxwell tapos ngayon asasawahin mo ko. Isa itong malaking eskandalo!"

"Basta sumunod ka na lang. Ipakita mo sa Ex mo na kaya mo s'yang pantayan at gamitin mo rin ito para maghiganti."

Kinuyom niya ang mga palad. "You are crazy," anas niya.

"Natantya ko na gusto mo ng paghigantihan sila, tama? Kunin mo na ang oportunidad na inaalok ko."

"Fine," aniya saka ito tinalikuran.