CHAPTER ONE

Celeste's POV:

Dali-dali kong pinarada ang sasakyan at pumasok sa isang club kung nasaan ang boyfriend ko. Habang naglalakad ay sinusubukan ko s'yang kontakin dahil simula kaninang umaga ay hindi na s'ya sumasagot sa akin. Nagkaroon kasi kami ng away at halos isang linggo na kaming hindi okay.

"Come on, pick up," mahinang sambit ko na para bang nawawalan na ako ng pag-asa.

Nang makarating ako sa loob ay napahinto ako. Sobrang daming tao, maingay at madilim kaya naman nahihirapan akong makakita. Nang may makabangga sa akin na babae ay nabitawan ko ang phone ko na lumagapak sa sahig.

"Why are you even standing in the middle?" mataray na sambit nito sabay umirap at naglakad papalayo.

Napalunok ako at pilit na pinipigilan ang luha na kanina pa gustong tumulo. Inabot ko ang phone ko at nakitang crack ang screen nito, hindi na rin bumubukas. Napabuntong hininga ako at pagtingala ko ay saktong nakita ko si Jacob na kaibigan ng boyfriend ko. May kasama s'yang isang babae na mahaba ang buhok.

Teka, sino iyon? Sa pagkakaalam ko ay maikli ang buhok ng girlfriend n'ya.

Mabilis akong lumapit sa pwesto nila. Nang huminto ako sa harap nila ay napatingala silang dalawa at bakas ang gulat sa mukha ni Jacob nang makita ako. Pasimple n'ya namang inalis ang pagkakaakbay sa babae.

"Celeste?" Napakunot ang noo n'ya. "Why are you here?" sumunod nitong tanong.

"Nasaan si Henry?" Hindi na ako nagpaligoyligoy pa at diniretso ang sadya ko.

Nakita kong napalunok s'ya sabay nag-iwas ng tingin, "he's not here."

"Liar," mariin kong sambit. "Nakita ko sa posts mo nandito rin si Henry. Why are you covering for him? May tinatago ba kayo sa akin?"

"Babe? What's happening?" naguguluhan na tanong ng babaeng kasama n'ya.

"It's nothing," sagot ni Jacob sa babae sabay tumayo. "Let's talk somewhere else-" nang hawakan n'ya ako sa braso ay malakas kong tinabig ang kamay n'ya.

"Why not here?" tanong ko habang nakatingin ng deretso sa mga mata n'ya. "Ayaw mo bang marinig ng babae mo yung pag-uusapan natin?"

"Celeste, please.." Napapikit s'ya at huminga nang malalim.

"You won't tell me? Fine! Then I'll find him here. And you.." lumingon ako sa babae, "this man? May girlfriend na 'to. If I were you, lalayuan ko mga katulad n'yang babaero at basura!"

And just like that, I left the two. Dahil mukhang wala si Henry rito sa first floor, papunta ako ngayon sa second floor. Dali-dali akong umakyat at tinignan ang mga table na nadadaanan. Nang marating ko ang huling table na natatakpan ng malaking halaman ay natigilan ako.

Pamilyar ang katawan ng lalaki pati na rin ang suot nitong damit. Nakatalikod ito kaya naman hindi ko makita ang mukha. Lumapit pa ako nang kaonti para masigurado kung sino ito pero para bang tumigil ang mundo ko nang makitang may kasama itong babae sa table at hindi lang sila basta magkasama.. they're kissing.

"Henry?" mahinang tawag ko kay Henry kasabay nang pagtulo ng aking luha.

Natigilan silang dalawa at nang lumingon s'ya sa akin ay dito ko nakumpira na si Henry nga ito.

"Celeste.." Namilog ang mga mata n'ya nang makita ako.

Nang tumayo s'ya ay napaatras ako. "No.. huwag kang lumapit!" sigaw ko habang umiiling. "We're done."

Mabilis akong tumakbo papalabas ng club. He tried to chase after me pero masyadong madaming tao sa loob, he got stuck inside. Nang marating ko ang parking area ay dali-dali kong hinanap ang susi ko pero wala ito sa mga gamit ko. Napasandal na lang ako at napahawak sa naninikip kong dibdib.

~

Naglalakad ako ngayon sa kalsada habang bitbit ang wine na binili ko sa convenience store. Dapat ay nasa apartment na ako pero pinahinto ko ang taxi ko kanina sa kadahilanang ayoko pa umuwi. Tinungga ko ang wine at napangiwi nang malasahan ang pait nito sa dulo ng dila ko.

"Argh, bakit ito yung nabili ko?" nagsisisi kong tanong sa sarili.

I was really really hurt by what Henry did. Maganda naman ako? Matangkad, sexy at may stable job. Ano pa bang kulang sa akin para ipagpalit sa babaeng 'yon? For sure walang binatbat yun sa 'kin!

Napasinghot ako at tumungga pa uli. Nang makitang mauubos ko na pala ito ay natigilan ako. "Ehh? Ang bilis naman maubos. Ni hindi pa nga ako lasing!"' nagmamaktol kong sambit at maglalakad na sana nang may marinig akong ingay sa isang eskinita.

Napakunot ang noo ko at dali-dali na lumapit doon. Pagkasilip ko ay may nakita akong tatlong lalaking nakasuot ng itim at isang lalaki naman sa sahig na mukhang hindi na kayang lumaban. Paulit-ulit nilang sinisipa ang walang laban na lalaki. Napalunok ako at napatingin sa bote na hawak ko.

Tama ba 'tong gagawin ko?

Hindi ko alam kung saan ako humugot ng lakas para sumugod sa kanila. Bago pa nila ako makita ay binato ko ang bote sa ulo ng isang nakaitim, napasigaw iyon at napahawak sa ulo na nagdudugo.

"Sht, so-sorry!" Hindi ko alam kung ano ang sasabihin sa kan'ya dahil napalakas ang pagbato ko.

"Sino ka?!" Tanong ng dalawa at pinalibutan ako.

"Bakit ko sasabihin pangalan ko sa inyyo?!" Hindi ko alam kung may tama naba ako dahil sa alak o kung ako ang matatamaan dahil sa inaakto ko.

"Hindi ka dapat nagingialam!" Sabay na sumugod ang dalawa sa akin. Bago pa sila makarating sa akin ay mabilis kong kinuha ang takip ng trash bin sa tabi ko at pinangharang ito sa isang lalaki habang ang isa naman na nasa kanan ko ay iniilagan ko ang mga atake nito.

"Hindi mo kilala ang binabangga mo!" Galit na giit nila sa akin.

Nang makakuha ako ng timing ay mabilis kong sinipa sa tuhod ang lalaki sa kanan ko pero para bang hindi ito natinag kaya naman sinipa ko s'ya muli pero sa pagkakataon na ito ay sa private part n’ya. Malakas s’yang napadaing dahil sa sakit sabay natumba. Ngayon ay tinuon ko ang atensyon ko sa natitirang kalaban, nag-ipon ako nang malakas na pwersa sabay tinulak ang pangsangga ko. Nang mapaatras s’ya ay mabilis ko s'yang sinuntok sa mukha dahilan para tumingin ito ng masama sa akin bago mawalan ng malay.

Mabilis kong kinuha ang phone sabay tinaas ito, "Tatawag ako ng pulis!" banta ko sa kanila kaya naman dali-dali nilang binitbit ang kasamahan at tumakbo papalayo.

"Sir!" Lumapit ako sa lalaking walang malay para tignan ang lagay nito. "Okay lang po ba kayo?" tanong ko rito sabay inihiga sa binti ko.

Natatakpan ng mahaba n'yang buhok ang mukha kaya naman marahan kong ginilid ang ilang hibla nito. Nakita ko ang mga pasa n'ya sa pisngi at putok ang kaliwang labi. "Don't call the cops.." mahinang sambit nito habang marahan na dinilat ang itim na mga mata.

"Pero-"

“I said don’t call the cops..” mariin na ulit nito sabay napangiwi, marahil ay dahil sa sugat sa kan’yang labi. “And don’t bring me to the hospital..”

“Marami kang sugat, hindi puwedeng hindi ka dalhin sa hospital-”

Hindi ko natapos ang sasabihin nang makitang matalim ang tingin n’ya sa’kin, “listen to me.” Napakunot ang noo ko nang makitang pilitin n’yang umupo mag-isa sabay hinawakan ako sa pulsuhan dahilan para matigilan ako. “You..” Nilapit n’ya nang kaonti ang mukha sa akin kaya napalunok ako. “Your life is in danger because of what you’ve done.”

At kasabay nito ay bigla na lang natumba ng ulo n’ya sa balikat ko.