CHAPTER 15 - Her Dead End/His Starting Point

"Ay! Palakang bato!" Sigaw ni marigold nang gulatin ito ni carla.

Tawa nang tawa si carla.

Nang mahimasmasan na ay iniabot niya ang isang files kay marigold.

"Ano ba'ng nangyayari sa 'yo? Kanina pa kita tinatawag e. Bakit ka ba natutulala d'yan?"

"Um..." Napakamot na lang ng ulo si marigold.

Hindi mapigilang mag-isip at mag-alala ni marigold tungkol sa sinabi sa kaniya ni Vivian kahapon sa elevator.

Nag-aalala siya'ng baka maging banta na naman ito sa pananatili n'ya sa kumpanya.

Napabuntong-hininga na lang si marigold. Minsan ay naiisip niyang maghanap na lang ng ibang kumpanyang mapapasukan para makaiwas sa mga katulad ni Vivian.

Isa pa, pakiramdam niya'y anumang oras na makagawa s'ya ng pagkakamali ay baka sisantehin na s'ya nang tuluyan ng Ceo katulad ng banta nito sa kanya.

"O bakit napabuntong-hininga ka d'yan? Parang ang laki ng problema mo a?"

"W-wala.... Kulang lang siguro ako sa tulog."

Nang araw ring iyon ay may bago na namang pinagkakaguluhang chismis sa C.A.

Meron na la