Kabanata 6

Biglang nabitiwan ni Joelyn ang photo album. Gulat na gulat siya sa nakitang dugo na pumatak mula sa kanyang mga mata kaya hindi niya maiwasang manginig sa sobrang takot.

"Bakit may dugo?" Kabado niyang tanong habang mabilis na pinahid ng kanyang mga palad ang mga mata niya. Tiningnan niya ang mga kamay ngunit wala naman siyang nakitang dugo mula dito. Ilang sandali pa'y kinakabahan niyang nilapitan muli ang photo album at sa isang iglap ay nakumpirma niya na hindi na nga niya nakikita ang dugo mula dito. Napabuntunghininga na naman si Joelyn at nagdisisyong tuluyan na ngang pulutin ang photo album.

"Ate!"

Napabalikwas siya nang marinig ang biglang pagtawag ng kapatid niya sa kanya.

"Marco. Nanggugulat ka naman!" Naiinis niyang sabi habang hinihimas ang kanyang dibdib.

"O? Napaano ka po? Bakit mukhang namumutla ka? Parang nakakita ka ng multo ate ah," patawa tawa pang sabi nito. "Masyado ka namang matatakutin."

"Wala, parang tang