Chapter 15

NAKATULOG na lang si Samara ay hindi pa nakabalik si Midnight. Kumain na rin sila. Magla-lock na sana ng gate si Liza nang may humintong itim na kotse, kotse ni Midnight. Kaagad itong tumalilis ng sasakyan at nilapitan siya.

“Liza, wait!” pigil nito.

“Umuwi ka na lang. Tulog na si Samara,” maangil niyang sabi.

“Wait, I’m sorry. I got a call from Mica, and she told me that Lola Lucy was in the hospital,” he explained.

Medyo kumalma ang hinampo niya. “Sana sinabi mo para hindi na ako naghintay at umasa,” aniya sa malamig na tinig.

“I didn’t mean it. I can’t ignore Lola Lucy.”

“Sige na. Umuwi ka na.”

“Liza, let me in, please,” samo nito.

“Tulog na si Samara. Mag-set ka ng lang ng ibang araw para sa proposal mo, iyong walang aberya.”

“I want to make it tomorrow when Samara wakes up.”

Napangiwi siya. “Bukas? Ibig mo bang sabihin ay dito ka matutulog?” manghang untag niya.

“Yes.”

Bumuga siya ng hangin. Pinagbuksan na lamang niya ng gate si Midnight upang maipasok nito ang kotse.

“Kumain ka