Chapter 44

“Papasok ka na talaga bukas?” tanong ko kay Sandro habang nililinis ko ang kaniyang sugat.

“I think I really have to. Marami nang naipong trabaho roon sa opisina ko. Felix told me that I have to attend the meeting for tomorrow para sa isang event na isasagawa rito sa unang distrito ng Ilocos.”

“Felix?” I asked in curiosity.

“Felix is my secretary.” he clarified.

My mouth formed an “o” in amazement. Bihira kasi magkaroon ng mga lalaking secretary sa panahon ngayon. Lalo na ang mga pulitiko, karamihan sa mga kakilala ko ay puro babae ang sekretarya. Pero kung sabagay, kahit si Attorney De Silva, mas gusto ring lalaki ang kaniyang sekretarya.

“You seemed amazed.”

Tumango naman ako.

“I am. Ang akala ko ay babae ang secretary mo.”

Pagkatapos kong lagyan nang panibagong gauze ang sugat niya ay ibinaba ko na ang kaniyang suot na t-shirt.