Chapter 7: Workmates Gossip

Arra Point of View

Kinabukasan....

"Arra?" Nakarinig ako ng katok sa aking pintuan pero hindi ko magawang bumangon dahil sa sobrang sakit ng ulo.

"Kasalanan mo yan Arra inom ka ng inom hindi ka naman sanay!" Pagalit ko sa sarili ko at nagtalukbong ng kumot bago nagpagulong gulong sa kama.

Pero yung kumakatok ay kagaya ni Sam na sobrang kulit sinamahan pa ng sigaw na talaga namang nakakarindi.

"ARRA ABA'Y ANONG ORAS NA MAY PASOK KA PA!" sigaw ni nanay

Nang marinig ang salitang pasok ay kaagad akong napabalikwas sa higaan. Dali-daling kinuha ko ang tuwalya at pumasok sa banyo ng kwarto ko.

Siguro ay nagtataka kayo kung bakit may banyo sa kwarto ko, well hindi naman kami sobrang hirap at hindi rin naman sobrang yaman masasabi ko lang na makakaluwag luwag kami.

Trenta minutos ko lang tinapos ang paliligo ko at ng makapagbihis ako ay kaagad na akong pumunta sa kusina para mag-agahan.

Sa kusina ay naabutan ko si nanay na handa na akong sermonan pero inunahan ko na ito.

"Arra tanghali ka ng