CHAPTER 13

Naramdaman niya ang paggalaw ni Irish sa tabi niya kaya naputol ang pagbabalik-tanaw niya sa nakaraan. Hanggang sa ang ulo ni Irish ay tuluyang pumatong sa kaniyang balikat. Narinig niya pa rin ang mahina nitong paghilik. Inalapit na lang niya ang kaniyang balikat para maging komportable ang First daughter sa malamang pinakamahaba at pinakamahirap nitong biyahe. Naiintidihan niya ang anak ng Presidente kung bakit ganoon na lang ito mahirap pakitunguhan. Siya ay sanay sa ganitong hirap, batid kasi niyang hindi lang nag-iinarte si Irish. Lahat ng ito bago lang sa kaniya kaya siya na sanay ang dapat umintindi sa baguhan. Siya ang aalalay. Ngunit hindi siya dapat maawa, kailangan niyang gawin ito para lumawak ang kaisipan at pang-unawa ng anak ng Presidente sa buhay ng masa. Hanggang sa tuluyan na rin siyang nakatulog sa pagod. Pinagbigyan na rin niya ang pagbigat ng talukap ng kaniyang mga mata.

Nang magising siya ay magkadikit ang ulo nila ni Irish. Mabilis siyang umayos ng upo at saka