Chapter 39

Walang emosyon na pinapanood ni Eiress ang nagaganap na laban mula sa veranda ng ikalawang palapag ng building. Ang kaninang bulwagan ay biglang naging fighting ground. Walang harang sa pagitan ng mga naglalaban. Nakatayo si Lord Scion na tila hindi napapagod sa ilang laban na nagdaan.

Totoo ang sinabi ni Aris. Isa itong bloody night. Ilang beses na niyang nasaksihan ang pagkamatay ng mga kalaban ni Lord Scion pero balewala lang iyon sa lahat at tinatanggal sa gitna. Parang normal na iyon sa mga tao roon.

"Another challengers from Jung Family!" muling anunsyo ng lalaking nagsisilbing referee.

Walang ideya si Eiress kung ilang pamilya ang gustong kumuha sa pwesto ng Wilt family. Ngunit sigurado siya na lahat ng pamilya ay kaaway ni Lord Scion ngayon.

Pumasok ang limang lalaki sa fighting ground. May hawak na espada ang mga ito. Sabay-sabay na sumugod ang lima patungo kay Lord Scion. Nanatiling nakatayo si Lord Scion. Ngunit nagulat ang lahat ng balewala nitong depensahan ang sarili sa