Chapter 15: Ang tunay na kaibigan

"BATA pa umano si Rita nang maganap ang aksidente kasama ang mga magulang nito. Lumubog ang cruise ship na sinasakyan ng mga ito at hindi pinalad na mabuhay ang mga magulang nito. Si Rita ay nakaligtas at napadpad sa isang liblib na isla kasama umano ang batang nakilala sa pangalang Nica."

Pagpapatuloy na kuwento ni Kanor sa dalaga. May sasabihin pa sana siya pero naudlot nang mapansin ang reaction sa mukha nito.

"ANO ang problema?" nag-aalalang tanong niya kay Nicole.

"Hindi maari," umiiling na bulong ni Nicole na umabot pa rin sa pandinig ng ginoo.

"Bakit?" nagtatakang tanong niya muli sa dalaga. Mukhang bigla nitong nakalimutan na naroon siya sa harap nito.

"Paano niya nagawa ang lahat ng ito sa akin at paano niya nahanap si Tata?" muling kausap ni Nica sa sarili. Muling nanariwa sa kaniyang isipan ang nakaraan noong bata pa siya.

"Tawagin mo na lang akong Nica." Pakilala ni Nicole sa kasamang bata na nakasama niya kanina pa pagpalutang-lutang sa dagat. Nakaugalian na niyang ganoon