CHAPTER 4: Impossible

"What do you mean I'm married?!"

Halos mapatalon ang lahat ng tao sa PSA office sa lakas ng sigaw ko.

Napatingin sa amin ang mga nasa pila. May napahinto sa pagsusulat ng forms, may napalingon mula sa kabilang counter, at may ilang mukhang biglang nagkaroon ng bagong libangan para sa araw na iyon.

Pero sa totoo lang, wala akong pakialam.

Dahil imposible ang sinasabi nila.

"Ma'am," mahinahong sagot ng babae sa counter, "according to our records, you have been married for three years."

Pakiramdam ko ay may bumagsak na malaking bato sa ulo ko.

"Three years?!"

Napaatras ako ng isang hakbang.

Hindi ko alam kung matatawa ako o magwawala.

Tatlong taon na akong kasal?

Paano mangyayari iyon kung wala naman akong maalalang wedding?

Wala akong maalalang proposal.

Wala akong maalalang boyfriend.

Hindi ko alam kung saan ginanap ang kasal at sino ang mga pumunta sa kasal?

Hindi ko man lang nakita yung sarili ko, sa ayos na gusto ko.

At higit sa lahat, wala akong maalalang asawa.

"Miss, baka may mali lang sa system ninyo," sabi ko habang pilit na pinapakalma ang sarili. "Baka may kapangalan lang ako."

"O baka may gumamit ng identity ko?" dagdag ko.

Umiling ang babae.

"Tama po ang lahat ng impormasyon sa record."

Lalong sumakit ang ulo ko.

"Pero wala nga akong boyfriend!"

Hindi ko na napigilan ang frustration sa boses ko.

"At lalong wala akong asawa!"

Lumapit si Grace sa tabi ko.

Halata sa mukha niya ang pag-aalala.

"Girl, anong nangyayari?"

Agad ko siyang nilingon.

"Sinasabi nilang kasal daw ako!"

"Ano?"

"Exactly!"

Nagkatinginan kami.

Pareho kaming mukhang naloloka.

"Ma'am," muling sabi ng babae, "hindi po kami nagbibiro."

Napahawak ako sa noo.

Pakiramdam ko ay may hidden camera sa paligid at anumang oras ay may lalabas na host para sabihing prank lang ang lahat.

Pero mukhang seryoso silang lahat.

At iyon ang mas nakakatakot.

Biglang sumingit si Grace.

"Wait lang po. Kumpirmado ba talaga? baka po may error sa system niyo"

Tumango ang babae.

"Yes, ma'am."

Napatingin sa akin si Grace.

"Kasal ka na pala? Hindi mo man lang ako kinuhang Maid of honor"

Tinignan ko siya nang masama.

"Alam mo namang imposible iyon."

"Actually, oo."

Tumango pa siya.

Pagkatapos ay humarap sa babae.

"Kasi itong best friend ko, matagal nang walang boyfriend."

"GRACE."

"At wala ring sexy life."

"GRACE."

"At lalong wala ring—"

Mabilis ko siyang binatukan.

Napahawak siya sa ulo.

"Ano? Totoo naman!"

Napailing na lang ang staff.

Mukhang gusto na niyang matapos ang eksenang ginagawa namin.

Paulit-ulit pa ring umiikot sa isip ko ang mga salitang sinabi niya.

Already married.

Hindi iyon dapat posible.

Masyado akong busy sa negosyo ko para magkaroon ng lihim na asawa.

Minsan nga nakakalimutan kong kumain dahil sa trabaho.

Tapos sasabihin nilang may asawa ako?

Hindi ko na talaga alam kung matatawa ako o maiinis.

"Alam mo, Grace," sabi ko habang tumatalikod, "tara na."

"Ano?"

"Umuwi na tayo."

Nagsimula na akong maglakad palabas.

Pakiramdam ko ay pinapanood ako ng buong PSA office.

Mas gusto ko na lang asikasuhin ang kasal ng ex ko.

At sa totoo lang, gusto ko na lang umuwi at matulog.

Baka paggising ko, normal na ulit ang buhay ko.

Pero bago pa ako makalayo, hinila ako ni Grace sa braso.

"Sandali."

"Ano na naman?"

Humarap siya sa akin.

Seryoso na ang mukha niya ngayon.

"Never nagkamali ang PSA."

Napakurap ako.

"Hindi ka nakakatulong."

"Ang sinasabi ko, baka kailangan nating alamin kung bakit lumabas iyon."

Napabuntong-hininga ako.

Ayokong aminin pero may punto siya.

Dahil kahit gaano pa ito ka-imposible, may record pa rin na lumalabas sa system.

At hindi iyon basta mawawala.

"Malay mo," sabi niya.

"Ano na naman?"

"Malay mo gwapo."

Napairap ako.

"Grace."

"Malay mo mayaman."

"Grace."

"Malay mo CEO."

"GRACE ANN!"

Tumawa siya nang malakas.

"Edi wow. Biglang may secret husband kang billionaire."

Tinampal ko ang braso niya.

"Nababaliw ka na."

"Ako pa?"

Tinuro niya ako.

"Ikaw itong may misteryosong asawa."

Napahawak ako sa noo.

Sa loob lamang ng isang linggo, bumalik ang ex ko sa buhay ko, naging wedding planner ako ng kasal niya, at ngayon ay nalaman kong may asawa raw ako.

Mukhang ginagawang reality show ng tadhana ang buhay ko.

"Fine."

Biglang lumiwanag ang mukha ni Grace.

"That's my girl."

"Babalik tayo doon," sabi ko. "Pero kapag kalokohan ito, ikaw ang manlilibre ng samgyup."

"Deal."

Muli kaming lumapit sa counter.

Sa puntong iyon, pakiramdam ko kilala na kami ng lahat ng empleyado sa PSA.

"Ma'am," magalang na sabi ni Grace, "pwede po ba naming malaman kung sino ang nakalagay na spouse niya?"

Tahimik na tumango ang babae.

May pinindot siya sa computer bago kumuha ng ilang dokumento.

Narinig namin ang tunog ng printer.

At sa hindi ko maipaliwanag na dahilan, lalo akong kinabahan.

Hindi ko alam kung ano ang aasahan ko.

Baka may clerical error.

Baka may identity theft.

Baka kung ano mang problema sa system.

Pero sigurado akong may paliwanag.

Kailangan may paliwanag.

Ilang segundo pa ang lumipas bago kinuha ng babae ang lumabas na papel.

Napansin kong bahagya siyang natigilan habang binabasa iyon.

Pagkatapos ay tumingin siya sa akin.

At muling tumingin sa dokumento.

Napakunot-noo ako.

"Bakit po?"

Wala siyang agad na sagot.

Sa wakas ay iniabot niya sa akin ang papel.

Nanginginig ang kamay ko habang tinatanggap iyon.

Napatingin si Grace sa balikat ko para makiusyoso.

"Ano'ng pangalan?" tanong niya.

Hindi ako agad nakasagot.

Dahil sa sandaling mabasa ko ang nakasulat sa dokumento, para akong natulala.

Hindi iyon pamilyar na pangalan.

Hindi rin ordinaryong pangalan.

At lalong hindi pangalan ng kung sinong random na tao.

Napasinghap si Grace.

"Wait..."

Muli kong binasa ang pangalan para siguraduhing hindi ako nagkakamali.

Pero ganoon pa rin ang nakasulat.

Lucien Monteverde.

Nanlaki ang mga mata ko.

Kahit ang empleyado sa harap namin ay tila nagulat pa rin sa record na hawak niya.

Dahil ang pangalang iyon ay hindi basta-bastang pangalan.

Lucien Monteverde.

Isa sa mga pinakakilalang pangalan sa bansa.

Isang lalaking madalas makita sa business magazines.

Isang lalaking halos imposibleng hindi makilala.

At ayon sa marriage record na hawak ko ngayon...

Siya ang asawa ko.