ANG totoo, hindi nagbalik si Valentina sa kaniyang silid upang magpahinga at hindi rin totoo na pagod siya dahil inasikaso niya ang cremation ni Monica. May mga tao siyang inutusan upang gawin ang bagay na iyon. Kinailangan niya na magpunta na sa kaniyang silid dahil napapagod na siyang umarte at magpanggap na nagluluksa sa pagkamatay ng kaniyang anak.
Kung pwede nga lang sana na huwag na niya iyong gawin ngunit hindi maaari. Magtataka ang mga tao kapag hindi siya nakitang umiiyak at kailangan niya rin ang exposure na iyon para sa nalalapit na pagiging governor niya ng Plaridel.
Dapat isang mabuting ina ang maging tingin ng lahat sa kaniya upang sa mga susunod pang eleksiyon ay kuhang-kuha niya pa rin ang puso at boto ng nakakarami. Ang dapat niyang isipin ay ang long term na mapapakinabangan niya. Kailangan niya na magkaroon ng mataas na posisyon sa pulitika upang mabigyan niya ng mas malakas na proteksiyon ang kani
MARAHANG bumukas ang mga mata ni Valentina nang bumalik na sa kasalukuyan ang kaniyang diwa. Pinakiramdaman niya ang sarili kung may pinagsisisihan ba siya sa kaniyang ginawa. Wala. Walang-wala. Para sa kaniya ay ginawa lamang ng isang ina ang dapat nitong gawin upang maprotektahan ang kaniyang anak. Lalo na’t nag-iisa niyang anak si Monica.Oo, kulang siya sa oras dito at aminado siyang hindi siya naging isang ina rito. Ngunit sa pagkakataon na ito ay naisip niya na ito na ang chance niya upang makabawi sa lahat ng pagkukulang niya kay Monica.Tinapos na ni Valentina ang pagbabad niya sa bathtub. Nagbanlaw na siya at nagsuot ng bath robe bago lumabas ng bathroom. Humarap siya sa malaking vanity mirror at matiim na tiningnan ang sarili sa salamin.Napatulala na lang siya habang nagpatuloy sa utak niya ang mga kadugtong ng mga pangyayari kung paano nila nailigtas ni Rico si Monica…
TALAGANG pinagkaguluhan ng mga reporter ang pagdating ni Valentina ngunit nakiusap ito sa mga reporter na huwag muna siyang guluhin at ang kasama nitong lalaki na hindi alam ni Martha kung driver o bodyguard ba nito iyon. Naintindihan naman ng mga reporter si Valentina at hindi na nangulit ang mga ito na interviewhin ang susunod na governor ng kanilang bayan.Ngunit patuloy pa rin ang mga camera sa pag-video at picture kay Valentina na simula nang dumating ay hindi na naalis ang malaking ngiti. Si Martha na tuloy ang nangangalay para rito.“Kayo talaga… Hindi ko na nga ipinaalam kahit kanino itong lakad kong `to pero nalaman niyo pa rin. Ang galing-galing niyo talaga!” Nagbibirong sabi ni Valentina sa mga reporter.Ano kayang ginagawa ng babaeng ito rito? Tanong ni Martha sa sarili.Ang totoo ay hindi niya gusto si Valentina dahil mas gusto niyang manalo bilang governor ang d
MAG-ISANG naglalakad si Valentina sa gitna ng sementeryo ng gabing iyon. Malamig ang hangin na yumayakap sa kaniya at nanunuot ang lamig sa kalamnan niya dahil manipis na pulang pantulog lamang ang kaniyang suot. Wala siyang sapin sa paa kaya alam niyang basa ang bermuda grass na nilalakaran niya. Hindi niya alam kung umulan ba roon kanina o dahil iyon sa hamog.Wala siyang ideya kung bakit siya naroon sa lugar na iyon at kung paano siya napunta roon. Patuloy lang si Valentina sa paglalakad hanggang sa may napansin siya sa hindi kalayuan na isang hukay.Nagkaroon siya ng kagustuhang malaman kung anong meron doon kaya tinungo niya ang hukay at nagulantang siya nang makita sa hukay si Martha at naghuhukay gamit ang mga kamay! Halos maligo na ito sa lupa at putik. Ang mas nakakagulat pa ay nang may hinila itong kamay at mula sa ilalim ng lupa ay hinugot nito ang bangkay ni Milagros na naaagnas na.
MAKALIPAS ang tatlong taon at ilang buwan…“Martin! Sandali! Makakalimutan mo na naman `tong baon mo!”Palabas na sana si Martin ng bahay nang marinig niya ang pagsigaw ng kaniyang nanay. Paglingon niya ay papalapit ito sa kaniya na dala ang lagayan ng baon niya sa trabaho. Agad niya iyong kinuha rito at nagpatuloy na sa pag-alis matapos na muling magpaalam sa kaniyang ina.Sa loob ng tatlong taon ay marami na rin ang nangyari ngunit ang puso at isip niya ay hindi pa rin tumitigil sa pag-asam na mahahanap pa rin nila si Milagros. Bagaman at tila huminto at sumuko na ang kapulisan sa paghahanap sa kaniyang asawa ay hindi pa rin siya tumitigil sa pag-asam na isang araw ay bigla na lang bubulaga si Milagros sa bahay nila. Hangga’t nararamdaman ng puso niya na buhay pa si Milagros ay hindi mapapatay ang pag-asa na meron siya.Sa loob ng tatlong taon ay wala
NAGTAASAN ang balahibo ni Valentina sa sobrang kilabot na naramdaman niya nang makita niya na kuhang-kuha ni Monica ang mukha ni Milagros. Maging ang kulay ng balat nito ay kagayang-kagaya sa babaeng iyon. Hindi tuloy nakakapagsisisi na naglabas siya ng ilang milyong piso para lamang makuha niya ang ganoong resulta.Sa labis na pagkamangha ay hindi niya napigilan ang sarili na lumapit sa anak at hawakan ang mukha nito. “Walang mag-aakala na hindi ikaw si Milagros!” bulalas niya.“Kamukha ko na ba talaga si Milagros, mama?” tanong ni Monica.Tumango siya habang nakanganga. “O-oo! Ikaw na ikaw siya!” Dumako ang tingin niya kay Dr. Perez. “Great job, Dr. Perez! Pinahanga mo ako at ng team na kinuha mo para magaya ang mukha ni Milagros. Dahil diyan ay bibigyan ko kayo ng malaking bonus!”“My pleasure, madam! Hayaan mo at makakarating ang mga sinabi mo sa
“MILAGROS!”Umiiyak na sigaw ni Martha nang mapagtanto niya na si Milagros nga talaga ang babaeng papalapit sa kaniya. Hindi na siya makapaghintay na makalapit ito sa kaniya kaya tumakbo na siya papunta rito at sinalubong ito ng isang mahigpit na yakap na puno ng pagkasabik. Nang mayakap niya ito at gumanti ito ng yakap ay doon niya nasabi na hindi siya nananaginip o hindi iyon isang imahinasyon.Totoo. Totoong-totoo na si Milagros nga ang babaeng iyon.Pakiramdam niya ay nananaginip siya ng sandaling iyon at anumang oras ay magigising siya. Kumalas si Martha sa pagkakayakap sa anak at pinagmasdan ito sa mukha habang hawak pa rin niya ang dalawa nitong kamay. “Diyos ko! Ikaw nga! Anak! Salamat sa Diyos at umuwi ka na!” Walang tigil ang pag-agos ng luha niya.“N-nanay Martha?” Parang hindi pa sigurado si Milagros nang tawagin siya. Hindi niya rin nakikita sa mata nito
MABILIS na kumalat na parang tsismis ang muling pagbabalik ni Milagros sa bayan ng Plaridel. May ilang tao pa nga ang personal na nagpunta sa bahay nito upang malaman kung totoo nga ang balita. Ilang araw na mukha ni Milagros ang laman ng telebisyo dahil halos lahat ng TV network ay nais itong ma-interview sa kung ano ba talaga ang nangyari at dahilan kung bakit mahigit tatlong taon itong hindi nagpakita.Nalaman ng lahat ng naaksidente at na-comatose si Milagros at nakabalik lang ito sa pamilya nito nang magising na ito. Maging ang taong nakabangga kay Milagros ay lumitaw at nagpa-interwiew rin upang patunayan ang mga sinabi ni Milagros.Isa sa hindi malilimutang pahayag ni Milagros ay nang sabihin nito na sa kabila ng pagkidnap ni Monica sa kaniya ay naging maganda pa rin ang pagtrato nito sa kaniya at hindi siya nito sinaktan. Sa katunayan pa nga ay pinakawalan siya nito upang makabalik sa kaniyang pamilya at asaw
PANGALAWANG beses nang nakatanggap si Monica ng halik mula kay Martin para sa araw na iyon at nahulaan niya na parang papunta sa ibang bagay ang pangalawang halik na iyon. Mas mapusok at mas maharot. Maging ang dila ng lalaki ay ginagamit na rin nito upang hagurin ang kaniyang labi at tinutudyo nito ang dila niya na para bang nais nitong makipag-iskrimahan.Maya maya pa ay naramdaman niya ang masuyong paghaplos ng kamay ni Martin sa likod niya at bumaba iyon sa puwitan niya. Kinabig siya nito upang magdikit ang kanilang mga katawan. Mainit ang katawan ni Martin na para bang anumang sandali ay magliliyab na ito.Monica, tumigil ka. Pigilan mo siya! Wala ito sa plano mo na magpapa-angkin ka sa asawa ni Milagros! Tili ng utak niya.Ngunit sadyang nakakadala ang halik at maging ang haplos ni Martin kaya kahit pinaalalahanan na niya ang sarili ay mas gusto pa niyang namnamin ang ginagawa ng lalaki sa kaniy