Chapter Twelve: Complaint

ALIYAH

Alas kuwatro ng umaga nang maalimpungatan ako mula sa aking pagtulog. Dama na dama ko ang ginaw gawa ng malakas na buga ng aircon sa buong lugar. Madilim ang buong silid, gayunpaman ay unti-unting nagliwanag nang masanay ang mata ko sa kadilimang bumabalot dito. Ramdam na ramdam ko ang matinding sakit na gumuguhit sa buo kong katawan, lalo na sa aking ulo. Para itong binibiyak habang pilit ko inaalala kung bakit ako ngayon nakahubad katabi ang natutulog na si Sir Dominic.

Wala pa namang kasagutan ay ramdam ko na lamang ang pagtulo ng mga luha ko. Mahigpit ang kapit ko sa kumot nang sinubukan ko nang bumangon sa pagkahiga ko, para akong hinihiwa bawat galaw na ginagawa ko. Wala man naalala sa lahat ng nangyari ay alam kong may nangyari sa aming dalawa. Hindi ko alam kung papaanong nangyaring bumigay ako sa kaniya— wala naman akong gusto sa kaniya para hayaan siyang angkinin ang buo kong katawan.

Labis na kalungkutan at pagkadismaya sa aking sarili ang tangi kong nararamdaman nga