Kabanata 7

Hindi sigurado si Cyan kung ilang minuto na siyang nakatulala habang nakaupo sa kama. Nang umalis si Zach ay wala siyang ginawa kundi ang umiyak. Pakiramdam niya mamatay siya sa kalungkutan na bumabalot sa puso niya.

Nang kumalma siya, dahan-dahan siyang lumabas ng silid at nagpunta sa kusina para uminom ng tubig. Tahimik na ang buong mansion. At mukhang walang balak na umuwi si Zach ngayong gabi pagkatapos nitong umalis. Siguro ay pupuntahan na naman nito si Laureen.

Matapos makainom ng tubig ay babalik na sana siya sa kanyang silid subalit nakasalubong niya si Zendaya sa may salas. Nakasuot na ito ng damit pantulog habang yakap-yakap ang teddy bear na bigay ni Laureen.

"I heard you and Dad argue a while ago," panimula nito.

Hindi naman siya nagsalita. Wala siyang balak na sumbatan ang bata sa ginawa nitong pagsisinungaling. Sigurado siyang si Laureen naman ang may pakana ng lahat. Alam niyang matalino si Zach pero hindi niya maintindihan kung bakit hindi nito makita kung gaano kasama ang babaeng kinababaliwan nito ngayon.

"I'm tired, Zendaya. Magpapahinga na ako. Matulog ka na rin" walang gana niyang sambit.

Tinaasan naman siya nito ng kilay. "If you're tired, why don't you just annul your marriage with Daddy. Wala namang may gusto sayo dito. Bakit mo ba ipinagsisisiksikan ang sarili mo dito? Are you really that dumb?"

Mariin siyang napapikit para pakalmahin ang sarili niya. "Hindi mo naiintindihan ang rason kung bakit ako nandito, Zendaya," mahinahon niyang tugon.

"Really? I heard you say earlier that you like Dad."

Bahagya siyang nagulat sa narinig. Siguro ay napakinggan nito ang lahat ng naging usapan nila ni Zach at mukhang wala na siyang magagawa pa para magsinungaling.

"Aren't you ashamed? Daddy doesn't like you. Tama nga si Tita Laureen. You're a desperate woman at sigurado akong kapag pinansin ka ni Daddy, aagawin mo na siya mula sakin."

"Wala akong balak na agawin si Zach mula sayo. Sinabi ko lang sa kanya ang nararamdaman ko. You don't have to worry. Darating din ang araw na hindi mo na ako makikita dito."

Sandaling natigilan si Zendaya. Having the thought that Cyan will vanish in their lives makes her excited. "Really?"

Nakaramdam naman ng kaunting kirot sa puso niya si Cyan nang makitang wala man lang ni katiting na pagtutol si Zendaya sa kaisipang mawawala na siya sa buhay ng mga ito. Mukhang tama nga ang bata. Habang dumadaan ang mga araw, nagiging desperada na siya at nahihiya siya sa sarili niya.

"Yeah," tipid niyang sagot.

"That's good to hear. Dapat lang na umalis ka na dito nang sa ganun, si Tita Laureen na ang magiging bagong mommy ko. Then the three of us will he happy too," anito bago siya tinalikuran at naglakad ng muli pabalik sa silid nito.

Mas lalo lang nadagdagan ang bigat sa kalooban niya. Huminga siya ng malalim bago nagtungo sa kanyang silid nang mapadaan siya sa whole body mirror. Pinakatitigan niyang maigi ang sarili niya ng ilang minuto.

Namumugto ang kanyang mga mata habang nangangayayat na siya. Pakiramdam niya hindi na siya ang dating Cyan. Nawala na ang sigla sa kanyang mga mata at pati ang kagandahan niya.

Walang gana siyang nahiga sa kama nang marinig niya ang pagtunog ng message tone alert ng kanyang cellphone. Nang tingnan niya ay isang larawan ang laman ng mensahe. Hindi lang basta larawan kundi larawan nina Zach at Laureen na naghahalikan sa kama.

Humigpit ang pagkakahawak niya sa kanyang cellphone kasabay ng pag-usbong ng galit sa kanyang puso. Pinindot niya ang delete button at tuluyang binura ang larawan.

Kinabukasan, tinanghali na siya ng gising. Nang lumabas siya sa kanyang silid ay mukha ni Laureen ang bumungad sa kanya. Galit ang ekspresyon nito habang nakatingin sa kanya.

"Anong oras na, Cyan? Bakit ngayon ka lang nagising! Hindi ba't dapat inaasikaso mo na si Zendaya dahil papasok pa siya sa academy?!" Mataray nitong asik.

Sandali niyang tinitigan ang mukha ni Laureen bago ito tinaasan ng kilay. "Hindi ba't nais mong magpaka-ina kay Zendaya? Why don't you try taking good care of her now by preparing her breakfast and then taking her to school?"

Natigilan naman si Laureen sa paraan ng pananalita ni Cyan. She knew that she always retaliate towards her pero pakiramdam niya kakaiba ang tono ng pananalita nito. Gayunpaman ay wala siyang planong magpadaig sa babae.

"Don't worry, I already did and starting from now, ako na ang mag-aaasikaso sa kanya at pati narin kay Zach."

Huminga ng malalim si Cyan bago nagkibit balikat. "Okay. Suit yourself," aniya at nilampasan na si Laureen.

Hindi naman makapaniwala ang huli sa naging tugon ni Cyan kaya't hinabol niya ang babae at marahas na hinawakan ang braso nito. "Are you mocking me, Cyan?" Naniningkit ang mga mata niyang angil.

Napatingin si Cyan sa kamay ni Laureen na mariin na nakahawak sa kanyang braso bago sinalubong ang mga mata nito. "Get your filthy hands of me, Laureen."

Umangat ang sulok ng labi nito. "At anong gagawin mo kapag hindi kita binitawan?"

Hindi nagsalita si Cyan bagkus ay hinawakan niya ang kamay nito at walang pasabing pinilipit. Napasigaw sa sakit si Laureen. Hindi pa siya nakuntento at patulak itong binitawan dahilan para mapasubsob ito sa railing ng hagdan.

"Hindi kita sinaktan noong nakaraan pero nagsumbong ka kay Zach at gumawa ka pa ng kasinungalingan. Ngayon may makukuwento ka na sa kanya. Run towards my husband Laureen and tell him what I have done to you today…”