Kabanata 9

Huminto ang sasakyan ni Cyan sa harap ng isang malaking mansion. Gaya ng bahay ni Zach, malaki at malawak din ang tinitirhan ni Don Sebastian. Nang makilala siya ng guwardiya na nagbabantay sa malaking gate, tuluyan na siya nitong pinapasok sa loob.

Agad siyang sinalubong ng isang kasambahay sa bungad palang ng pinto at magalang na binati.

"Magandang araw po, Señorita Cyan. Ano pong sadya ninyo at nagawi kayo sa mansion ni Don Sebastian?"

Napatikhim siya at huminga ng malalim bago nagsalita. "Gusto ko sanang makausap si Don Sebastian. Nandito ba siya?" Kinakabahan niyang tanong.

"Nasa loob po siya ng study room. Maupo muna kayo sa sofa at ipapaalam ko sa kanya na nandito kayo."

Tumango siya at umupo na sa pang-isahang sofa sa salas habang ang kasambahay naman ay nagtungo sa study room. Mataman siyang naghintay ng ilang segundo bago lumabas ang kasambahay at pinapasok siya sa loob.

Nang tumuntong siya sa studyroom, nanuot sa kanyang ilong ang mabangong aroma ng tsaa. Naroon si Don Seba