CHAPTER 12

KINABUKASAN, maaga akong nabulabog dahil sa sunod-sunod na pagkatok na narinig ko sa labas ng pintuan ko. Hindi ko tuloy maiwasan na makaramdam nang inis sapagkat ito na ang pangalawang beses na may umiistorbo sa pagtulog ko. Noong una ay dahil sa matandang babae na ‘yun na amoy lupa tapos naulit na naman ngayon.

Don’t tell me na si Mrs. Cruz na naman ‘yan dahil kapag nagkataon ay baka hindi ko na talaga mapigilan ang sarili ko at masakal ko na siya gamit ‘yung mga gintong kwintas na nakapulupot sa leeg niya.

Bwisit!

Pakiramdam ko ay nabibingi na ako sa sunod-sunod na pagkatok na ‘yun kaya naman kahit tinatamad ay hindi na ako nag dalawang isip na bumangon dito sa pinagkakahigaan ko. ‘Wag lang talaga na ‘yung matanda na naman na ‘yun ang bumubulabog sa akin ngayon kung hindi ay talagang makakatikim na siya sa akin. Hindi na ako masyadong nag ayos ng sarili ko at saka ko tinungo na ‘yung pintuan. Walang sali-salita na binuksan ko na nga ‘yung pinto at ipinakita