Chapter 14

Nang matapos siyang kumain ay hindi ko na pinatagal pa ang dapat kong sabihin.

“Son, can mommy talk to you after I wash the dishes?” tanong ko sa kaniya.

Hinintay ko ang sagot niya hanggang sa tumango siya ng dalawang beses.

“Go to the bathroom first and bathe yourself while mommy washes, okay?” habilin ko sa kaniya.

Tumango ulit siya at tahimik na umalis. Hindi ko napigilan ang mapabuntong-hininga. Hindi talaga ako sanay na tahimik si Herald. Ito ang palagi kong iniiwasan noon pa man dahil minsan ay mahirap siyang kausapin. Alam kong magseselos siya sa gagawin kong paglapit kay Hera. Kaya noong sisimulan ko pa lang ang plano ay nakapag-isip na ako, kung itutuloy ko ang paglapit sa batang babae ay baka sasamá ang loob sa akin ni Herald at magkakaroon ng komplikasyon