Chapter 20

Pagkagising ko ng umagang iyon ay may nakahanda ng pagkain para sa akin sa kusina. Iba 'yon sa nakasanayan kung kainin tuwing umaga.

Cereal na may mga prutas sa ibabaw, boiled egg at gatas. Nangunot ang noo ko ng tignan si Manang na naglilinis ng kalan.

"Manang, ito po ba ang niluto mong agahan? Kumakain ba ng ganito si Stelo?" Pagtatanong ko. Bahagya naman siyang natawa.

Alam naman niya na kape ang gusto kong inumin tuwing umaga e, bakit gatas ang nakahanda ngayon?

"Si Stelo ang naghanda niyan bago siya umalis. Hindi ko naman na pinigilan ng sinabi niyang para saiyo yan para raw maging healthy kayo."

Naramdaman ko ang pag-iinit ng pisngi ko at masayang kumain. Simula noon ay napapansin ko na nag-iiba na ang kilos ni Stelo para sa akin. Naging maalaga na siya. Nalaman na rin ng lahat ng tao sa bahay ang tungkol sa pagbubuntis ko at siya ang ama, pano ba naman kasi ay inanunsyo niya. Hindi na tuloy ako makagawa ng gawaing bahay dahil pinagbabawalan ako! Kulang na lang ay ihele nila