Chapter 5

Ngayon, kapag may nagbabanggit niyon sa kaniya, para siyang nasa malamig na kuweba. Napalingon si Leah ng tawagin siya ng isang katulong na hindi namalayan na nakaakyat pala.

“Ma’am Lea bakit kayo nandito? Magpahinga na kayo.”

Kinalma ni Lea ang sarili, pinunasan ang luha na naglandas sa kaniyang mga mata.

“Ihahatid ko lang ito kay Lola Esmeralda,” tugon ni Lea. Pumasok siya sa loob dahilan para matigil sa pag-uusap ang mag-lola. Napatingin sa kaniya si Esmeralda.

“Kanina ka pa diyan, Lea?” kinakabahan na tanong ng matanda. Umiling naman si Lea.

“Hindi po lola, kararating ko lang.”

Naglakad na palapit si Leah kay Esmeralde. Napatingin naman ang matanda kay Milo at tinaasan ng kilay. Kaso hindi ‘yon umubra sa lalaki. Tumingin lamang si Milo kay Leah bago lumabas ng silid.

Nang makatulog si Esmeralde, chineck ni leah ang temperature ng matanda kung bumaba na ba ang lagnat nito bago lumabas ng silid. Nakahinga naman siya ng maluwag dahil kahit papaano ay hindi na gaanong mainit ang matanda.

“Mabuti na lamang at bumaba na ang lagnat ni lola. Makakatulog na ako ng maayos neto,” pagkausap ni Leah sa sarili bago lumabas ng silid.

Nakiusap kasi ang matanda na doon na sila matulog ni Milo. sinabihan nito ang isang kasambahay na samahan sila sa master’s bedroom dahil nakalaan iyon sa kanila ni Milo.

“Maraming salamat po sa paghatid sa ‘kin rito. Nakita niyo po ba kung saan nagpunta si Milo?” tanong ni Leah.

Umiling lamang ang kasambahay. Nagpaalam na ito ng marating nila ang silid.

“Saan naman kaya nagpunta si Milo?”

Hindi talaga marunong sumunod ang dating asawa. Ayaw nito na dinidiktahan ng kung sinoman. Lalo na ngayon na kinikilala na siya sa lipunan, mas hindi ito mapapasunod. Pipihitin na sana niya ang pinto pero napatingin siya sa guwardiya na nasa tabi at nakatingin sa kaniya.

“Magpahinga na kayo Uncle Roger. Huwag niyo na pagurin ang sarili ninyo.”

“Mamaya na lang po, Mrs. Sandoval. Gusto kasi ni Ma’am esmeralda na kuhana kayo ng litrato bilang ebidensiya,” sagot ni Roger.

Simula noong ikasal si Lea kay Milo, Mrs. Sandoval ang tawag sa kaniya ng ginoo. Kahit na hindi naman siya itinuturing ng dating asawa na asawa.

Sinabihan kasi ni Esmeralda na lahat ng mga nakatira sa mansiyon na tawagin siyang Ma’am Lea o Mrs. Sandoval. Hindi na lamang sumagot si Lea, hinayaan niya na kunan siya ng litrato ni Roger nang buksan niya ang pinto. Tiningnan iyon ni Roger, napangiti ito ng ma-satisfy sa kuha.

“Puwede na kayo pumasok para makapagpahinga, Mrs. Sandoval. Puwede na ito na maipakita kay Ma’am Esmeralda.”

Nakahinga ng maluwag si Lea ng makaalis ang lalaki. Mukhang mag-isa lamang niyang matutulog roon dahil tiyak na matutulog sa ibang kuwarto si Milo. Napangiwi siya ng maramdaman ang kirot sa kaniyang binti. Yumuko siya at minasahe ang bukong-bukong.

Naalala ni Lea na tatlong beses siyang sinipa ng malakas sa paa. Na halos ikatumba niya. Kung hindi dumating ang mga police, tiyak na napatay na siya.

“Nandito ka na pala sa loob. Hindi ko napansin ang pagdating mo.”

Baritonong boses ang pumailanlang sa madilim na silid. Hindi pa kasi niya ini-on ang switch ng ilaw. Sinubukan niyang aninagin ang taong iyon. Nasa tabi ng bintana si Milo. Nakasandal habang may hithit na sigarilyo. Akala niya ay umalis ang lalaki pero hindi pala. Tiningnan ni Lea ang lalaki. Halo-halong emosyon ang nararamdaman niya ng mga sandaling ‘yon.

Kung noon siguro nangyari ito, baka nakakaramdam na siya ng excitement at pagbilis ng puso dahil magkakatabi sila ni Milo sa iisang kuwarto. Pero ngayon hindi na. Bakit?

Dahil sa hiwalay na sila at dahil alam niyang si Glaiza ang mahal nito at kailanman ay hindi siya magugustuhan ni Milo. kaya wala ng dahilan pa para makaramdam ng excitement dahil wala rin ‘yong saysay.

Tinatamad si Lea na isindi ang ilaw lalo na at sumasakit ang kaniyang paa. Naglakad siya palapit sa sofa, gusto na niyang magpahinga. Ngunit bago pa man niya ‘yon marating, may humila na sa kaniyang braso dahilan para mawalan siya ng balanse.

At dahil doon napakapit siya sa braso ng binata at nasubsob sa dibdib nito. Gusto niyang kumalas sa pagkakayakap ni Lea sa binata kaso mahigpit siyang hinawakan sa beywang ni Milo. Naramdaman na lamang niya ang mainit na labi nito sa kaniyang punong-taenga. Natigilan si Lea. Iyon ang unang pagkakataon na hinalikan siya ni Milo sa nakalipas na mga buwan.

Naramdaman na lang ni Lea na nakahiga siya sa sofa habang nakaibabaw sa kaniya ang dating asawa. Ramdam niya ang mainit na hininga ni Milo sa kaniyang mukha. Napapikit na lamang siya ng halikan siya sa mukha ng lalaki.

“Sabi ni lola kailangan nating gumawa ng bata,” paanas na sabi ni Milo.

Parang binuhusan ng sandamakmak na malamig at nagyeyelong tubig si Lea. Muli, bumalik sa ala-ala niya ang nakitang divorced agreement sa drawer at ang mga sinabi ng matanda. Umiwas siya sa halik ni Milo. Parang may mga karayom sa kaniyang lalamunan at hirap siyang makahanap ng salita na puwedeng sabihin sa lalaki. Lumunol siya.

“Alin ba ang gusto mo, Milo? Ang magkaroon ng anak o sa kondisyong ibinigay ni Lola Esmeralda kapalit ng pagkakaroon ng anak?”

Halos pabulong na lamang niya ‘yon nasabi. Hinawakan ni Milo ang magkabilang kamay niya at inilagay iyon sa ulunan niya. Tinanggal nito ang suot na salamin. Kaya kita ni Lea mula sa sinag ng buwan na pumapasok sa kuwarto kung gaano katalim ang mga mata ni Milo na parang gutom na hayop.

Ito ang totoong pagkatao ng isang Milo Sandoval.

“Parehas lang ‘yon. Gusto kong magkaroon ng anak na magmamana sa mga ari-arian ko at makuha ang lahat ng kayamanan ni lola. Dapat alam mo na ‘yan noon dahil ‘yan ang dahilan kung bakit kita pinakasalan,” malamig na sabi ni Milo. Nawalan ng kulay ang mukha ni Lea. Pakiramdam niya napahiya siya ‘non.

“Talaga lang ha? Sabagay iyon lang naman talaga ang rason eh wala ng iba.”

Ngunit hindi nagkomento si Milo. Nakatitig lamang sa kaniya ang lalaki. Masakit ‘yon para kay Lea dahil ang katahimikan nito ang nangangahulugang tama ang mga sinabi niya. Nainsulto ang buong pagkatao niya.

Ano ba ang meron kay Glaiza na wala sa kaniya at hindi siya magawang mahalin ni Milo? Mas masakit pa sa ginawang pambugbog sa kaniya. Alam ng dating asawa ang kahinaan niya.