Chapter 16

Sa araw na na-discharge ang Lolo Manuel niya ay animo nabilog ang utak niya nang marinig ang sinabi ng cashier sa kaniya. Siya kasi ang inutusan na magbayad ng bill ng kan'yang Lolo. Ngunit nang sabihin niya ang pangalan ay lumuwa yata ang mata niya nang sabihin nilang bayad na lahat. Tinanong niya kung sino ang nagbayad at parang nabingi siya sa sagot ng cashier. Isang matangkad at guwapong binata ang nagbayad daw ng bill. Sa description pa lang ay nahulaan na niya kung sino.

Ano ang iniisip ni Ryker at binayaran nito ang bill ng Lolo niya? Alam niya na napalapit na ang binata simula nang binisita nito ang Lolo niya. Ang mga kamag-anak din niya ay halatang hanga sa binata. Maliban lang sa kuya niya kahit ayaw nito sa lalaki ay pormal at civil pa rin ang pakikitungo nito sa una. Pero hindi ito valid reason para bayaran nito ang bill. Barya man dito ang perang pinambayad nito pero sa kanila ay malaki na iyon.

Tulalang naglakad siya pabalik sa ward kung saan naghihintay ang kamag-anak a