Maaga pa lamang ay dilat na ang mata ni Kelly. Nag-apply siya ng peeling mask sa kaniyang mukha. Hindi mabura-bura ang malawak na ngiti sa labi niya habang nakaupo sa silya sa harap ng salamin. Kanina pa siya tapos maligo at nagpalit ng isang fuchsia pink na blouse at jeans na hapit sa kaniya. Sa suot niya ay lumabas ang perpektong kurba ng kaniyang katawan. At kung maayusan siya ng husto ay magmumukha siyang anak mayaman.
May katamtaman siyang tangkad na five feet and four inches. Mahaba ang itim na itim na buhok niya na umabot sa kaniyang baywang. She have slender brows, mahaba at malalantik na pilik mata na parang pakpak ng paru-paru kung kumukurap siya, straight nose, thin pink lips and expressive brown eyes. She's a perfect epitome of beauty. Lahat ay mahuhumaling sa angking ganda niya idagdag pa ang talino na kaniyang taglay. Subalit tulad ng sinabi ng kaibigan niya ay maliit ang hinaharap niya at maliit lang ang gamit niyang bra.
At ito ang palaging napupuna ng kaibigan niya na kinaiinis niya. Aminin niyang may time na umasa siyang sana man lang ay 36A na lang para naman hindi siya inaasar ng kaibigan.
Bahagyang napahaplos siya sa dibdib niya at humugot ng malalim na paghinga. Hindi niya maipaliwanag kung bakit kinakabahan siya na makita ang binata. Hindi man siya umaasa na magkaharap at maka-usap ito ay at least nasilayan niya ang famous at bilyonaryong binata.
Her eyes curves in anticipation. Gusto niyang makompirma kung talagang tall and handsome nga ang binata. Minsan kasi, ang nakikita mo sa litrato ay iba sa personal.
Nang mag-ring na ang alarm niya ay nakangiwing inalis niya ang peeling mask sa kaniyang mukha. Napasigaw pa siya sa gulat nang may biglang kumatok sa pinto. Ang atensyon niya kasi ay ang pag-alis ng nilagay niya sa mukha.
Matalim ang matang tinignan niya ang pinto at sa nangagalaiting bagang ay sumigaw siya, "bastard, hintayin mong matapos ako rito at pangako aahitin ko iyang buhok mo hanggang sa makalbo ka!!"
Narinig niya ang mapang-asar na tawa ni Arthur sa labas ng kuwarto niya. "Kaninang madaling araw ay may narinig akong tunog ng chopper, baka siya na 'yon."
Agad siyang tumayo at patakbong binuksan ang pinto leaving the half unpeeled mask on her face. Napaatras ang kaibigan niya at tatawa-tawang tinignan ang kaniyang mukha.
"Talaga? Bakit wala yata akong narinig?" 'di naniniwalang tanong niya. "Wait! Anong time kaya siya pupunta sa lokasyon kung saan itatayo ang mall?"
Nagkibit balikat ito. "Hindi ko rin alam, baka naman humihilik ka pa at tumutulo ang iyong laway. Pupunta na lang tayo roon at sisilip pagkatapos ay uuwi agad. Nagrereklamo si Axle kaninang pumarito ako, eh."
Pinagsarhan niya ito ng pinto nang hindi nagkokomento sa sinabi nito. Simula nang maging alaga nito si Axle ay ang aso na ang palaging bukambibig nito. Alam naman niya na sa iisang lugar lang nito dinadala ang aso. At 'yon ay sa maliit na auditing firm kung saan nagtatrabaho ang kuya niya. "Mamaya na tayo mag-usap at magpapaganda pa ako."
Naupo muli siya sa silya at itinuloy ang pag-alis sa mask sa mukha niya. Napakagat labi pa siya at napaluha ng biglain niyang alisin iyon. Pagkatapos ay naglagay ng polbo at lip balm. Nang matapos siya ay tumayo na siya at isinukbit ang sling bag niya na naglalaman ng cellphone niya.
Pagkalabas niya ng kaniyang kuwarto ay naabutan niyang nakasandal sa dingding si Arthur na nakangiti at kinakalikot ang phone nito. Mabilis na ibinulsa nito ang gadget nang makita siya. Tinignan siya nito mula ulo hanggang paa at unti-unting gumuhit ang nakakalokong ngiti sa labi nito.
"Pupunta ka ba sa date?" pang-aalaska nito.
Pinandilatan niya ito at mahinang tinampal sa balikat. "Kapag 'di ka pa huminto sa pang-aasar sisipain kita pabalik sa sinapupunan ng nanay mo!" kunwa'y naiiritang pananakot niya.
Inarkuhan lang siya nito ng kilay at hinila siya upang pumanaog na silang dalawa. Nang makababa sila ay saktong lumabas sa may kusina ang mama niya na may hawak na dalawang mug ng kape na umuusok pa.
"Good morning, Mama," malambing na bati niya at lumapit dito sabay kuha ng isang mug. Ibinigay naman nito ang isa kay Arthur na agad nagpasalamat.
"Saan ba ang lakad ninyong dalawa at nakabihis kayo? Matutupad na ba ang hiling namin ni Conchita na magpapakasal kayo?" may halong pag-asam sa tinig na usisa ng ina. Ang Conchita na tinutukoy nito ay ang nanay ni Arthur. Naupo sila sa mahabang sofa.
Nasira ang mukha niya habang si Arthur ay bahagyang natawa. Noon pa man ay binibiro sila ng kanilang magulang na magpakasal na silang dalawa at 'wag nang humanap ng iba riyan. Ngunit matinding pagtutol ang naging reaksyon nilang dalawa na parang nandidiri pa. Para sa kanila ay magkapatid na sila kaya bawal ang magka-in love-an sila sa isa't isa. Isa pa ay matagal na niyang alam ang sexual preference ng kaibigan niya.
"Nagkakamali po kayo, Tita, sisilipin lang namin 'yong sinasabi nilang darating na taong may planong magpatayo ng mall," agad na bigkas ni Arthur at lumayo pa kay Kelly na umingos sa kanya.
"Naku, 'nak, alam ko na maganda ka pero wala tayong kayamanan na ihahandog sa kanila 'pag naging kayo," nakatawang biro ng ina.
Sumimangot siya. Humigop siya sa kaniyang mug pagkatapos ay inilapag sa lamesita.
"Tita, pustahan tayo hindi siya mapapansin ni Mister Mondragon," nataas ang sulok ng labing wika ni Arthur.
Naaasar na sinipa niya ang paa nito at tumayo. "Tara na!" pagtataray niya. "Ma, alis na po kami. Hindi na po ako mag-aagahan." Biglang kumislap ang kaniyang mata. "Pag-uwi ko mamaya ay may son-in-law na kayo." Humagikgik siya pagkatapos sabihin iyon.
"Nangarap ka na naman," pambabara ni Arthur sa kanya at tumayo na rin. "Don't worry, Tita, hindi ko siya hahayaang magkalat doon mamaya."
Malakas na tumawa si William na kabababa lang galing sa taas. "'Pag nagkalat siya roon ay iwan mo na."
Inirapan niya ang kapatid pagkatapos ay nag-walk out. Hinintay niya ang kaibigan sa garahe at nang makita itong dumating ay umingos siya. "Hindi kita tutulungan kay kuya."
"Pumunta ka mag-isa mo roon," ganti nito at ipinakita ang susi ng sasakyan nito sa kanya. Agad siyang ngumiti at nag-puppy eyes.
"Kung 'di lang kita kaibigan ay matagal na kitang kinutusan," sambit nito at pinagbuksan siya. Matamis siyang ngumiti rito at nag-blow ng kiss. "Promise, ako ang mag-a-arrange ng date ninyo 'pag handa ka nang umamin sa kaniya."
"Pangako mo 'yan, ah!," paniniguro nito at sinara ang pinto.
Nang binabagtas na nila ang kalsada papunta sa site ay muling tinignan ni Kelly ang mukha sa review mirror. Minsan ay 'di talaga niya maiwasang maging narcissist sa tuwing napapatitig siya sa sariling mukha. Hindi siya naniniwalang 'di niya makukuha ang pansin ng binata sa angkin niyang ganda.
Noong nag-aaral pa nga siya ay maraming nagkakagusto sa kaniya ngunit dedma lang siya at nag-focus na lang sa studies niya. Ngayong may sarili na siyang trabaho ay saka niya naisip na time na rin upang pagtuunan niya ng pansin ang paghahanap ng perpektong lalaking magiging kasintahan niya.
Hindi naman siya nagmamadaling magkaroon ng asawa pero gusto niyang maranasan din ang mahalin ng taong napupusuan niya. Siyempre gusto niyang mag-enjoy sa pagkadalaga habang nakikipag-date.
Nang huminto na ang sasakyan ay agad na sumilip siya sa labas. May nakita na siyang taong nakatayo sa tent na pinatayo sa site. Hindi lang rin sila ni Arthur ang narito para maki-usyuso kundi marami ang taga rito na dumating. Umibis silang dalawa ng sasakyan at humakbang palapit sa isang grupo na malapit sa tent at animo kinikilig na nakatingin doon.
"Ayon siya, nag-stand out talaga siya sa lahat ng mga kasama niya," bulong ni Arthur sa kaniya kaya hinanap ng mata niya ang taong sinadya niya rito.
Bahagyang napanganga siya nang matutok ang mata niya sa lalaking nakatayo malapit sa tent. Naka-suit pa rin ito kahit nandito ito sa site. May kausap itong lalaki habang nakaturo sa isang banda.
Hindi nga nagkakamali ang nabasa niya tungkol dito. He was so handsome and attractive. Kahit seryoso ang mukha nito ay animo nakangiti pa rin ang maamo nitong mukha. Parang hinihila siya nito na panoorin lahat ng kilos nito. Pati ang pagbuka at pagsara ng bibig nito habang nagsasalita ay hindi niya pinalagpas.
Nakikita pa niya ang perpekto at mapuputing ngipin sa tuwing bubuka ang bibig upang magsalita.
At kapag ngumingiti, animo ang buong paligid nito ay lumiliwanag. Hindi niya magawang bawiin ang tingin niya sa binata.
Wala sa loob na naitaas niya ang kamay at napahawak sa may bandang dibdib. Ramdam niya ang eratikong pagkabog ng kaniyang puso.
Nakatutok pa rin ang mata niya rito ng bigla itong lumingon sa gawi niya, na parang naramdaman nitong nakamasid siya rito.
Nakalimutan na yata niya ang huminga nang huminto ang tingin nito sa gawi nila. Napalunok siya at mahigpit na kinuyom ang kaniyang kamao.
Tumaas bigla ang sulok ng bibig nito at sa gulat niya ay kumindat ito sa kaniya.
Pakiramdam niya ay nalaglag ang puso niya sa kaniyang paanan sa ginawa nito.
'Pakisabi nga kung humihinga pa ba ako o hindi na?'
Kausap ni Ryker ang engineer niya nang maramdaman niya ang kakaibang tingin na nakatutok sa kaniya. Luminga siya para hanapin ang tingin na iyon; then his eyes met beautiful and seductive eyes. Hindi niya alam kung aware ba ang magandang dilag sa paraan ng tingin nito kaya napangisi siya at kinindatan ito.Malayo man ang babae ay nahuhulaan niyang pumula ang pisngi nito nang makita ang pagkagat nito sa ibababg labi. She's so gorgeous that she immediately grabbed his attention. Maraming kadalagahan siyang nakita at nakilala subalit ito lang ang masasabi niyang may taglay na eleganteng ganda. Nakakahalina at hindi nakakasawang pagmasdan.Binawi na niya ang kaniyang mata at bumalik ang atensyon niya kay Rob na pinag-aaralan kung paano itatayo ang gusali. Isang kakilala niya ang nagsabi tungkol sa lugar na 'to at nagkaroon agad siya ng interes. Kaya naman nagplano na agad siya at binili ang malawak na lupain. Ang may-ari nga lamang ang pumunta sa syudad upang magpirmahan sila."The entranc
Pagkapasok pa lamang ni Kelly sa loob ng kanilang bahay pagka-uwi niya ay nagtitili na siyang tinawag ang ina. Hindi na siya makapaghintay na ibahagi rito ang paghaharap nila ni Ryker. Na napansin ng binata ang alindog niya hindi katulad ng iniisip nila. Hinanap niya ang ina sa bawat sulok ng kanilang bahay ngunit hindi pa rin niya ito nakita.Pumasok sa isipan niya na baka pinuntahan na naman nito ang tanim nito kaya malalaki ang hakbang na pumunta siya sa likod bahay kasunod si Arthur na napapailing. Agad naman niyang nakita ang ina sa labas na nilalagyan ng black soil ang isang bakanteng paso. Narinig nito ang yabag nila kaya napalingon ito sa kanila at napangiti.Animo bituin na kumikinang ang kaniyang mata habang naglalakad palapit sa ina. Nangunot ang noo nito sa kinikilos niya at sumulyap kay Arthur na nagkibit balikat at naupo sa bangko."Mama, hulaan mo kung ano ang nangyari sa pagpunta namin doon," very eager na bulalas niya. Umaasang agad na mahulaan ng ina ang nangyari sa
Kinalunesan ay maagang pumasok sa trabaho si Kelly. Kahit halata ang malalaking eyebags sa mata niya at kakulangan sa tulog ay maliksi pa rin siyang kumilos. After having that kind of dream, hindi siya nakatulog ng ilang gabi at palaging naglalaro sa kaniyang utak ang mukha ng binata. Hindi niya maintindihan kung bakit at paano nagawang gumawa ng ganoong ekspresyon sa mukha ng binata ang utak niya.Sa tuwing pipikit siya ay animo sirang cassette na lumilitaw sa balintataw niya iyon dahilan upang bigla siyang mamumula at magigising ang kaniyang diwa. Pagkatapos ay 'di na siya makakatulog at madaling araw na kung aantukin siya.Humikab siya at sumandal sa swivel chair niya at pumikit. Wala namang darating na bagong libro ngayon kaya wala siyang gagawin. Isa pa ay hindi naman isang malaking library ang pinagtatrabahuhan niya kaya may araw talaga na wala siyang ginagawa at nakaupo lamang habang nagbabasa ng libro at naghihintay ng darating na customer. Lalo na kung natapos niyang i-check a
Kinahapunan pagkatapos magsara ng library si Kelly ay nagulat siya nang mamataan niya si Ryker na nakasandal sa hood ng isang wrangler at nakapikit. Napakurap pa siya ng maraming beses para masigurong hindi lang imahinasyon ang nakikita niya pero naroon pa rin ang binata. Atubling nilapitan niya ito at huminto ng isang dipa rito.Wala sa loob na isinubo niya ang hinlalaki at kinagat ang kaniyang kuko habang binibistahan ang hitsura ng binata. Iba na ang damit na suot nito ngayon, isang gray na sweater at jeans. Ang bangs nito ay malayang nakalugay sa noo nito kaya nagmukha itong teenager. Ngunit hindi pa rin nawawala sa aura nito ang isang pagiging bachelor.Bahagya siyang umatras nang makitang kumislot ang mga pilik mata nito at unti-unti itong nagmulat ng mata. Kumislot ang puso niya nang sa pagmulat nito ay tamang magkakatitigan silang dalawa. Dumiin ang ngipin niya sa dulo ng kaniyang daliri dahilan para mapadaing siya at mabilis na tinignan iyon.Nagulat naman ito kaya agarang na
Nang hindi na makita ni Ryker si Kelly sa side mirror ng sasakyan niya ay awtomatikong tumaas ang sulok ng kaniyang labi. Dumako ang mata niya sa pilot seat kung saan niya basta inilapag ang isang folder na naglalaman ng imbistigasyon na nakalap ng inupahan niyang PI tungkol sa dalaga.Isang araw lang ang hinintay niya at dumating ito kaninang madaling araw. Kilala kasi siya ng PI na 'pag sinabi niyang isang araw lang ay hindi puwedeng lumagpas ng isa pang araw o dalawa. Kaya naman sa unang tawag pa lang niya ay agad na magtatrabaho na ang tao niya para ibigay ang kailangan niya.Dito niya natuklasan ang kursong tinapos ng dalaga. Alam niyang hindi konektado ang tinapos nito sa business niya pero ito lamang ang paraan niya para mahikayat na sumama sa kaniya para magtrabaho sa kaniyang kompanya. Kahit magpapatayo pa siya ng isang bookstore na ito ang magbabantay. Gusto niyang dalhin ito sa syudad kung saan siya nakatira upang palagi niya itong nasisilayan at nabibigyan ng buong atensyo
Humihikab na pumanaog si Kelly sa hagdan ng kanilang bahay. Magulo pa ang buhok at hindi man lang nakakapaghilamos ng kaniyang mukha. Balak niyang magpahatid sa kuya niya kaya naman hindi agad siya nag-shower at naghanda upang pumunta sa trabaho.Nasa may gitna na siya ng hagdan nang magulantang siya sa matinis na tinig ng isang bata at tinawag ang kaniyang pangalan. Kung hindi siya agad nakahawak sa balustre ng hagdan ay paniguradong nadulas siya at tuloy-tuloy na dumausdus pababa hanggang sa first floor. Hindi pa naman carpeted ang sahig nila at tiled floor lang.She was shocked silly that she glared to that person's voice. But when she realizes who she was she instantly smiled to Pierre and awkwardly descended to the stair. Subalit animo napako siya sa kinatatayuan nang sa pagtapak niya sa huling baitang ng hagdan ay natuon ang mata niya sa maliit na bird cage na nasa paanan ng bata. Her mouth gaped. There was two birds in it chirping. Nagpalipat-lipat ang tingin niya roon at kay P
Nakatingin si Kelly sa papalayong pigura ng binata habang magulo ang kaniyang isipan. Pakiramdam niya ay panaginip 'to lahat, ang pag-aalok nito ng trabaho sa kaniya at ang pagtanggap at pagpayag niyang magtrabaho sa kaniya. She didn't even see his mischievous smile as he nodded his head earlier in content. Nakaupo lamang siya na animo statue at hindi nagising sa parang langong pakiramdam niya. Napaiktad lang siya sa gulat ng katokin ni Samuel ang mesa niya at tinignan siya sa nagtatanong na mata.Ilang beses siyang napakurap bago alanganing ngumiriti rito."Narinig ko ang usapan ninyong dalawa. Tinanggap mo ang offer niya and you even wrote your resignation on the spot as if you were hypnotized," nakaarko ang sulok ng labing saad nito sa tonong may halong panunukso.Mariing pinaglapat niya ang kaniyang mga labi at hindi malaman kung ano ang isasagot sa sinabi nito. Nakita siguro nito kung ano ang reaksyon niya kanina kaya naman ito at inaasar siya nito."M-Mukga ba akong fanatic fan
After niyang ibigay ang resignation letter sa sumunod na araw ay nagpatuloy pa rin siya sa pagtatrabaho roon habang hinihintay na ma-approve iyon. Nanatili ang daily routine niya araw-araw dito sa library. Ang pag-check sa bagong deliver na libro, markahan ang mga listahan at naghihintay ng customer na darating.Hindi na siya nagulat na sumulpot si Ryker kinahapunan at may hawak pa na vanilla milk tea. Ang mga mata niya ay hindi maalis-alis ang tingin sa malawak na balikat nito at ang mahaba at powerful na binti nito. Wala sa loob na binasa niya ang mga labi at unti-unti pang nagtaas siya ng tingin at dumako ang mata niya sa guwapo at perpektong mukha nito. Ang kanyang mga mata na animo tinatamad ngunit nagpapahiwatig naman ng pang-aakit.Ang kanyang presensya ay sapat na para magliparan ang lahat ng mga paru-paro sa kaniyang tiyan. At nang titigan siya ng tinatamad nitong mga mata ay halos manlambot ang mga tuhod niya. Kung hindi lang siya nakaupo kanina pa ay natunaw na siya sa san